بدون تعليق

.
.

شلــــــــــــــــــون؟

.

.

.

.

هاليومين وايد قاعدين ندخل في نقاشات

.

أنا و صديقاتي

.

شلون بهالوقت الواحد يقدر يربي عياله؟

.

هل نستعمل نفس طرق أهالينا القديمه

.

بتربيتنا..اللي نقدر نسميها تربيه صارمه

.

قريبه من الدكتاتوريه

.

بما فيها من أستعمال أي شي ممكن

.

توصل له يد الأم أو الأب في لحظة حمق

.

و تصويبه في اتجاهنا

.

سواء كان نعال أو علاق أو عقال

.

و مع هالأسلوب القديم القمعي كله

.

ما ضرنا..كبرنا ما عندنا مشاكل 

.

تذكر و لا عقد و لا بطيخ

.

و لا الأسلوب الحديث اللي يعتمد 

.

على الحوار و قد يتطور الى سحب

.

التليفون أو الكمبيوتر

.

بس مع استعمال هالأسلوب الحديث

.

اللامبالة قاعده تزيد

.

و عدم الأحساس بالمسئوليه قاعد يزيد

.

.

الزبده

.

أذا صرت أم أو أبو أقوياء تعتبر شرير

.

و أذا صرت أم و أبو حليوين و حضاريين

.

اليهال يطلعون مو كفو هالتربيه

.

و يفشلونك

غلطـــــــانه

.

.

.
.
.
.
غلطانه د. معصومه
.
لو مطلعه لسانج أحسن

لها الدرجـــــــــه؟؟!!؟

.
.
.
تحديث

.

.

الصحه: أستئناف العمل بأجراء

.

عمليات التصلب العصبي

.

من الأحد المقبل

.

.

.

شكرا جزيلا

.

و الله يعطيكم العافيه

.

*******.

.

تحديث

.

.

.
noura said...

.

العملية جدا بسيطة واذا ما فادت فمراح تضرالعملية

.

عبارة عن قسطرة ببنج موضعي يتم من خلالها فتح

.

انسداد في شريان مهم في الرقبة يوصل الدم الى المخ

.

وتركيب دعامة حتى يتوسع وما يتسكر حاله حال

.

عمليات قسطرة القلبلوحظ انه هذا الشريان منسد عند

.

جميع المصابين بالتصلب يرجى البحث عن مكتشف هذا

.

العرض اسمه دكتور باولو زامبوني

.

يوجد له فيديو في يوتيوب

.

*******

اليوم وصلتني رساله من أحدي الصديقات

.

كان نصها

.

.

غدا في قناة سكوب

.

من الساعه ٣ الى الساعه ٥ مساء

.

مقابله مع السيده أميره المشهود

.

نائبة جمعية التصلب المنشر

.

و ذلك لتوقف العمليات العلاجيه من

.

قبل بعض الأطباء

.

نبي فزعتكم يا أهل الكويت

.

.

.

دقيت على صديقتي اللي أدري أنها

.

تعاني من مرض ال أم أس

.

اللي أهوه بالعربي التصلب العصبي

.

و أهيه نفسها اللي دزت لي الرساله

.

أسألها..لأني ما فهمت أو مابي أفهم

.

أن دكاتره عندنا بالكويت

.

لها الدرجه انعدمت منهم الأنسانيه

.

و قاعدين يحاربون الطريقه العلاجيه

.

الجديده..اللي ردت الأمل حق كل مريض

.

يعاني من هالمرض

.

سألتها شنو الموضوع؟

.

فردت و أهيه كلها حرقه

.

تخيّلي..دكاترة الأعصاب عندنا بالكويت

.

هني حاربوا هالعمليه..عشان يستفيدون

.

تقول لي..هالعمليه اللي مسويه

.

ضجه و ثوره بالعالم هني بالكويت

.

منعوها أول أمس

.

لغرض في نفس يعقوب

.

اللي أهمه دكاترة الأعصاب

.

صديقتي هذي سوت العمليه

.

و أهيه تقول التحسن في حالتها

.

قاعد يصير بشكل يومي

.

و كانوا ٣ دكاتره شباب كويتيين

.

أهمه اللي قاعدين يسوونها في

.

مستشفى مبارك..ياهم أمر بأيقاف هالعمليه

.

من غير أي سبب

.

اللي أقدر أقول له

.

حرام عليكم اللي قاعدين تسوونه

.

وينها؟؟؟؟

.

.

.

.

.

ليش كلمة..عيـــب

.

أختفت من القاموس الكويتي؟؟؟

.

.

تساؤلين..بس

.

.

.

.

.

ليش الرجل الكويتي ما يخلي الطرف الآخر

.

 يكمّل جملته؟؟!؟

.

.

و ليش المرأه الكويتيه تقفز الى النتائج..و يطلع

.

 أستنتاجها خطأ؟؟!؟

HApPy 2010...كل عام و أنتم بخير

.

.

.

.

.

.

أدري مبجّر

.

و مستعيله

.

بس شبعت من ٢٠٠٩

.

يانا ما كفانا بهالسنه

.

بس أن شاء الله

.

٢٠١٠..تكون وايد أحسن لنا كلنا 

.

.

.

e7tejaj.blogspot.com

.

.

.

دكتوره أسيل...شكرا

.
.

I agreeeeee

من جريدة الجريده

.

عدد  اليوم

.

بلاغة شف سوابق... أقل ما يمكن أن يقال عن جلسة الاستجوابات يومي الثلاثاء والأربعاء إنها جلسة 'أول مرة'، فقد سجلت: • إنها المرة الأولى التي يُستجوب فيها رئيس وزراء منذ العمل بدستور البلاد في عام 1962 ويعتلي المنصة. • إنها المرة الأولى التي تُفعل فيها المادة 102 من الدستور، إذ قدم طلب عدم التعاون مع رئيس الوزراء. • إنها المرة الأولى التي يُستجوب فيها وزير الدفاع، وهو سابع وزير يتقلد هذا المنصب منذ تشكيل أول حكومة، لكنه أول وزير دفاع يُستجوب. • إنها المرة الأولى التي تمتد فيها جلسة من جلسات مجلس الأمة إلى أكثر من عشرين ساعة، فيتم تدوين محاضرها بتاريخين مختلفين رغم أنها جلسة واحدة. • إنها المرة الأولى التي يخرج فيها نائب من العناية المركزة في المستشفى ليَستجوب وزيراً بعد منتصف الليل، ويستمر حتى السادسة، ثم يعود إلى منزله لا إلى العناية المركزة! • إنها المرة الأولى التي يكسر فيها رئيس الوزراء ونائبه الأول هاجس الرعب من المنصة، وتحطيم هذا الوهم سيجعل تهديدهما به لا قيمة له. • إنها المرة الأولى التي تصور فيها بعض وسائل الإعلام أن ما حصل هو انتصار لرئيس الحكومة وحكومته، ولا أدري كيف يمكن أن نسمي تقديم طلب لعدم التعاون مع رئيس الوزراء واستجواب ثلاثة من وزرائه انتصاراً؟ ربما يكون بمفهوم الديمقراطية الحسابية انتصاراً، فهم يملكون الأغلبية، لكن بلا شك هو ليس انتصاراً من الجانب السياسي، ففي مجلس الشعب المصري يملك الحزب الوطني حصد الأغلبية دائماً، بينما لا يمكن أن يسجل لهذا الحصاد أنه انتصار سياسي. الانتصار الحقيقي في جلستي الثلاثاء والأربعاء هو تفعيل مواد الدستور فهو انتصار للديمقراطية. • إنها ليست المرة الأولى التي تتعارض فيها مواقف النواب المحسوبين على تيارات سياسية مع مواقف تياراتهم (السلف: السلطان والعمير، المنبر والتحالف: أسيل والعنجري والملا)، وليست المرة الأولى التي يوضع فيها النائبان الرومي والصرعاوي في موقف محرج! • إنها ليست المرة الأولى التي يتسق فيها 'الشعبي' مع أطروحاته، وهذه تسجل له سواء اتفقنا معه أو خالفناه. • إنها المرة الأولى التي نرى فيها برلماناً تملك الحكومة فيه أكثر من 30 صوتاً وكل مشاريعها معطلة، ودائماً تتذرع بأن التنمية معطلة بسبب مجلس الأمة! ملقوف

out of Kuwait...but

مغلقه حتى أشعار آخر

حرام عليكم..يا فريق الأزاله

.

.

.

اليوم و بكل أسف..فرقة الأزاله شالت هالشجره الجميله

.

هالشجره..كانت عند مدخل بيت صديقتي

.

مو معقوله حلاتها

.

و مو معقول جمال صوت العصافير فيها

.

يمكن ما راح تصدقوني..لو أقول لكم

.

كان تغريد العصافير ما يوقف

.

اللي من باب الدعابه..صديقتي لما تدلي

.

أحد بيتهم..كانت تقول..أسمع صوت العصافير

.

و راح توصل

.

اليوم...فرقة الأزاله شالوها

.

و لما سألتهم أمها عن السبب

.

قالوا لها..تعوق المشاة

.

أي مشاة؟؟!؟

.

يم باب البيت..و الرصيف هالصخف

.

و بعدين يا فريق الأزاله..الله يهداكم

.

في أشجار جميله و قديمه و كبيره

.

حرام تنشلع..في منظر جمالي خل نحافظ عليه

.

مو كل شي ينكرف..و تصير الديره بلوك أسمنتي

.

.

هذي الشجره

.

.

شوفوا جمال الشجره

.

.

.

.

و هني فرقة الأزاله..و أهمه يعابلون

.

عشان يشلعون الشجره

.

و الله حـــــرام

.

.

.

بمناسبة بيع...زيـــــــــــــــــــن

.

.

.

يقال أن اللي راح يشتري شركة 

.

زيــــــــــــــن

.

ملياردير ماليزي..آسفه مو مثبته أسمه

.

بس اللي عرفته أن عايلته بخاري...و أصله حضرمي

.

.

فحبيت أهدي هالأغنيه حق 

.

المستثمر الأجنبي..و أرحب فيه 

.

.

.

.

.

.

.

.

الحين صار أهوه اللي مو زيــــــــــــــــن؟!؟

.

.

.

.

أنجيلينا تُهدِّد براد بطرده من المنزل إذا لم يكف عن التعاطي

.

الخبر من جريدة الجريده اليوم

=======

الله الحين صار براد مو زين؟

.

و تهدّدينه بطرده من البيت هالمسكين

.

عقب ما كوّدتي اليهال عليه

.

و صار بيتكم جنّه أغنية مايكل جاكسون

.

We are the World

.

و أنتي تهايلين من ديره لي ديره

.

و يوم أن مل و ما رضى أن يصير مربيه

.

حق هالحضانه اللي ميمعتها

.

أتهمتيه بالتعاطي؟؟؟!!؟

.

يمّه منج..تسلّطتي عليه

.

و خليتيه يهد جينيفر أنستون

.

و هذيج الفقيره لي الحين تهوبي

.

مو لاقيه لها واحد تحبه

.

و علاقتها مع أم براد (خالتها) من أبدع ما يمكن

.

قعدتي لهم قعده لين خربتي كل شي

.

يمّه منّج يا أنجلينا

كذب أشكره

.

..

.

.

بما أن أجازتي الصيفيه كانت قائمه على الأبتعاد عن الكمبيوتر

.

لأن حسيت أني بديت أدخل في مرحلة الأدمان الكمبيوتري

.

قررت أن أذا عندي وقت فاضي شويه..أشوف التلفزيون

.

طلع خبري عتيق بالتلفزيون و القنوات..و طبعا الدعايات

.

من الدعايات اللي لفتت نظري ..و شويه أستفزتني

.

لأن خبركم أنا ما أُسْتفزْ بسرعه

.

دعاية صابون كاماي

.

الدعايه ..كأنهم مقابلين ريّال قاعد يسولف

.

 كان قاعد يستعد أن يسافر مع ربعه..لاحظوا ربعه

.

و لما يه بيسلم على زوجته

.

و شم ريحتها صابون كاماي

.

قرر أن ما يقدر يسافر و يخليها

.

بذمّتكم...منو بيقصون عليه

.

في ريال يعاف ربعه و سفره معاهم 

.

عشان ريحة زوجته صابون كاماي؟؟؟!!!؟

.

ليش يعطون فكره خطأ حق المساكين الحريم

.

و البنات الصغار اللي ممكن يصدقون هالدعايات

.

لما شفت الدعايه...ومن قرادتهم أني ثبتها

.

لأنها أنعادت وايد..كان ودي أحط أعلان ثاني

.

و أقول

.

يا بنات و يا زوجات...لحّد يقص عليكم

.

لأن في ميزان الزوجيه

.

كفة الربع..كله تكون الأثقل

.

و كفة الزوجات كما الريشه

.

.

.

و أنتو يا كاماي...عن الكذب

ليش تصومون؟

ودّي أعرف شي واحد

.

هاللي صايمين و على بالهم أنهم 

.

متفضلين على العالم بصيامهم

.

منو طقكم على أيدكم و قال لكم صوموا؟؟!!؟

.

أذا إنتوا جبناء و قررتوا أنكم تصومون عشان

.

الناس..مو لأن الصام فريضه..أقول لكم

.

راجعوا حساباتكم

.

لأن مفهموم الصيام فاهمينه غلط

.

الصيام مو بس ما تاكل و لا تشرب

.

اللهم يا كافي..الواحد أذا طلع بالسياره

.

لازم يتشهّد..لأن في ناس على بو أنهم صايمين

.

يفلخون من العصبيه..و يتصرفون تصرفات

.

بالطريج..تدل على جنون

.

وحده أعرفها..أندعمت بالشارع

.

و اللي داعمها..نزل و قام يطق عليها الجامه

.

و يصارخ لو ما أولاد الحلال تدخلوا

.

و وقفوه عند حده..مسكينه البنت زاغ قلبها من الخرعه

.

وحده ثانيه..بالطريق السريع

.

واحد قرر أن طافته اللفه

.

قرر يرجع عكس السير

.

و بالطقاق بالسيارات اللي يايه بويهه

.

و أذا حاجيتهم

.

قالوا لك صيّام

.

أذا أنت من هالموديل..أقعد في بيتك..و فكنا

استعدادات رمضان

.

.

.

.

.

بعد سفره طويله و راحه و استجمام

.

رجعت الكويت..و كان أول شي لازم أسويه أروح الجمعيه

.

و خير اللهم أجعله خير

.

مرّتين أروح الجمعيه و ما ألاقي عربانات

.

و أتنحر و أرجع البيت

.

المرّه الثالثه

.

قررت أني راح أنجز مشوار الجمعيه تحت أي ظرف من الظروف

.

ليش كل سنه الوضع بالجمعيات قبل رمضان

.

كأنه بيوتنا ما فيها قطعة خبز؟

.

العربانات بتمشي من الأغراض

.

و هالمرّه لاحظت شي يديد

.

الزوج يدز عربانه متروسه..و هم الزوجه عربانتها متروسه

.

طبعا المداعم بالعربانات ماله تالي

.

خلّصت..لقّطت أغراضي..و رحت باحاسب

.

الاّ الكاشيريه..مو كلّهم فاتحين

.

أبسط قواعد أدارة الجمعيات مو موجوده

.

يعني بوقت مثل هذا..لازم أدارة الجمعيه تصير 

.

بوضع تأهّب قصوى

.

بس منو تحاجي

.

أدارة الجمعيات حالها حال أي أداره ثانيه بالبلد

.

عموما تعوّذت من أبليس..لأن ياني شعور أقط العربانه و أمشي

.

لما وصل دوري و خلّصت..حسّيت بالراحه أخيرا

.

خلّصت أصعب مهمه

.

روحة الجمعيه قبل رمضان

.

.

.

و مبارك عليكم الشهر

.