Sunday, July 31, 2005

الأسبوع اللي فات...أتفقنا أنا و صديقتي أن نبي ندلل نفسنا...احنا سامعين عن صالون نسائي توّه فاتح في الجهراء...صالون المفروض أن على مستوى وايد عالي من الرفاهيه...فأنا ويّاها ما صدّقنا خبر...و رحنا...طبعا تفاجأنا بالصالون...لأن ماشاءالله شي مسكّت...مساحته 750 متر و يتلالا من النظافه و الترتيب...حتى أول ما وصلت...سويت حركه ذكرت فيها الله يذكره بالخير أبو حفص...رحت شيكت الحمّام...لأن هذا راح يكون مقياسي ولاّ عجيب...احنا مادحين لنا الحمام المغربي اللي هناك...لبسنا مايوهاتنا و تزهبنا...حق جلسة التملّخ...أول مرّه في حياتي أحس بالدجاجه لمّا يطبخونها على البخار...و بعدين لما بدت تفرّك ياني احساس الجزره لمّا اتقشر....و آخر لمّا خلاص صرت خرجه...ياني احساس العجينه اللي اترخوط....عقب ما خلّصنا شان يغسلونا بماي ورد...شعور مسكّت...ما أدري شلون بدّلنا أنا و صديقتي و رجعنا الديره...بس كانت خوش رحله تدلل

27 comments:

Brava Valentia said...

عليك وصف !! ... حمام الهنا

Zaydoun said...

طاقين طريج بهالحر؟؟ عفية خلق

lawyer said...

liash aljahrraaaa 3ad !!! chan re7tay spa time ! or 9alon yours ! fe wayd 9alonnat san33a fe alderra o netheffaaaaaaa !
bs aljahrra Why ??
chan re7tay hilton fe khosh 7mam maghrby o bukjar Or ay hotel bbsssssssss aljahrraaaaaa madre gharebba

nanonano said...

Zaydoun:
أشدعوه طريق كلها 20 دقيقه على الدائري الرابع...أقرب من الشاليهات و أقرب من هيلتون المنقف

lawyer:
عشان أتعرف على الحهة الخرى من مدينة الكويت...و بعدين كل اللي بالديره مجربتهم و مافيهم شئ مميز فقلنا نجرب اللي برّه...و كانت خوش شئ..أنصحك فيها

bo_ghazi said...

أول و آخر مرة سويت شي مشابه كان في منتجع بالبحر الميت... مساج و يليه حمام بخار و جاكوزي و ملطخ عمري بطين البحر الميت يعني يكون طبي!! بس صج شعور حلو

lawyer said...

mmmmmmmmmmm sheno esmma ?? o wain bethab6???

Spontaneousnessity said...

ako salonat bel jahra!?

nanonano said...

Spontaneousnessity:
طبعا أكو صالونات بالجهره...حالها حال أي منطقه بالكويت

Bo Jaij said...

ودى أزور الجهره بس للأسف ما عندى فيزا

nanonano said...

Bo Jaij:
أفا عليك... أنا أكفلك

Zaydoun said...

بوغازي

ما شفت ياهل أردني على البحر الميت يسأل أبوه.. بابا هاظا مِلِح؟؟

Bo Jaij said...

دورت فى مكتبة الجرير و ما لقيت دليل شوارع مدينة الجهره و لا كتيب عن مفردات اللغة و حتى دليل الزاجات
zagat للمطاعم ماكو

ما أقدر أسافر لأى مدينة مو مكتوب عن مطاعمها بالزاجات

اليوم راح أحاول مرة ثانية يمكن ألاقى مجلة تايم آوت جاهرا

Time Out Jahra!

مشكورةعلى الكفالة بس بغيت أسألج إذا وقفوج على الحدود و فتشوا الهودج و لا لأ

nanonano said...

Bo Jaij:
ما عليك...ترا أنا أدل هناك...شئ واحد لازم تعرفه شارع عبدالله بن جدعان..و عقبها ما راح تحتاج دليل شوارع

Zaydoun:
لي الحين ودّي أعرف شنو رد الأبو...محد مقضبني حشوه منكم

A3sab said...

Sub7anallah ams galatli rifeejti 3an nafs il9alon. Chinna hit 9ayer.
I've been to Jahra twice in my life time and I dont think I wanna go there again unless it is absolutely necessary. Its an entirely different world.
Bas alla ihadach la3at chabdi min your expression اترخوط!!
:-)) I cant even start imagining how that feels.

bo_ghazi said...

زيدون، تصدق في واحد غرق و مات بالبحر الميت!!!! يعني الواحد حتى ما يقدر يغوص ، و هذا غرق... مقرود

Bo Jaij said...

في حمام مغربى إسلامى للرجال بالجهره؟

عندى نشفان بجلد الركبة

مو مهم إذا يكون تحت إدارة إقبال الأحمد و لا لأ

Jelly Belly said...

7amam al hana ya nanonano...walla shawagateeni 3ala al 7amam al ma`3arebee o 9aloonaat al Kuwait...9ij le radait yabeelee `3aseel o tash7eem...LOL

Judy Abbott said...

هذا الحمام المغربي الي مادري اشلون قايل!! يعني نفس ال body scrub?

عليج بالعافيه نانو :) تدللي بس سؤال ه1ا نفسه صالون مادري منو الحميضي؟ ولي عافيج وين صاير عندهم خوش وحده اتقص شعر بس ماني داله طريجه

مشكوره :*

nanonano said...

Bo Jaij:
يـــــمّـــــــــــه منّّّــــــــــــك
كل شئ تعرفه


*@@* nooni:
أي نفسه...لي عزّمتي تروحين كلميني و راح أوصف لك أيّاه...ترا وايد سهل

Zaydoun said...

هذا الصالون مال اقبال الأحمد؟؟؟ عيل ابشر يا بوجيج، ام عبدالعزيز تؤمن بالمساواة بين الجنسين... كلها مسألة وقت وتفتح لنا صالون وحمام بالصليبية

Kuwaiti_Man said...

نانو
أولا: نعيما, وحمام العافية والهنا

نسيتي تضيفين هذي الجملة

وعصروني جني برتقالة
ومشطوا شعرى جني تيسة بربرية

:)

Kuwaiti_Man said...

نانو
أنصحج بحمام قبازرد

nanonano said...

Kuwaiti_Man:
ها..ها..ها
عجبتني التيسه البربريه

Q said...

nono, min wasfich raay7a ma6bakh moo 7amaaam....

diyaaya, jizar, khirja (7ag tantheef), 3ajeena, may ward....

3asa ma shar? yo3aana?

nanonano said...

Q:
حــــــــــــدّي
;)

Sheba said...

7amam maghrebi i3awer & isawed il koo3 tara!

Smile said...

3ad aljahraa
bas ana shefta salon it amazing ..
Oo sho3or momtaz spa Oo al7amam alma'3rbi you have try hilton spa ..

 
template by Purplecious