Sunday, September 27, 2009

حرام عليكم..يا فريق الأزاله

.
.
.
اليوم و بكل أسف..فرقة الأزاله شالت هالشجره الجميله
.
هالشجره..كانت عند مدخل بيت صديقتي
.
مو معقوله حلاتها
.
و مو معقول جمال صوت العصافير فيها
.
يمكن ما راح تصدقوني..لو أقول لكم
.
كان تغريد العصافير ما يوقف
.
اللي من باب الدعابه..صديقتي لما تدلي
.
أحد بيتهم..كانت تقول..أسمع صوت العصافير
.
و راح توصل
.
اليوم...فرقة الأزاله شالوها
.
و لما سألتهم أمها عن السبب
.
قالوا لها..تعوق المشاة
.
أي مشاة؟؟!؟
.
يم باب البيت..و الرصيف هالصخف
.
و بعدين يا فريق الأزاله..الله يهداكم
.
في أشجار جميله و قديمه و كبيره
.
حرام تنشلع..في منظر جمالي خل نحافظ عليه
.
مو كل شي ينكرف..و تصير الديره بلوك أسمنتي
.
.
هذي الشجره
.

.

شوفوا جمال الشجره

.

.

.

.

و هني فرقة الأزاله..و أهمه يعابلون

.

عشان يشلعون الشجره

.

و الله حـــــرام

.


.


.


37 comments:

enter-q8 said...

لا و يقولون ساهموا بتخضير الكويت
صدف ان فريق الازالة جدام البيت و وزارة الاشغال لا و وزارة الكهرباء و الماي
الشارع قاعدين يشيلون الرصيف و يخلون مائل و الكهرباء و الماي قاعدين يغيرون بايبات الماي الصليبي و هم الشجر موجود و لا قاعد يعيق
الا فريق الازالة الاثول اللي لما قعد يشل الزرع بالكرافه طق عامود المظله

100 fils said...

مساء الخير نانو

البشر تزرع و تشجر لانهم يدركون ان هي جزء من الثقافة العامة..لكن احنا نشلع و نقلع و نشخبط

:'(

Purplecious said...

وااااااي عورني قلبي

احس الشجره قامت تبجي و هم يشلعونها و مو راضيه تنشلع

:((

حرااااام والله حرام

beezo said...

ماكو استثناء... ماكو شواذ لهل قاعده؟؟؟

Faith said...

:(
و الله تكسرالخاطر الشجرة
سبحان الله
كل الحكومات اي شي فيه عناد للمواطن و تكديره ترررررركض تسويه و كأن وراهم deadline

جبريت said...

وين ايام الشيخ جابر مسابقة اجمل حديقه

وين ايام قبل الي يزرع بالبر يخلون مكانه ثابت ما ينشال

ما اقول الا مالت على الازاله الي مو عاجبها شي مادري شنو يبون لا يكون باجر يشيلون نخلنا ؟؟

ارميهم من فوق السطح

عاجـل said...

الحين ما ني عارف
احنا مع تطبيق القانون ولا ضده

مع الإزالة ولا ضدها

مع شيل الشبرات او ضد انتزاع الأشجار

؟؟؟؟؟؟؟؟؟؟؟؟

انا صج محتار

nanonano said...

عاجــل:

أنا أستغرب أنك تسأل هالسؤال

طبعا مع الأزاله الصحيحه

المشكله أن حتى بالأزاله صار الموضوع فـــــــوضــــى

شجره عمرها مو أقل من 25 سنه..ليش تزيلونها؟؟؟
نخل يعور القلب من حلاته...ليش تزيلونه؟

كويــتي لايــعه كبــده said...

فريق الإزالة ما طلع الا بعد التصعيد في موضوع استيلاء حمد صباح الأحمد في مجمع المارينا على أراضي الدولة وبشكل "تجاري" بحت. بعد التصعيد رخصوا له ما ام الاستيلاء عليه وخرجوا لنا بفريق إزالة التعديات على أملاك الدولة. لولا حرج النائب مسلم البراك لاستمروا في تخريب الشجر (الذي المفروض تشجيعه) ومضلات السيارات والدواوين (والسبب هنا سياسي) وتركوا تعديات عريفجان بالكيلومترات وليس بالأمتار! التعديات الكبيرة لا زالت موجوده مثل استخدام أراضي الدولة وتسييجها لتخزين وصيانة المعدات الثقيلة على مساحات كبيرة على الدائري السادس وبعلم الحكومة الراشدية وفريق الإزالة المنزه.

الفنادق تستخدم حتى الشارع وتضع فيه الحواجز للوقوف ومنع السير واستغلال تجاري. الشارع ملك الفندق والا الدولة؟

nanonano said...

كويــتي لايــعه كبــده:

المشكله أن الأمثله بالتعديات الجايده..لي الحين وايده..و هم لي الحين موجوده

رورو الشخبوطه said...

السلام ..

ماقول الا سليحط..

عيزنا من كثر ماسمعنا تخضير البلد والمحافظة على البيئه ..

عسى مايزيلوني انا بعد!!

t.q8 said...

بعرف فريق الازاله مايعرفون يشيلون الا الشجر والورد

مايعرفون يشيلون الشاحنات والباصات الي واقفه من سنين بالبراحه وماتحركت

Icarus said...

وسلملي على التخضير

أذكر مرة في برنامج انسايد اديشن البلدية في مدينة امريكية حبت تشيل شجرة من جدام بيت

تخيلي ربة البيت سوت مظاهرة وربطت نفسها مع مجموعة من شباب (الخضر) وأرغمت البلدية تخليها لأن الشجرة يلعب تحتها كل اليهال بالشارع مالهم
@@واليهال يحبونها

شوفي الناس وين واحنا وين
!!!

حسافتج يا كويت said...

يا نانو

إذا الحكومة بكبرها قاعد تزير الديرة بكبرها وتاريخها الحلو
تبين الشيرة تسلم منهم؟؟


للعلم فقط الرسول نهى الصحابة أنهم إذا دخلوا بلد ان يشلعون شجرة
وهي دولة أعداء
فمابالج باللي يشلع شجرة من هالارض الطيبة وبلدة

مردويسة said...

اقووولج سالفه اقوي ودليل علي التخبط في البلد

بيت صديقتي حديقتها حشيش مو شجر يوها الازاله وشالو حشيشها وقالوها انتي متعديه نص متر
تدرين شنو سويت بدال الحشيش حطت طابوووووق بالله عليج شنو الفرق ارتفاعه واحد هي مو حاطه شجر واترك التعليق لج

وحـدهـ من البـشر said...

يعني ضاقت عليهم مالقو عير هالشيــره

حساافه والله

بدال لا يشيلون الاشياء اللي ماله معنى شالو الزرع

حساافه والله

موفقه خيتوو

صوت الكويت said...

هل فريق الإزالة يطبق القانون أم لا؟

فريج سعود said...

كتيبة اعدام مو فزيق ازالة

SHOOSH said...

آاااااااااااااح

:(

aL-NooR . said...

وااااااااااااي عورني قلبي والله

:(
ماكو احسااااااس
شذنب هالشيًر المسكين
***************

عين بغزي said...

التعليقات بصراحه عجيبه :)

الدســتور said...

بركاتك ياسيدنا الشيخ

why me said...

شلون الحين


السنه بتصير كلها غبار في غبار

بروحنا مغبرين من غير شي

joe said...

خلونا نتصحر

النــوخذه said...

السلام عليكم موضوعج حلوو اختي .. ومهم ..

احنا مع تطبيق القانون والخاص في املاك الدولة .. والاهل استغربوا مني وانا مستانس من شيلت ديوانيتنا مع اني انا الي كنت استخدمها بس شفته تطبق على الكل .. فلذلك استانست .. لكن بعد فترة يت لجنة الازاله وشالوا مجموعه من الاشجار الرائعة كنا مسوينها من 10 سنين .. شكثر تضايقت يوم شالوها

Kwaitiyya said...

انا باطين جبدي هالإزالة!
جان زين إزاله على نظافه جان عادي! لما يزيلون الشجر يكسرونهم بحقد ويكسرون الشجره من نصها !! ايه ليش ما تشيلون الشجر من عرجه وتزرعونه مكان ثاني؟؟

وغير الشاليهات انا مو فاهمه الحكمه من ازاله الشجر والخضار !!!
أول الشاليهات تشوق من الخضره والشجر والزرع والناس تعبانه تسقي فيها ومهتمه !! يوم يو هالإزاله اعفسوا الدنيا والله المنظر ذكرني بأيام الغزو !!
انزين يعني الحين التراب والجلحة والاملحه أحلى الحين من منظر الشجر؟؟؟؟

خربوووطه هالديره خربووطه ما عندهم بعد نظر ولا تخطيييط !
خل يتعلمون من الدول اللي حاوالينه.. وإلا لما يسافرون خل يبققون عيونهم ويشوفوون الناس شلون مهتمه بديرتها!! مو نفسنا حقد وحسد مالت حتى مالت!

اسفه بس صج طفح الكيل خلااااص

Seldompen said...

:(

ذكرتيـني بالشجـرة اللي كانت

جنب باب بيتنـا ..

كبرت وكبرت وكبرت

وفي النهاية قصوهـا !!

صحيح قهــر ..

مساكين العصافيـر , بيفتقدونها

....


تقبلي مروري الأول هاهنـا

:)

Unknown said...

لا بارك الله فيهم

والله انهم قاعدين يدمرون البلد اذا فيهم خير خل يجربون صوب الشيويخ

السكنية والشامية وعبدالله السالم

يقولون من بداية شهر يناير ستبدء حملة ازالة الحدائق امام المنازل وابشركم بعدها بشهرين ستتم ازالة المواطنين من منازلهم واسكانهم بالمخيمات

Unknown said...

لا حول ولا قوة الله بالله العلي القدير

حسب الظاهر راح يجي يوم ويطلبون من الازالة الخروج من منازلنا والسكن بالخيام بالبر وطبعا بعدها راح تزعل سيخة البيئة وتقول شيلوا من مكانكم لان هذه محمية خاصة

Unknown said...
This comment has been removed by the author.
amani said...

ايي ويقولون لنحيا في بيئه خضراء صحيه تحمينا من تلوث التطور

خل نااام ببيوتنا ارحم من انشووف هالاشياء اللي تفتح النفس تنشال و جينكوااات راعيين فيتامين واو محذفه على الشوارع

مركبنا said...

حرام عليج انتي (=
وينج غاطة عنا كل هل وقت

=)

اتغشمر

بس صج فاقدتج ولج وحشة ومكان خااالي بينا اكبر من مكان الشجره الى راحت

لاتغطين عنا يالغاليه

honey said...

7ada 7aram 3lyhooom !!! 5osh eshyara qametha
ma 3indihom salfa yayben il yehda ghala6

خالف تعرف said...

هذا عهد ناصر المحمد

عهد التدمير ليس التخضير

ocean said...

مرحبا نانو !!

A bird in the hand is worth two in the bush
عصفور في اليد
خير من عشرة
من غير شجرة

Blog 3amty said...

عثوق لمبات !

هذيل اللي شايلينها مو الإزالة، أتوقع ملوت ترشيد :P

Blog 3amty said...

العيد عليج يتبارك وعساج من العايدين الفايزين :)

 
template by Purplecious