خلاص يا ريّس سيتم الأنتقال أن شاء الله من الفرعونيه الى الديموقراطيه

.

بقلم والدتي

*****

.

إيه ده يا ريّس..إيه ده يا ريّس..إيه ده يا ريّس

.

إيه اللي هبّبتوه إمبارح..إيه اللي عملتوه

.

إيه الهمجيه دي..إيه الوحشيه دي

.

يا راجل ده أنتوا اللي عملتوه امبارح

.

و الله العظيم أوحش و أشد قسوه تأثيرا علينا

.

من نكسة ٦٧

.

حد يا ريّس يعمل في ولاده اللي يدّعي

.

إنه يحبهم الفعله النكراء دي

.

و يتآمر عليهم المؤامره الحقيره دي

.

و يروّعهم بالطريقه الوحشيه دي

.

يا راجل أنت نسيت أنك في العقد التاسع

.

من عمرك و حتواجه رب كريم

.

.

بس على العموم أنا لي تفسير واحد

.

للسلوك ده هو أنه ربنا سبحانه و تعالى

.

لما بيغضب على عبده ما بيخلهوش ياخد

.

القرار الصح

.

.

المسئول اللي يحب مواطنينه يحاول يراضيهم

.

مُش زي حضرتك تفننت في تعذيب هالشباب الرائع

.

حضرتك تعرف أن حركة الشباب هذه كانت

.

مثار أعجاب العالم كله

.

كان حقهم عليك تروح لهم في ميدان التحرير

.

و تقعد معاهم و تحاورهم

.

و تاخدهم في حضنك

.

لأنهم شباب زي الورد

.

ما لهمش ذنب إلاّ انهم عايزين يعبروا

.

عن الألم و المعاناة اللي همه عايشينها

.

.

يا سيادة الرئيس أنا كنت في مصر

.

و رجعت قبل الأحداث بشويه

.

و كنت باقول لبناتي و صاحباتي

.

ـ و على فكره أنا من عشّاق مصرـ

.

إن مصر ما بقتش هي مصر اللي باعرفها

.

بقت حاجه تانيه كئيبه و أهلها في حالة

.

يأس و غضب شديد

.

فين الروح المصريه اللي أنا باعشقها

.

أختفت وراء الهموم و الشعور بالمهانه و الذل

.

اللي حضرة نظامك عيشتهم فيه

.

ده حضرتك كملت عليهم بالأنتخابات الأخيره

.

حد يعمل العمله الغبيه بالشكل ده

.

مع شعب عظيم و موهوب كالشعب المصري

.

ده حضرة نظامك أحتقر ذكائهم

.

و استعبطهم و احتقر انسانيتهم

.

ده إيه ده يا ريّس

.

ده أنت مرمغت كرامتهم في الأرض

.

و عملت فيهم أكتر من اللي بيعمله

.

الأسرائليين في الأراضي المحتله

.

.

بس أن شاء الله ربنا يهدي سرّكم

.

و أنا بانصحك أنك دايما تدعي ربنا

.

اللهم أرني الحق حقاً و أرزقني إتباعه

.

و أرني الباطل باطلاً و أرزقني إجتنابه

.

.