Saturday, July 02, 2005

بس خلاص ما فيني...حاسّه نفسي بصير مينونه...البنات صديقاتي و عيالهم مسافرين صار لهم أسبوع.....و ماكو الاّ زليخه و صاحبة أجمل ابتسامه في الكويت....و خلّصت كل السوالف معاهم...و خلّصت كل السوالف مع زوجي...ها... و فوق البيعه...أختي عندها امتحانات يعني كلّش مو حولي...و أنا و زوجي و زيدون و شلّتنا قاعدين نشوف بعض كل يوم من يوم الأربعاء...فماكو سوالف...و الله يهداه بو راكان ما كتب شئ مثير للجدل ال 5 أيام اللي طافوا....و محمد عبدالقادر الجاسم كتب مقالته اوّل الأسبوع اللي فات..فتناقشنا و خلّصنا....و صلت مرحله...زوجي يلتفت علي يقولي تحاشيني؟؟؟ فاكتشف أني كنت قاعده أكلم روحي بصوت عالي....لحقوا علي يا الأجواد


20 comments:

esetch said...

Nano

ما لك إلا بوراشد مال كامكو تستشيرينه

8-))

lawyer said...

الله يخليليج ريليج انشاء الله
مممممممم لازم يبيلج حل
احسن شي غيري جو يا تروحين تسوين يوم كامل في سبا تايم جلسات كامله 3 ساعات وااااااو عقبها تحسين صج سويتي شي
او
روحي حجزي في هوتيل قريب من الدير مثل موفمبيك مسبحهم فظيع او الرايه غيريلج يومين

انا عن نفسي ما بقى فيلم في امازون ما طلبته عشان الكل بيساافر و بقعد بروحي
لا تخافين عندي خدمه تسليف افلام
ههههههههههههه ;)

nanonano said...

esetch:
hmmmmm
أشمعنى بوراشد؟؟؟؟

lawyer:
مشكلتي أبي أسولف أروح سبا تايم ما ينفع...ما أبي أطخ...فيني لويه

Bo-tariQ said...

ها ليش ما سافرتي؟؟

Purgatory said...

ok what is the problem?

بومريوم said...

بلى ستيش و شريط مصارعه
و تبكس انتى و يا الريل

Kuwaiti_Man said...

نانو
إسمحيلي أقوللج شي بس لا تزعلين, أوكي؟

الله يعين ابو العيال عليج

ألحين الضغط راح يوصل ألف, موجذي؟

Zaydoun said...

كلها كم يوم وبتسافرون... بسج تحلطم

nanonano said...

أنتوا ليش مو فاهميني...أنا مو متملله بالعكس...أصلا هالويكند ما هيعت بس فاقده البنات..صديقاتي

Sheba said...

afa, suwalfy ma itwanesech?

khalas nano batghala 3alaich :p

nanonano said...

شييييييييييبو بالعكس.....والله العظيم محّد وسّع صدري البارحه الاّ أنتي

Sheba said...

hehe thank u babe, bess kint ga3da atdala3 3alaich

7amee elDyar said...

جدا متعاطف معاك

بس للاسف ما اقدر اسوي شي

فكرتي تقتنين دبدوب هالايام !

Bosh Bin 3aqooL said...

بسيــــطه

You have the following options :

1) اخذيلج دورت غوص و حيلج في قاروه..ترى مو طبيعيه

2) شاليهــات بنيــدر .. مزارع الوفره .. واذا ما حصل عندج منتزهات
الخيران و ربعه
"هذا أذا ليقيتي حجز"

3) يحليله شوفي بوطارق شلون مستانس في الكويت مع عياله :)
http://failaka.blogspot.com/2005/07/blog-post_01.html

4) قاعده اتلاحظين أنه كل الأختيرات مقتصره على البحر..الحمدالله أنه احنا في ديره فيها بحر نفط و هذي وناستنا..ما تاقوليلي بعد ليش حاسه أنج بتصيرين مينونه؟؟

يعقووبوو said...

إذا لقيتي حل عطيني
ترى حتى انا اعاني من الفراغ وابي اسولف واطلع

ماكوا احد كل ربعي مسافرين


شكراً للمساحه
ودمتم سالمين ... (:

Saad said...

7anna7inno,

I have te perfect thing for you to do! help me settle an argument!

http://salha-and-saad.blogspot.com/

nanonano said...

Bosh Bin 3aqooL:

all your options r beach related do u i'm NEMO!!!! i want someone to talk to

nanonano said...

Saad:
welcome...very intresting blog..me like...thank u

Bosh Bin 3aqooL said...

nano..

There is not better than talking to the sea..

شفتي شلــون حتى أبهاذي صــايدتج فيها الــحكومه ؟

والـله موقاصرنا ألا خياشــيم و انصف صوب النويــبي..هـم أنه انقلل من الزحمــه و انحل مشــكلة الســكن.. ههههههه والله ونستيني يا نانو و انا في غربتي..لومو الاهلنا اللي فيها شان انا بتلقيني مع بوركان..بس يا انا يا هلحكومه بقعد على قلبهم

فيلجا said...

ما ألومج

بنات عمي اثنين سافروا مصر يوم اليمعه

وشكلي قبست عليهم وردوهم من المطار وراحوا السبت

فتميت أنا بريحاتي احاجي نفسي ويا كثر ما يطبون على وانا بهالحالة المزريه


سافري يبه بلاد الله واسعه اخذي اجازة

 
template by Purplecious