Thursday, July 29, 2010

OVER RATED

.
.
.
.
عندي مجموعة من الصديقات اللبنانيات متوسط 
.
أعمارهم ٥٠ سنه..أحرص لما أروح بيروت أني 
.
أطلع معاهم..طبعا كل وحده منهم عندها البزنس
.
الخاص فيها.. و كل وحده محققه نجاح في شغلها
.
عشان جذي أستمتع بسوالفهم و خبراتهم
.
بروحتي الأخيره..كان موضوع النقاش
.
شنو الشي ال 
.
OVER RATED
.
بالنسبه حق كل وحده فينا
.
وحده قالت الحياة..على أساس أن كله نتوقع
.
أن الحياة راح تصير زينه و ماكو منغصات
.
و كل الأمور سهاله..بس الحقيقه مو جذي
.
.
في راي ثاني كان..الزواج
.
و خاصة في مجتمعاتنا الشرقيه..أذا البنت
.
ما تزوجت أو تطلقت..أيْ مو متزوجه..تكسر 
.
خاطر الكل..و العموم يتحسر عليها
.
مع أن في وايد حالات ممكن تكون حياتها
.
في بيت أهلها..أحسن الف مره من حياتها
.
في بيت الزوجيه
.
.
الراي الأخير..كان العيال..أو الأولاد
.
مو بالضروره العيال يكونون مصدر السعاده
.
لأي زوجين..في وايد حالات..يكونون مصدر
.
شقاء و تعب..غير أن ساعات..يضطرون
.
بعض الأزواج أنهم يعيشون مع بعض و أهمه
.
مو مواطنين بعض عشان اليهال
.
.
أنا رأيي واحد من الآراء الثلاثه السابقه
.
شنو ممكن بعد في أشياء
.
OVER RATED


25 comments:

Blog 3amty said...

أنج تردين تنزلين بوستات بإنتظام مثل قبل :P

جبريت said...

اشارك بلوق عمتي الراي

وشغله ثانيه

الشباب الي عندي بالدوام وانا اسبب لهم صدمة حياتهم لما داومت لابس بنطلون وتي شيرت جني كفرت

أبو جيج يدور نعاله said...

لبنان

nanonano said...

Blog 3amty:

أن شاء الله..بس ما عندي سالفه
أو موضوع ينكتب عنه..و ما أحب أصير مكرره

nanonano said...

جبريت:

صـــح..الزي الوطني
over rated
مع أن كلش مو مريح و مو عملي

nanonano said...

أبا الجيجاء:

وايد ناس يتفقون معاك أن لبنان
over rated

بس بالنسبه لي لأ..أحبها

رشيد الخطار said...

على طاري الزواج.. اكتشفت ذاك اليوم أن الدولة تعتبر من تجاوز عمرها 25 سنة وما تزوجت أنها عانس "رسمياً" ومسوين دراسة عن نسبة العنوسة..
السؤال.. ليش يقولون "40% نسبة العنوسة؟" ليش ما يقولون مثلاً "40% نسبة المحظوظات" أو الأحرار أو "40% نسبة اللي عايشين حياتهم"..
أدري طلعت برة الموضوع، بس تذكرت السالفة وأنا أقرأ البوست

My list of overrated stuff:

سويسرا، طباخ أم واحد من الربع، بينيلوبي كروز وسلمى حايك وشاكيرا، الشهادة الجامعية، أسمهان، العذرية، السيارات الفخمة، أستراليا، جناط البنات، وجواتيهم.. وقائمة طويلة من الأمور اللي ما أقدر أقولها حفاظاً على الذوق العام وحتى لا أخدش حياء المدونة.

وعلى فكرة، خدش الحياء إز أوفر ريتد بعد

panadool said...

بوست حلو ومفيد

أوافقج الراي على الزواج والعيال

حتى بعض الأمور المادية

مثل الإصرار على شراء سيارة فارهه معينه ولايستطيع دفع مصاريفها

أو منزل ذو سعر مرتفع بالمنطقه الفلانيه وليس عنده الإستطاعه على دفع أقساطه


وحتى بالأمور الحياتيه الأخري مثل زواج عيال العم
أو زواج رجل من بنت تكبره

أو حتى زواج المطلقه
فالكثير من العوائل ينفرون من إسم مطلقه
وقد تكون مظلومه لكنها خوش بنت أحسن من البكر


وهذي الدنيا تدبير ونصيب وتحصد مازرعته من السنين التى مضت


والرضا باللى الله كاتبه للواحد
تحياتى

حسافتج يا كويت said...

الجولة اللاتينية

nanonano said...

رشيد الخطار:

بخصوص الفقره الأولى..خل نصيغها بهالطريقه
40% مفتكين من الحنه و اللبحه

على طاري خدش الحياء..أنا يوميا قاعد ينخدش حيائي على المناظر اللي قاعده أشوفها بالمجمعات

Girls and Kuwait City said...

العلم ... مو بكل شي ... بس ابمعظم الاشياء... مثل:
العلم بالامراض يخليج وسواسيه
العلم يعطيج امل انج بتتفوقين بالدوام و تكتشفين ان الواسطه فوق العلم
انج اتكونين مثقفه اكثر من زوجك بيغار و يكرهج
العلم بالسياسه بيخليج اتحاتين
يقول المتنبي : ذو العقل يشقى في النعيم بعقله.. وأخو الجهالة بالشقاوة ينعم
وااااااي حسيت نفسي قبسّه

nanonano said...

panadool:

لو نرضى باللي الله كاتبه..جان ما صار في اشياء أوفر ريتد

nanonano said...

حسافتج:

هاهاهاها
هاهاهاها

بـــرافو

nanonano said...

Girls and Kuwait City:

يا اهلا و سهلا
بمدونة السيزن..قاعده توصلني بي بي أم عن مدونتج..الكل حابها

بخصوص العلم:

تصدقين عندي صديقات..سبيل من سبّلك..بسيطه..ما فيها أي تعقيدات.. عايشين بمنتهى السعاده..صح كلامج على قولة مربيتي أول هنديه كانت
too much noo good

Girls and Kuwait City said...

هاهاهاهاها لا لا لا مو من صجج!! بي بي ام مره وحده !!! و خزياااه استحيت هاهاهاهاها شيقولون؟

nanonano said...

Girls and Kuwait City:

الكل مجمع على حجوه وحده

لا أتطــــوفكم

;))))

فريج سعود said...

السياحة الداخلية

nanonano said...

فريج سعود:

السياحه الداخليه بالذات..ما أعتقد أنها أوفر راتيد يا شريف روما..أنت شفت جزيرة فيلكا..و لا رحت الأبراج..الطقس الصيفي الجميل بروحه يصرخ يقول سياحه

ANGEL HEART said...

اول شي وايد استانست لما شفت بوست يديد
حاليا انا عندي
المجتمع كله كله كله
OVER RATED

nanonano said...

ANGEL HEART:

المجتمع مو
over rated
الا
over
over
over
XXX
rated
بعد

EXzombie said...

الحب
الدلاقات
الشامبو
الزبيدي
الاكل في مصر
كاس العالم
كل النواب و الناشطين السياسيين
العرب
تويتر
و أخيرا البلاك بيري

PG13 التعليق

enter-q8 said...

بأختصار اهي الحياة بشكل عام

nanonano said...

EXzombie:

أسمح لي الزبيدي كلش مو أوفر ريتد

مطبق الزبيدي.. و لا زبيديه مع خبزه أيرانيه و خضره

شي ما صار

الباجي كيفك

nanonano said...

Enter-Q8:

بو وليد..لازم نتقبل أن بالحياة في يوم لك و عشره عليك

EXzombie said...

عطيني سمجة الزبيدي احلى منها بالطعم؟

 
template by Purplecious