.
.
.
.
أنجيلينا تُهدِّد براد بطرده من المنزل إذا لم يكف عن التعاطي
.
الخبر من جريدة الجريده اليوم
=======
الله الحين صار براد مو زين؟
.
و تهدّدينه بطرده من البيت هالمسكين
.
عقب ما كوّدتي اليهال عليه
.
و صار بيتكم جنّه أغنية مايكل جاكسون
.
We are the World
.
و أنتي تهايلين من ديره لي ديره
.
و يوم أن مل و ما رضى أن يصير مربيه
.
حق هالحضانه اللي ميمعتها
.
أتهمتيه بالتعاطي؟؟؟!!؟
.
يمّه منج..تسلّطتي عليه
.
و خليتيه يهد جينيفر أنستون
.
و هذيج الفقيره لي الحين تهوبي
.
مو لاقيه لها واحد تحبه
.
و علاقتها مع أم براد (خالتها) من أبدع ما يمكن
.
قعدتي لهم قعده لين خربتي كل شي
.
يمّه منّج يا أنجلينا
54 comments:
لوووووووووووووووووووووووووووووووول
ضحكتيني وانا ضايق خلقي اضحكك الله يا نانو نانو
اي والله تهايل من ديره لي ديره وتربي عيال خلق الله واخر شي تلومه لي صار مدمن
شكرا على زرع الابتسامه
انا شفيني صاير مدرس عربي مادري شيخ دين
لوووووووووووووووووووول
قلعتـــــــــــــــه
يزاه و أقل من يزاه
شفتي شلون ربج يمهل و لا يهمل
سلط عليه هالانجلينا مثل ما تسلط على جينيفر خنت حيلي
أنا بروحي ما أبلعه بعد يوم هد جينيفر كرهته زووووود
بس عجبتني
عقب ما كوّدتي اليهال عليه.و صار بيتكم جنّه أغنية مايكل جاكسون
We are the World
لووووووووووووووووول
LOOOOOOOOOOOOOOOOOOOOOOOOOOOOL
ما شفت تعبير احلى من الي كتبتيه عن هالاثنين
يبغالج تشتغلين في بيوبل ماجازين بس المشكلة شيترجم الحجي الي قلتيه ههههه
هذا انتو يالحريم
تاخذون الرييايل لحم وتقطونهم عظم اااه منكم :)
سويتيهم مسلسل رمضاني الله يهداج
انا مستعد اصير بداله واستر على الايتام
شسوي بعد قلبي رهيف
زين تسوي فيه
يا شماتة جنيفر فيك يا براد
:-)
حوبة جينبفر انيستون
زين تسوي فيه
رجالة ما تجيش الا بالسك
مو قلنا من قبل كيدهن عظيم
بس مادري أحس الخبر إشاعة
مع العلم إني وايد متعاطف مع جينفر والأخ ماعنده سالفة لمن هدها وخصوصا الأخت عندها سوابق في بوق الرياييل
تدرين أن زوجها القديم باقته من رفيجته قبل جفلة العرس بجم يوم
@@
نانو
أنا مع جندل زين تسوّي فيه هالدايخ..وإذا مو عاجبه العيال ليش ما أعترض! وإلا لزوم الإعلام والظهور
وبراد متعاطي وستّة
وأنجينا نموذج للمرأة القوية المرتاحة مع نفسها
تعجبني
أما جنيفر فأكيد كويتية ما حلت خالتها أم ريلها بعينهاإلا عقب الطلاق ..يا سبحان الله
وترى ما لقت ريال لأنها عوية وما تنبغى
;P
وبعدين غير شعرها إش فيها زود
:))))))
وصدقيني بالأخير راح إتأدبه واتخليه يمشى على عجين ما يلخبطوش
يا زينها...مره
Eng
كل رياييل العالم مستعدين يسترون على عيالها لأنهم مثلك قلبهم رهيييييف
بس تبي الصج..ما تنلااااام
إذا صار ما صار ..استر عليهم
خل نسلم على رياييلنا
يستاهل من قاله يهد مرته ويركض ورا انجلينا
بس والله انجلينا تذكرني بحريم اول تبي حطتله درن عيال على شان مايهدها ويتخلا عنها
يما منها تعرف سوالف حريمنا
واي واي يد قلبي بردت قلبي الله يبرد عليج و الله استانست :) انتي ما تدرين من اول ما هد جينيفر و انا متحديه الكل انه راح صير في شي قلعته المليق
وااااي احس لما اتكلم عن موضوعهم جني عيوووووووووز
ولاده
محسستني انج متزوجه جون ترافولتا :p
قلعتة
ترك أم خشم وراح حق ام البراطم
حوبتها
هههههههههه
الظاهر ما شافت داعية كامي
تهقين اسلفها وحده (=
هد جينيفر المسكبنه علشانها..و الحين it is pay back time :)
كفوه ينطرد من البيت أخص على الرجوله طلح جخوه هل براد.. وانجيلينا طلعت سعلوه .. صج انهم
أي شـــــــــــــــي
;p
توه مصرح إن توقف عن تعاطي المخدرات بعد ما ياب يهال!
طلع مو صج!؛
زين تسوي في
مبين من ويهّا نسرة هالأنجلينا
الشرهة موعليها
على الحمار اللي يخلي جينيفر انيستون
حوبة جينيفر
:)
ان من قبل ما اشتهيها و الحين زاد الموضوع معاي خطافت الرياييل
عنيف:
أشوه أني ضحكّتك
لأنك عطيتني أحساس من يمسح دمعة هذا المسكين
;P
Purplecious:
لأ..حرام أول على أيام جينيفر كان ملح الدنيا
بس من حول على أنجلينا..تدوكر
يقول لج أنجلينا أي أنسان يرتبط فيها..تعكس عليه كل الطاقه السلبيه اللي فيها
ابي اللي لامته انجلينا و حاط قفل يشابهني منو
Faith:
تهقين؟؟
بس يمكن الأجانب ما راح يفهمون ليش أنا هالكثر متشرهه
kazmawy:
والله العيب في الرياييل اللي ماكو شخصيه
Zaydoun:
بو الزيد..عشان السنه اليايه أسوي مسلسل و أبيعه على الفضائيات..و شوي شوي..أسوي لي فضائيه..و أهاجم اللي أبي
كل شي مدروس
قاعده أتدرب الحين
Eng_Q8:
لا تستر و لا شي
الديره متروسه أرامل..ركضه حق بره؟؟
مـغـاتيــــــــــــر:
تدرين ليش سوت جذي
لأنها مسويه موديل ضربني و بكى
يوم أن خبرت أن لاعت جبده منها..تبلّت عليه
بس أنا ما ودّي تهزأه وايد..لأن أدري جينيفر لي الحين تحبه..و ما ودي يطيح من عين جينيفر
SHOOSH:
مسكينه هالجينيفر
من باقته منها أنجلينا و أهيه متخديه على الصعيد العاطفي
chandal/danchal:
أم الجنادل سمحي لي ما أتفق معاج
أنا ما أواطنها
لأنها أنسانه شريره
Jako:
و المشكله أن معروف عنها..كل ريال ترتبط فيه..تعفسه
ولاّدة:
ما أحب أنجلينا كلّش ملش
و مثل ما قلت من قبل..أنسانه شريره
t.q8:
ويـــــي..ما فادها
كاهو خله ويها فاهي..و طلع مع وحدة من صديقاته القدامى
New Bride:
أصلا الحوار كلّه صاير حوار عيايز و تشنه قاعد نتكلم عن بنت جيرانا
المهم
أنا ما راح أرتاح..الاّ..أذا خذا عياله الصجيين منها..و خله الوصايه عنده..لأن أهوه بيموت على اليهال
حسافتج:
أعتقد أن دفع الثمن غالي
و قاعد يعض أصابع الندم
مركبنا:
أنجلينا..يبيلها مصنع كاماي..و هم ما أضمن النتائج من الشر اللي فيها
لوووووووووووول
تهقين هذي حوبه جنيفر ؟:P
100 fils:
ترا أنجلينا طول عمرها سعلوه
و براد من هد جينيفر تخدا
و لا أول أشحلوه..الحين صار تشنه مدوده
Яeema:
صدقيني محد خلاه يدمن غيرها
سرحان:
شكــــرا
أخيرا طلع في رجل عاقل..و شاف أنها ساحره
ابوالوليد:
في هذي...أتفق معاك
Nikon 8:
أكيد..خنت حيلي..جينيفر
مسكينه كانت تحبه
بس الله يهداها..قال لها
أبي ياهل يونسني
ما رضت..كانت لاهيه
ShaymoOona:
أنا أول عيل عادي..لا أحبها و لا أكرهها..بس من تسلطت على جينيفير و أنا مو واطنتها
و الحين بدت نظام التبلي على براد
لأ..كملت
Enter-Q8:
هاهاهاها
هذا واحد تغافلها..و سطر يمها..و أهيه من التدوده ما ثبّتت..أن هذا مو أنت
bent el deera:
لأ..ما عليج..جينيفر تحبه..و ما تبي له الشي المو زين
شيتعاطى؟
لا يكون خمر، الله يكافينا الشر
وبعدين جنيفر الله يهداها شلون تقول ما هي لاقية واحد تحبه، خلى العالم، إنتي سوي معروف ودزيها صوب المدونة، وأنا مو أخليها بس تحبني، يمكن إذا الله قدرني أخليها تسلم وتحجب وتقدم على وظيفة بلجنة تحفيظ القرآن، بس قضبيني رقبتها
Fahad Al Askr:
يشرب كلونيا جاكسون
=====
يوم أنك تبي تحجبها..ماني دازتها لمدونتك..خلها تهايل في لوس أنجلوس أحسن
صدقيني هذا مو لاقينه اللي يربيها عدل
عمت على الريال وعلى بنت الحمايل جنيفر
والحين قالت عوع ما ابيه
هذي انجلينا مو سبيجه
* احسن انشالله بهالحاله و ارده حوبت جنفير مسكينه
رمضان ولا جان قلت سوالف شاي الضحى
:)
احسن يستاهل
هد جنيفر المسكينه
انا ابي انجلينا تطرده;p
Post a Comment