Saturday, September 10, 2005

قاعده أكلّم صديقتي الوسواسيه....هذي الأنسانه...اللي لا تتييبين طاري الموت جدّامها...تقعد تنفخ و ما أدري شنو تسوي..بطريقه أهيه من صجها و أحنا نغشي من الضحك عليها...لأن ببساطه الموت حق علينا كلنا...فما له داعي هالخوف كلّه منّه...بس أهيه البنت تضحك...و أحنا الزغول نعرف نقطة ضعفها هذي و نقعد نطفرها على هالموضوع لما تطلع من طورها...و بعدين نستسلم و نغير الموضوع...المهم قاعده أكلمها ما أدري شنو قالت لي شان أرد عليها...الحمدالله على كل حال....ما وعيت الاّ واهيه صارخه...لا تقولين هالحشوه...كلام العيايز هذا ما أحبّه...ذبحتونا...كبّرتونا...اللي تشتكي من ركبها...و اللي تشتكي من معدتها...واللي فيها بداية الزهايمر...و الحين قمتوا اتكلمون مثل العيايز....فكّونا من الهالموديل...تونا صغار...كل هذا أهيه قاعده تهذر... وأنا غشيانه من الضحك...لأن كل كلامها صح...فقررنا أن راح نرد نتشبب مرّه ثانيه...و نستمتع


10 comments:

bora bora said...

إحنا شباب ليما نوصل 55 سنة
بعدين ليما 70 إحنا حريم كبار
من 70 بس ما بقى شي يالله حسن الخاتمة
نايمين بالفراش يطعموننه ويغسلوننه
هذا إذا وصلنا 70
بس أنا أبي أموت بصحتي
مرض سريع ما يطول

خفت
:/

esetch said...

"فقررنا أن راح نرد نتشبب مرّه ثانيه...و نستمتع "

إشعليه ناويه

nanonano said...

esetch:
أول شئ بصبغ شعري...بخليه أشقر كستنائي...و بتفخ براطمي...و بشد وجهي...أشرايك...

Brava Valentia said...

من حيلنا لي قبيرنا

KhaThoOoQa said...

Ana Lail7Een Elly EshooFny 3aBalAh 3OmRi 3iShrEeeeeeN bAAAs - laaa laaa mo 3AmAi WaLa SaKraAaN....

TaBoOn Et3ArFoon eL SeR Ya BaNaaaT ??


chaaay el Qi9eeeee3 - 6 MaRRat bel YoUm

3Ajeeeeeeeb.....e6Alle3 kel El 7eber men el bashra wey6awwel el Ayaadi...A7laaa shay el eed el 6iweela...Talbiseeen 1000 Meth3aad..3AaAAAaaaDiii


//\\o_-//\\ ♥♥♥ >o))))<

Tareqish said...

hhahahhah al7een el 3ayayez kelshay esawoon mo rada 3ala el sobgh el sha3ar :)

wallah el shabab shabab el galb o yallah 7esn el khatmah

دندول said...

أختي الفاضلة

الشيخوخة هي ظاهرة طبيعية, وهي مرحلة من مراحل عمرنا, تماما كمرحلة الطفولة ثم الشباب

ولكل مرحلة طعمها الخاص ونكهتها, فلِم نطمع بأن نبقى شبابا طول العمر؟

بالنسبة لي فانا أعيش أحلى فترات حياتي حيث اني كثير الحركة والقيام, ولكني أعلم بأنه سوف يأتى اليوم الذي لن أستطيع القيام به, إلا بصعوبة شديدة , ولن أعتمد على الحبة الزرقاء

:-)

أنا بتنفس حرية .. متقطع عني الهوا

taralalee said...

والله يا نانو لما اقرى كلامج انشكح شكحه ما بعدها شكحه

nanonano said...

taralalee:
و الله أنا لما قريت تعليقك هم انشكحت بعد

Q8LoVeR said...

افا الحين كلام الحمد لله على كل حال صار كلام عيايز اذا واحنا صغار مانحمد ربنا متى نحمده عيل ؟

المفروض كل دقيقه نشكر ربنا ونحمده على كل نعمه بس احنا مقصرين ولا انتوا شرايكم

 
template by Purplecious