![](https://blogger.googleusercontent.com/img/b/R29vZ2xl/AVvXsEjkqSkMbirctzItksHAZSXpVVfMosWK02I1qLV8d0HB4LTVmgvaO4z2WNm5tg51H-RLjgUwuSeorlbBD48dpmn4FK9_KHBRhm7URgrOp3l7ccl6VyKhl8mSfMNWacxe1LsotzPE/s400/%25D8%25AD%25D8%25A7%25D8%25B2%25D9%2585+%25D8%25A7%25D9%2584%25D8%25A8%25D8%25B1%25D9%258A%25D9%2583%25D8%25A7%25D9%2586.jpg)
Sunday, July 26, 2009
Wednesday, July 15, 2009
أنا مالي شغل...هذا درب الزلق
.
.
.
.
.
.
.
.
جمل مملوحه من درب الزلق
.
يازت لي..و عبّرت عن اللي ودّي أقوله
.
.
.
.
الروس نامت و العصاعص قامت
.
.
.
محّد روّحها غير ثوارتك و ثوارة ربعك
.
.
.
و أنا شكو فيها؟..أنت تنجبر
.
لا بارك الله فيك و فيها
.
.
.
ليش أنّك مينون مثله
.
و المينون عمره ما يخاف من مينون
.
.
.
ما بقى بهالفريج عاجل
.
غير أنا و ولدي
.
.
.
أنا حسينو..حجيك هذا ما يمشي علي أنا
.
.
.
ما أدري شلاقيه بهالموّش الوالده؟
.
.
.
معوّد على الصجمات قلبي
.
.
.
حط بالك على الثلج زين
.
و إيّاني و إيّاك تبيع سلف
.
.
.
قاضبه علينا هالأمثال
.
اللي ما توكّل إلاّ هالموّش
.
.
.
لي طريت الجلب..زهبي العصى
.
.
.
أنا أدري عنّه؟
.
أهوه على باله أن أنتي أمّه بروحه
.
.
.
تبي تضيّع سالفة نحشتِكْ عنّي
.
.
.
.
.
اللي فهم..فهم
.
و اللي ما فهم..ياكل موّش نثري
Sunday, July 12, 2009
Wednesday, July 08, 2009
عمرو دياب..مو شمس
.
.![](https://blogger.googleusercontent.com/img/b/R29vZ2xl/AVvXsEgtmmGTyDabKVgwfB1ZAsyOl92Pr4UbGXf65TqtjOfBn0JJjZJn3pydzeWl1Ida49yVpnezVnBsxcpK8ab0JgeTJT5fxygC3gTW87kGN3BA8oXzf4MIpGaFdhpgEUZKG3028bGc/s400/Amr_Diab.jpg)
.
.
.
عندي صديقه روحها و حياتها عمرو دياب
.
و أنا من المعجبات فيه..بس مو بدرجتها
.
أول أمس يتني..و أهيه حدها مشتطّه و متحمسه
.
سألتني سمعتي عمرو دياب اليديد؟
.
جاوبتها أي سمعته..وايد حلو
.
جان ترد و أهيه بنفس الشطّه
.
أي أغنيه أكثر شي عجبتج؟
.
طبعا أنا الحين..و بهالسن
.
لو شنو ما أثبّت كلمات الأغاني
.
خلاص أعتقد الجزء اللي بمخي
.
المخصص لحفظ الكلمات..أنترس
.
و استهلكته بما فيه الكفايه أيام المراهقه
.
فكان ردّي عليها
.
أكثر أغنيه عجبتني
.
رحت عنّي و خلّيت ويهيي فاهي
.
طبعا أهيه بغت تطلع عيونها
.
فكان ردها الطبيعي
.
حسبي الله عليج
.
أنا سألتج عن عمرو دياب..مو شمس
Monday, July 06, 2009
سوّوا نفسي..ضحكــــــــوا
.
.
.![](https://blogger.googleusercontent.com/img/b/R29vZ2xl/AVvXsEg8Nn4Hmi-eW_oK2TvrAHKP7p-GncErq7KD6qzGxuj_XCf8BUPjKW49YoYnkyG9wP6BXi5vEal6ivODp166x1LH4NjQk7rmekrz1sz8XQPn056y0zDX8kSfeVrmwfbLq8JUDj8N/s400/C02+066+Audrey+Hepburn+-+Smile+-+Leo+Fuchs.jpg)
![](https://blogger.googleusercontent.com/img/b/R29vZ2xl/AVvXsEg8Nn4Hmi-eW_oK2TvrAHKP7p-GncErq7KD6qzGxuj_XCf8BUPjKW49YoYnkyG9wP6BXi5vEal6ivODp166x1LH4NjQk7rmekrz1sz8XQPn056y0zDX8kSfeVrmwfbLq8JUDj8N/s400/C02+066+Audrey+Hepburn+-+Smile+-+Leo+Fuchs.jpg)
.
.
اليوم قمت الصبح..مو معقول كميّة التكسّر اللي أنا فيه
.
طبعا أنا متأكده أن هالتكسّر..مو من قل نوم
.
من قل أوكسجين بالجو
.
و رحت الدوام أير روحي ير
.
مو بس عشان عيزانه..بس أصلا الأجواء العامه
.
تضيّق الخلق
.
فتح السوق..و هم ما قصّر فينا..من أمس لي اليوم
.
نزول حُر
.
فعلى ما صارت الساعه ٢ و كنت توني
.
خالصه أجتماع معصبه فيه
.
و داخله أجتماع ناس راح يقرقون فيه
.
كنت ناضيه
.
فجأه..صارت شغله..بيننا..أحنا البنات..صديقاتي
.
سوء فهم..على لقافه
.
تعال سوّي محادثه بين ٨ بنات
.
و كل المحادثه يا مسج ..يا بي بي أم
.
أحنا أذا تيمعنا..ويهنا بويه بعض..ما نسمع بعض
.
هالمرّه مسجات..الضحك اللي ضحكته من زمان
.
خبري فيه..و البنات و ردود أفعالهم..خلّوني أقهقه
.
فجأه..حسّيت..الله وناسه..حلو الشعور
.
أرتفعت معنوياتي..حسيت أني نشيطه
.
و لأول مره..تصير الساعه ٣ و قت الغدا
.
و ما أحس أني راح أموت من اليوع كالعاده
.
كل هذا
.
بسبب ضحكه و قهقه حقيقيه
.
فأنصحكم..صدّوا شويه
.
و دوروا ناس تحبونهم و ترتاحون معاهم
.
و استمتعوا بوقتكم معاهم
.
.
و سلامكتم
Wednesday, July 01, 2009
Subscribe to:
Posts (Atom)