Tuesday, May 23, 2006


والله عيب....الكويتيين سنة 2006 يصير شغلهم الشاغل الماي

ها...انقطع عندكم الماي اليوم و لا لأ؟

ها...نظفتوا البركه...حق الماي؟

ها...عندكم أرقام تناكر و لا نعطيكم؟

حـــــــــــــــــــــــسافة عليك

يـــــــــــــــا كويـــــــــــــــــــــــت

27 comments:

Broke said...

Since my smart sister has become a lawyer officially , I'm thinking of killing someone one ..



اهو بس الماي يا نانو ! مادري أحس عيابنا على غيرنا قاعد يرد علينا عايدي بكل شي

A3sab said...

Eeeeeeeeee wallah! the other week i got stuck at home cuz we had no water. mo salfah hatheeeee. thakilyoum tiwahhagt bishampoo illi ibsha3ri!

Bo Jaij said...

منو المسؤول الأول عن خدمة توفير المياه للشعب؟؟

همممم ما أدرى بس أعتقد أكيد هالشخص مشغول (شوية) و لاهى بأمور أكثر أهمية بالنسبة له


على العموم إذا ما وحدتنا الدوائر الخمس راح يوحدنا إنقطاع الماى ....و مو بس معارضة...معارضة و عطاشى....شفكج منا يا....حكومة

me7tar-na7ees said...

تبون تعرفون من المسؤول؟ هو من قال صرفوا مافي الجيب اعطيكم ما في الغيب وابشر اهل الكويت بإكتشافات الغاز والنفط بس مشولي حقول الشمال بترس مخباتي من خيرك يا كويت ... وشلكم بعوار الراس بخمس دواير ولا عشر، أصلا شتبون يكونلكم مجلس يا كويتيين،

me7tar-na7ees said...
This comment has been removed by a blog administrator.
gahwah said...

الله يستر, أنا أحاتي هالشئ من أسبوعين أول ماانكتب في القبس بموت من الحرة .. والا جان احنا بثروتنا عندنا بكل دائرة مولدات ماي :) بس شاقول مخروش طاح بكروش

Anonymous said...

na7ani7oo..
eho boga shay eb deeratna ma ekhtarab... e7naaaaaaa lo fi aqal men 3rd world country hatha e7na.. al moshkila al emkaniat mawjoda.. ryayeel tabi ta9le7 mako... nahb eb nahb allahoma ya kafi.. 9dagtay 7asafa 3leich ya kuwait!!!!!!

لمياء الحالمة said...

من المسئول عن هدر المياه؟
ألسنا نحن؟

إذن لِمَ ندفن رؤوسنا بالرمال كالنعام, ونتهم جكومة زيمبابوي بانها السبب وراء هذه الأزمة؟

نحن, بتصرفاتنا الغير مسئولة, وبأنانيتنا, وبإستخدامنا للمضخات التي تؤثر على بقية الجيرانو وتؤثر على الشبكة

نحن, لعدم رقابتنا على العمالة التي تعمل لدينا وتهدر المياه

نحن
ونحن
ونحن


فقط



الفساد ينبع منا نحن, ونحن مشتركون به



good post nano

neelaah said...
This comment has been removed by a blog administrator.
neelaah said...

انا استغرب لما دوله مثل الكويت تكون الافقر في العالم بالماء

مو لأنه البحر ما في ماي
بس لانه التخطيط زباله و لا ديرة تضاعف عددها بزمن قصير ما ضاعفوا طاقتهم الانتاجيه

ليش ما عندهم فلوس يسوون مراكز تحليه يديده

بس صدق بوجيج الناس المسئوله لاهيه باللي اهم بالنسبه لها

3afoor said...

الله يرضى أتأخر عن دوامي والسبة ماكو ماي؟؟
وندق على راعي التنكر يقوللنا اييكم العصر؟
هذي آخرتها نتسبح بماي أبراج؟
مشكورة نانو على هالبوست بردتي جبدي يعل جبودهم البط
بس انا عندي سؤال اشمعنى الضاحية والنزهه أكو ماي؟

بومريوم said...

الانقطاع فى العام الماضى جاء فى عز أزمة الاستجواب
خلص الاستجواب ردت المياة طبيعيه

gahwah said...

لمياء

ok
احبا علينا مسئولية وايد مصخناها بصرف الماي لكن اللوم الكبير على الحكومة اللي ما حجمتنا من زمان و توها ياية اتقول الكويت أفقر دولة بالماء!!!! يا سلام اشعقبة

وبعدين النفط امشلل ولله الحمد (عسى الله يشلله كمان وكمان)
ممكن اتباع ألف وسيلة و و سيلة بس اهم ما يبون يبون الناس تلها بالماي والكهرباء و غيرها من الأمور اللي تخلينا نبتعد عن السياسة والاصلاح وغيرها....

Soud said...

والله شىء يضيق الخلق بعد تحرير العراق وصلت الماى الى البصرة فى يومين والانقطاع حدث ولا حرج بالكويت

الحين الماى باجر الكهرباء أنا قاعد أزهب شمع من الحين

سعود

Mahmoud Omar said...

السلام عليكم! أرجو منكم أيها القراء الأزاء أن تطلعوا على موقعي الساخر الجديد في الإنترنت. أتأمل زيارتكم الكريمة قريبا إنشاءالله حيث ستجدون كاريكتيرات ورسومات متحركة (فلاش) حول الحاجات المزعجة في حياتنا اليومية وعلى وجه خاص ضغوط أهل المنافقة. العنوان كالنالي: http://www.il3byafar يالله زوروني!!

Judy Abbott said...

its a new hip to make us get busy with it and not notice what you-know-who is doing..

We have lots of water.. but you don't have pure water.. yet those ma9ani3 they work well...just see mino il new manager ehnak o eshkether 7a6 ebjeeba akher il sena.

nice said...

ما تشوفون شر على الماي
انتوا وين ساكنين عندكم هالمشكلة
احنا ولله الحمد ما انقطع عندنا
لانه تحت المطبخ الخارجي فيه برجه تشيلها ست تناكر مرة وحدة
فإلي يبي امدله بايب يدفع
شرط ساكن يمنا بوعدلية :)

Alia said...

هذي أول البشاير
والخير لقدام

mishari said...

اول شى الحكومة تتحمل جزء كبير من الخطأ لان اهملت الموضوع بشدة والمسؤول الاول هو وزير الطاقة اللى لاهى بالتتكتك
والملاحظ ان المشاكل ما تيى الا مع بعض ماى انتخابات ازمة البورصة
علشان لما يبدون يحلون يقولون ها ترى الحكومة قاعد تساعد شوفوا والدليل
1- جريدة امس الرأى العام خبر بحل ازمة المياه فى اخر يونيو
2- البورصة من نحل المجلس واهيا فى صعود
بس بالقابل الاسراف اللى احنا فيه هم شين مو زين الناس تبطل الماى تقول بيتروسون تب علشان يفشرون اسنانهم وبرة يفرشون اسنانهم بكمية كوب واحد
اهم لويه واحنا ترى هم مسرفين شوي والانتخابات ياية والجدور راح تزيد صرف الماى

mishari said...

صج ذكرتونى يبه الله يخليكم
3afoor لاتخلونها تروح الدوام اليديد بدون ماى ترى الكبوس ما يثبت :)

ZORT said...

!ماي حق عمّتك نانو يا ولد

Anonymous said...

زورت
عمتك انت

zubayriah said...

ويـــــــــــــه خنت حيلي الله يعينكم على التلعوز

شكرههه اذا انقطع الماي بحزه الصيف حالة واللى بيكلونها اللى عندهم يهال

بس بالماي ولا بالكهرباء خخخخخخخ خو شي اهون من شي

ZORT said...

Anonymous,

ادري، عمّتي و على راسي

Zaydoun said...

قلتلكم لو بس يجابل وزارته... بس المشكلة انه لا يعرف بالماي ولا بالكهرباء ولا بالنفط ولا بالرياضة

كور مخلبص

barrak said...

الناس وصلو القمر واحنا ماكو ماي
مشكور ياسوبرمان مشكور يالفهد
المفروض من اليوم كلنا نتسبح بشاي
اذا هذي البداية عيل راحت البلد
الكل يقول انا والطوفان من وراي
للاسف كل شي بهالديره ياناس فسد
قولو للإصلاح وللتقدم باي باي
وترحموا على البنية والشايب والولد
شفيكم تبون ماي لا ماكو ماي
غصبن علينا نسمع كلامك يالفهد

Environmental said...

My professors always told us that the next BIG wars will be because of water, NOT OIL

We Will See etha allah 3a6ana 3omor

 
template by Purplecious