Tuesday, September 13, 2005

أنا تقريبا يوم و ترك أروح بيت خالتي....مشكلتي هناك...أن الشغالين عندها في البيت مربين قطاوه الشارع....فحوش البيت القطاوه فيه خرّي مرّي....فكل ما أبي أطلع من بيتها لازم أمي و خالتي يطلعون معاي لي الحوش عشان يأمنون سلامتي...أول أمس طلعنا و كان معانا مجموعة من النساء صديقات أمي و خالتي...ألا قطوتين....لو تشوفون شلون متقمطين على الزرع...و الراحه اللي قاعدين فيها...فعلقت وحده من صديقات أمي...يا ريت فيني شده عشان أقدر أتمقط مثل هالقطوه...شان ترد عليها الثانيه....أنتي شوفيهم شلون يارعين...خو القطاوه الحين لو تقعدين تكشين فيهم من اليوم لي باكر يدوبك يلتفتون عليك..و تعطيك القطوه و لا العتوي نظره و يكمل مشواره....بس أحنا بهالديره بقى أحد ما يرع علينا....حتى القطاوه يرعت....خلف الله علينا...و الله صاجه

14 comments:

Broke said...

ايييي صح .. مادري شفيهم ما قاموا يخافون .. و نظرتهم تقولين نظرة آدمي مصيبة .. أول اهم اللي ينحاشون منا ألحين احنا اللي ننحاش منهم

حلاتج تشوفيني شلون اركب سيارتي لما تكون القطوة لابدة تحتها

:D

Q said...

nano, illy yigra wasfich igool il 7adeeeqa kilha osoood! ;P

nanonano said...

Q:
بالضبط شفت شلون الأسد لما يقعد يتمقط القطاوه كانت شذي

Brava Valentia said...

اظن القطاوه و النمور من نفس الفصيله

دم ضروسي القطاوه ... واللي يتميلحون و يربون قطاوه

nanonano said...

mother courage:
والله صاجه...حدهم يتميلحون بالنسبه لي

بوحثريب said...

nanonano:
لوطاريه مليون!!لأن امس صارلي شيء مأساوي ومريع لأني دست على قطوتين وعانيت وايد على ما نسيت الصوت اللي طلع

taralalee said...
This comment has been removed by a blog administrator.
taralalee said...

أنا لاحظت هالشي عالقطاوه و الهنود لما رديت الديره

machiatto83 said...

Akreh shay ilga6wa, shakilha wayed na7ees o thagheelat 6eena o shayfa roo7a, tnarfiz

ClOuDs said...

إي و الله صاجه خلف الله علينا حتى القطاوة تيرعوا علينا .. بس ميخالف هذا تواضع
:P

A3sab said...

the worst thing about cats is during mating season when they start meowing so high making sounds like baby cries. Its very irritating and gross!!

kuwaite said...

ودي اعرف

شيخوف بالقطاوه

عادل القلاف said...

السلام عليكم

بصراحة بالصدفة دشيت الصفحة
وقعدت اقرى سوالفج

واضحك

عساج على القوة يارب

ولج طولة العمر والصحة والعافية

انشا الله

تحياتي عادل القلاف

Anonymous said...

والله وانا اختج القطاوه اشوه من الجلاب خلوه وقطع على الاقل القطاوه ما فيها نياسه وانا اختج القطوه بالبيت مبروكه حتى عالمياً سوووو لهم مسرحيه ما اتهبلCATsشفتيها؟؟؟

 
template by Purplecious