Wednesday, October 18, 2006

شنو يعني؟...على أي أساس؟...شكو...شكو

اليوم و أنا يايه الدوام...قريت خبر طلّعني من طوري...الخبر مذكور بجريدة القبس...شنو يقول هالخبر

إعلان فريق لحماية الأخلاق
أعلن أمين عام تجمع ثوابت الأمة محمد هايف المطيري عن تشكيل فريق عمل تطوعي لحماية الأخلاق في البلاد مكون من أهل العلم والدعاة، وسيغطي جميع مناطق الكويت. وقال المطيري ان التجمع سيعقد مؤتمرا صحفيا بعد العيد مباشرة للفريق وأعضائه المؤسسين لشرح الأهداف والوسائل التي سيتبعها.
مابي شي أنا....بس أبيكم تعلموني...لي وين بنوصل

38 comments:

ولاّدة سابقاً ... رانيا السعد ...رانية المنيفي حسب الأوراق الرسمية said...

لووع كبدي الخبر

والمصيبة إنهم عديمين أخلاق
أما سؤالك لي وين بنوصل؟
فنرفعه إلى سمو الشيخ ناصر المحمد
بو صباح إيش ناوين علينا؟

neelaah said...

نانو

واضح انه الخبر استفز ناس وايد
انا عموما نفس الشي نرفزني الخبر
و كتبت عنه عندي
اعتقد انه اليوم راح تكون حمله
في عالم البلوجرز على هذا الموضوع

جنة الحواس said...

That's insulting and suffocating .

راح نوصل إلى أبعد مما تتصورين طول ما الحكومة -و غير الحكومة- ساكتة لهم و راضية عن اللي يسوونه


So , the question is how can we deliver our inconvenience ?

أبو جيج يدور نعاله said...

مافيها شى

من زمان نحتاج لفريق متخصص يعلمنا الأخلاق و يزرع فى عقول أولادنا الصفات الحميدة

وين أسجل إسمى؟

أبى أصير عضو بالفريق

esetch said...

فريق حماية الأخلاق

مزهبين الخيازرين

Purgatory said...

I thnk its a good idea as long as they start beating/clashing with people, kind of a walking fight club.

um-miT3ib said...

haw b3d shal mooodail !!!!

kil wa7ed yagtheb akhlaga !! shaku bakhlag lwadim !!
manabe manabeee !!

White Wings said...

قرأته ونشف دمي من الصبح
ولازم نسوي شي
والا راح يشيلون عصيهم ويلحقونا بالشوارع يعلمونا الأخلاق الحميدة
لازم نتحرك

kuwaite said...

قريبآ جدا

حملة

مانبيها أخلاق

لطيف said...

يمكن يقصد حماية الأخلاق من التجاوزات المالية والواسطات والقفز على الآخرين
والتعصب القبلي
وفساد البلدية
والإنتخابات الفرعية
!!تهقين

bo9ali7 said...

القافلة تسير...لا تخافين ما يقدرون

Anonymous said...

It won't happen... Don't worry!

bo_sale7 said...

هذي طريقتهم اليديدة لفرض هيئة الامر بالمعروف والنهي عن المنكر ...اللي رفضتها الحكومة من جم سنة ...ولازم يسوون جذيه لانه الحكومة شادة حيلها ضدهم بعد سالفة العام لما اقتحمو مجمعات الجهرا وكسرو زينة الكرسماس واشجار الميلاد ....اذا ما خذو غطاء شعبي وشبه رسمي هالسنة راح تقوم الناس عليهم ومعاهم التجار ....وهذا المتوقع
المشكلة ان الحكومة ضعيفة ....ضعيفة لدرجة انها مسوية نفسها ما قرت الخبر ولا جنه في شي ...حكومتنا تنطر الناس لما اييون يشتكون او هم يتقدمون بطلب انشاء ....
مسخرة وفوضى ...والياي اكثر

Aurous said...

لا يكون بعد بيمسكون عصي ويطقون الناس!!!!

مادري متى بيتعلمون ان الممنوع مرغوب
وان الاخلاق تيي بالتربية مو بالغصب
الرقابة ذاتية,, مو من مجموعة من الناس موزعة بالشوارع

Mohammad Al-Yousifi said...

طولي بالك

و عيدكم مبارك

bo_sale7 said...

عيدج مبارك وايامج سعيدة

Fuzzy said...

عيدكم مبارك وعساكم من عواده

الكويتي الحر said...

كل عام وانتم بخير
وتقبل الله طاعتكم

Mohammad Al-Yousifi said...

عيدكم مبارك و عساكم من عوادة و تقبل الله اعمالكم

شرقاوي said...

Nano,

أول شئ عيدكم مبارك، و عساكم تعودونه بالصحة والسلامة،

ثاني شئ،

كلام المتنبي ،

نامت نواطير مصر عن ثعالبها،

والنواطير هنا جميعنا، كل الشعب...

و ثالث شئ، والكلام موجه إلى

بو جيج،

لا وآنا أخوك، لا تسجل،

إحنا بو جيج المدون محنا قادرين عليه، هالمرة بو جيج و بيده خيزرانة؟
:)

Alia said...

ومنو يطلع محمد هايف المطيري هذا؟
وما مدى جدية الموضوع؟ ما أعتقد راح يتم تنفيذه بشكل جدي على أرض الواقع؟

منو هذيل؟ وشنو يقدرون يسوون يعني؟

يعني بما إنه عمل تطوعي .. ياريت واحد فيهم ييي يكلمني .... ما أدري شنو راح تكون ردة فعلي وقتها .. بس يمكن أطقه

KuwaitVoice said...

محمد هايف المطيري رشح نفسه مرتين لمجلس الأمة وخسر ..

هل هناك أحد الشيوخ من أعطى هذا التنظيم الضوء الأخضر لهذا التصريح وعقد المؤتمر لكسب مصالح شخصيه بعد أن همش دوره ؟؟

ربما

White Wings said...

وبعدين؟ متى بوست جديد؟

Mozart said...

هذي بركات مجلس امتكم الموقر

تقفون حلووووووووووووه

barrak said...

ودي بس يفهموني الاعضاء الكرام
مامعناة كلمة الاخلاق بقواميسهم
قبل تكوين الفريق

ناديـة said...

زوبعة فنجان و ينتهي أثرها بسرعة
هايف وربعه يبون يفرضون اخلاقيات الصحرا على ربعهم وجماعتهم هم احرار
لكن المجتمع لن يقبل بذلك.
لا تاخذون الموضوع بجدية .

Jetama said...

أودّ أن أضحك ...



أضحك



أضحك



أضحك










أضحك بقووووووووووووووة

خليك فى البيت said...

ندعوكم لزيارة مدونة خليك فى البيت والمشاركة فى الحملة

كويتيه مقهورة said...

والله أننا بحاجه

للأخ محمد هايف المطيري وأمثاله

بعد أن وصلنا للحظيظ ولارادع

للفساد ألا جماعه خيره تجند

نفسها للأصلاح والدعوه للخير

شكرا اختي

فتى الجبل said...

ما بقى الا يقولون لنا شنو نلبس ومتى ننام

bu-saad said...

تعوذوا من ابليس
السالفه مو لهدرجه تقث!!



يا جماعه الخير...هالحمله حالها من حال درر و ركاز و غراس


و دعاتنا بعمرهم ما امسكوا عصي و لحقوا الناس بالشوارع!!

لولا اسلوبهم الراقي لما جذب الشباب للتدين



اعيدوا النظر

عبثي said...
This comment has been removed by the author.
SomeOne said...

والله يمكن يصير احسن والناس تتسنع!!

بس تصدقووون اتوقع حتى الاخلاق بتدش فيها سالفة فيتامين وااو!!

SomeOne said...

حملة فاشلة..

ما اتوقع بتنجح..

بالعكس اتوقع بتصير على ناس وناااس

وبعدين صرنا اي شي كل يوم متفشلين بسبب حملاتهم.. ترشيد و مادري شنو

الله يستر من الياي!

مشعل العوضي said...

ودي اسجل فيها بس عشان اطيح تلسب باللي مسوين قصه الديج!

Mok said...

تدرين وين راح نوصل شوفي الفيديو اللي حاطه في مدونتي

MaCHBoS said...

اول مره اعلق اب بلوغ الاخت نونو بس اللي اقوله مع الدنيا السلام و الى رحمة الله يا دره الخليج و مرحبا يا طالبان ابطال قندهار راحت الديره يا ناس للمحافظه على الاخلاق والله لو واحد منهم يقرب صوبي اتوحد فيه !!

MaCHBoS said...

توني انتبه الى شغله معينه و اهي
أعلن أمين عام تجمع ثوابت الأمة محمد هايف المطيري عن تشكيل فريق عمل تطوعي لحماية الأخلاق في البلاد


يا جمااااااعه يطعنوووون اب اخلاقنا اب شرفناااا !!! كافي جمعية الاصلاح الحين اللجنه !!

 
template by Purplecious