متفرقات ويكنديه

ما عندي شي أكتبه

.

.

.

.

**********

.

المود هالأسبوع

.

أبو بكر سالم

.
سلام يا أحباب قلبي

.
.
عطله سعيده للجميع

.

بنكهة الكستنه

ليش لأ؟!؟

تصدقون لو أنا من أصحاب القرار بالديره

.

جان قلت حق مستشاريني

.

في جماعه عندهم من عمرهم شطّه

.

و على بالهم يعرفون و يفهمون بأمور البلد أكثر منّا

.

ينقال لهم المدونين أو البلوغرز

.

ييبوهم خل نشوف شنو يطلع معاهم

.

خل نشوف شلون ممكن يسوون حكومه متجانسه

.

أصلاحيه ذات رؤيه

.

مو عشان شي

.

بس من باب التغيير على الأقل

.

و لأن أحنا أقصد المدونين معظمنا نعتبر شباب ناضج

.

و لحد ما عندنا رؤيه في أمور معينه

.

.

يعني بكل الأحوال راح نكون أحسن من

.

اللي راح يتم أختيارهم

.

و أهمه أي اصحاب القرار

.

راح يفتكّون منا و من لبحتنا عليهم

.

لأن أحنا راح نكون لاهين في مهام الوزاره

محّد دق

من أعلنوا عن قبول أستقالة الحكومه

.

و أنا ناطره

.

لي الحين محّد دق علي

<

.

هل يُعْقلْ؟!!؟

كل سنه و أنتو طيبين

.

.

طول عمري ما أحب عيد الأضحى..لأن عيد الحجاج

.

ما أواطن منظر الذبايح..و تصير ريحة الهواء..دم

.

و حمسة كبود..فصار عندنا تقليد أنا و زوجي..كل

.

عيد أضحى نسافر..و عادة ما نروح مكان صاد..كل

.

واحد و كتابه و هدوء..و مع أني أحتاج هالسفره السنه

.

هذي وايد..الا أني راح أضحي..و أصير حالي حال

.

خرفان العيد..وراح أنتقل الى بيتي..شعور وايد غريب

.

لأول مرّه من تزوجنا..راح نعيش في بيتنا..و لازم أتحمل

.

مسئولياتي كامله كربّة منزل..و اللي يعرفني و يعرف

.

موديلي راح يدري أن مالي شغل بهالأشياء ولا عندي

.

مقاقه..شنو الغدا؟..شنو العشا؟..مشاكل الشغالين

.

و لويتهم..و الماجله..الصج شعوري

.

حدّي متدودهه

.

.

عموما عيدكم مبارك..و تقبل الله طاعتكم

.

و أرجو السموحه..لأني راح أحتجب فترة العيد
.

لأني ما أعرف شلون راح يكون برنامجي مع

.

لوية البيت اليديد..بس هذا مو معناته..أني ما راح

.

أسيّر على مدوناتكم و ألقّط عياديي

.

.

.

مود العيد

.

عبدالله رويشد..لمني بشوق

.

.

الخزّه

أنا أيي من جيل الخـــزّه كان لها دور كبير

.

في حياتنا

.

و استعمالات الخـــزّه كانت لغرضين

.

.

الغرض الأول: غرض تنبيهي أو توبيخي

.

فكانت الخـــزّه تيينا من أمهاتنا

.

في حالتين اذا حمقت الأم من تصرّف

.

سويناه جدّام الناس..أو لقافه و بطّينا برمة

.

سالفه ما المفروض نتكلّم فيها

.

فكانت تيينا ذيج الخـــزّه اللي أتطيرنا

.

من المقعد

.

المشكله أن كبرنا و لي الحين من تيينا

.

هالخـــزّه..نتدوده

.

.

الغرض الثاني: غرض المغازل

.

على وقتنا..أيام المراهقه..ما كان

.

أكو موبايلات و الوسائل الحديثه مالت

.

المغازل..فكان الشباب حدهم يخـــزون

.

كوسيله للتعبير عن شعورهم..عاد أهمه وحظهم

.

كنا نطلع من الثانويه..نلاقي الشباب اللطيف

.

كلهم قالبين عتاويه من كثر ما يخـــزون

.

.

.

و بعدين لما كبرنا و بدينا نستوعب أمور الحياة

.

أكتشفت غرض ثالث للخـــز

.

كنّا نستشف مدى رضى السلطه على السياسيين

.

كانت وسيله جيده لتوصيل رسائل معينه

.

و كنا نقدر نخمّن شنو ممكن يصير

.

الفرق الحين

.

أن غالبية السياسيين و القياديين الموجودين

.

على الساحه الحين ويوهم وايد عريضه

.

لو ينخـــزون من اليوم لي باجر

.

هم ما توصلهم الرساله

ماذا لو؟

لو المرحوم عايش لي الحين

.

و كويتي الجنسيه

.

و صار رئيس مجلسنا

.

جان شنو صار الوضع؟

ما أقدر أقول الاّ شي واحد

لي طبع محملك...دوس على ترّيجه

متفرقات ويكنديه

أول شي..خوش مقاله للدكتور ناجي الزيد

.

في جريدة القبس اليوم

.

تحت عنوان..هل هي زوبعه في فنجان؟

.

.

**********

.

الجو لما يصير مثل أمس و اليوم..ما أدري شنو يصير

.

فيني..هالجو له تأثير السحر علي..لو الدنيا كلها تنقلب

.

ما تأثر فيني..أصير بس أبي أقعد بالهواء الطلق

.

و الأستمتاع بالجو..و كل شي يصير عسل على قلبي

.

عموما أنا أموت على الشتا..و شتا الكويت له شعور ثاني

.

طعم المعدّس

.

أحساس الشماغ لما ألفه على رقبتي

.

جمال النار لما نشبها

.

.

**********

.

الحمدالله العلاقات ردت أستتبت مع الموظف

.

اللي معاي..و هالأسبوع ماكو و لا هوشه

.

المضحك بالموضوع أن هدّدني أن يسوي مدونه

.

أسمها يومياتي مع مديرتي المينونه

.

و على قولة زوجي..أنا متأكد أن كل يوم

.

راح يصير أكو قصّه يكتبها

.

بس و لا همّني..هددته بتقييم آخر السنه

.

يا جماعه ترا كل اللي أكتبه عن الموظف

.

اللي معاي..من باب

.

من حبّك..لاشاك

.

.

**********

.

ودّي اسوي حفله..حفلة طرب

.

يحييها فرقة التلفزيون و فرقة العميري

.

و سليمان العماري..يعني السالفه كلها سامريات

.

و أصوات .. و الحضور مقصور على الطرّيبه

.

و اللي يعرف يصفق

.

و الزي للرجال دشداشه و تشريمبه

.

و النساء دراريع قطن غير مسموح لأي

.

شكل من اشكال الزري..غير زري الثوب

.

و هم بالنسبه للنساء ممنوع التسريحات

.

يعني بصراحه اللي يبي يتسمّت..لا يجبل علي

.

و بعدين العشاء..ماكو الا قوزي..و مجبوس دجاج

.

و يريش..فقط لا غير..طبعا راح يكون أكو أنواع

.

المعابيج و الأجار و الدقوس

.

و على كتر طاوله عليها مطاطير الشاي و الحليب

.

و بقصم و درابيل و قرص العقيلي

.

و الحلو لقيمات و صب القفشه

.

بس اللي رادني أن الأجواء العامه هاليومين

.

ما تسمح

.

.

.

***********

.

المود هالأسبوع

.

أبو بكر سالم
.

قلبي قنع

.

.

عطله سعيده للجميع

يا جماعه دعائكم

يا رب ترد السيدات الكويتيات المحجوزات

.

في الهند بالسلامه..و تبلّغ أهلهم بشوفتهم

كوني سيده

اليوم لفت نظري تقرير بجريدة القبس

.

عنوانه كوني سيده

.

قريت التقرير..و قيّمت نفسي

.

بناء على النقاط اللي ذاكرينها

.

أبقي صوتك منخفضا: ما يدور..ما اواطن المساسر

.

تعلّمي السير: ما أعرف أمشي ببطء و هدوء

.

كلّه مشيتي بسرعة الهروله

.

مراقبة سلوك السيدات اللواتي يشهد لهن بالأنوثه: ما اعبّر..ينرفزوني

.

الأنخراط في صفوف خاصه بدروس اللياقه: ما عندي وقت

.

ابتعدي عن التعري المفتعل و المبتذل: أشــــــــــــوه

.

أخيرا طلع أكو شي أسويه

.

وايد أرتحت لما عرفت أن فيني شي واحد

.

من طرق

.

كوني سيده

الطريق المسدود

التجاهل

من العادات اللي أكتسبتها من زوجي

.

عادة التجاهل..أنا أول و نتيجه لتربيتنا

.

و أعتقد أن كلنا مرينا بهالمرحله و أحنا صغار

.

كنا لما أحد يغلط علينا أو يطقنا بالروضه

.

كان الرد من الأهل عادة وحده من شايتين

.

يا اللي.. يطقّك.. طقّه

.

أو اللي يطقّك..قول له الله يسامحك

.

و أمش عنه..و أحنا تربيتنا كانت من

.

المدرسه الثانيه..ومع الوقت.. وعقب ما كبرت

.

صار موضوع الله يسامحك..يتعبني..و أقعد

.

آكل في روحي..مع الوقت..زوجي بدا يفطني

.

الأنسان اللي يزعجك..و يتعمد أيذائك..أنتي مو

.

محتاجه له..فتجاهلي وجوده..لأن هالنوعيه من

.

الناس ما راح يضيفون لج شي..بل بالعكس..راح

.

يحاولون يقللون من اي شي تسوينه

.

و بالنهايه محّد راح يتعب الاّ أنتي

.

و فعلا..لما بديت أتبع هالأسلوب..و ألغي

.

من حياتي هالناس ارتحت..و أهمه اللي بدوا

.

يتضايقون من هالأسلوب..و أنا اللي أفتكيت منهم

المدونه العزيزه...ملاحظه..ليش؟

المدونه العزيزه ملاحظه

.

mola7atha.blogspot.com

.

تفاجأت اليوم الضحى

.

عقب ما حطّت موضوعها..هذي خطوطي الحمراء

.

أن تمت أزالة مدونتها

.

حسافه عليج..ردّي..ترا هذا خط أحمر

.

أنا متفائله

اللي لاحظته الفتره اللي فاتت

.

و اليوم استوعبته..أن صار في 

.

وعي ملحوظ في الشأن العام 

.

بالكويت..اللي قاعده أشوفه و أسمعه

.

ناس كان آخر همهم الوضع السياسي 

.

و أهمية الدستور و مجلس الأمه

.

و كانت ردّة فعلهم غالبا لما يصير

.

نقاش عن الوضع السياسي..ويه من صجكم!؟

.

و لا من له خلق..و لا فراغه..و لا ببساطه مو مهم

.

تغيّر هالتوجه الحين..قمت أسمعهم

.

و الصج أستمتع بالنقاش معاهم..بغض 

.

النظر شنو موقفهم من المجلس أو الحل سواء 

.

كان دستوري أو غير دستوري..بس صار

.

في أهتمام بوضع البلد

.

و الظاهر مثل ما كتب 

.

المدوّن العزيز بوجيج في مدونته

.

بتاريخ ٨-١٠-٢٠٠٨ سقوط البورصه

.

نعمه طال أنتظارها

.

فقدان جيل كامل من الشياب و الشباب

.

اللي تركوا أغلب مسئولياتهم الوطنيه و تفاعلهم

.

مع قضايا بلدهم من أجل اللعب بكازينو البورصه

.

كلامه صحيح و الظاهر هذا اللي قاعد

.

يصير..لما حسّوا أن السكين و صلت العظم

.

حسّوا بخطورة الوضع..و بدوا يتفاعلون

.

و هذا سبب كافي بالنسبه لي

.

يدعوني للتفاؤل

. 

آه..وشي زياده مني

.

أهداء لكل المنادين 

.

بالحل الغير دستوري

.

أغنية عبد المجيد عبدالله

.

تحلمـــــون

متفرقات ويكنديه

في مقوله كويتيه قديمه..باستعملها بس مع بعض التحوير

.

المقوله الأصليه تقول

.

آمن للحيه و العقرب..و لا تآمن للبدوي لي استعرب

.

تحويري

.

آمن للحيه و العقرب..و لا تآمن للبدوي و السيّد لي أستلحى

.

.

**********

.

أمس الصبح أنتابتني نوبة غضب

.

اللي انفجرت و عفست الدنيا

.

يعني الواحد ما يوصل الدوام الاّ طالعه روحه

.

و تشد أني نايمه منغثه من الوضع السياسي

.

و الأقتصادي بالبلد

.

فواصله نفسي بطرف خشمي

.

و أنا فيني طبع اذا وثقت في أحّد

.

و عطيته مسئوليه.. أتوقع أن هالشخص

.

يقوم بمسئوليته كامله..ليش ما صعدت المكتب

.

و اكتشفت أن هالموظّف..أخفق في أحدى المهام

.

الموكله أليه..مع موديل الأخفاقات اللي ساري في

.

البلد هاليومين

.

و خير اللهم أجعله خير

.

لي الحين ما أذكر شنو قلت

.

اللي حرني أن ردة فعله في منتهى اللامبالاة

.

و عادة لما أعصب جذي على أحّد أتحسف

.

هالمره لي الحين ما تحسّفت

.

.

**********

.

في نوعين من الزوجات

.

الزوجه السعلوه اللي على بالها

.

أذا صارت قويه راح تقدر تسيطر على زوجها

.

و الزوجه الحليوه التي تميل الى السذاجه اللي على

.

بالها أن أن زوجها أحسن رجل في العالم

.

النوع الأول بالنسبه لي تكسر خاطري

.

أكثر من النوع الثاني

.

لأن الثانيه ببساطه..مريحه ملايكتها

.

أما النوع الأول ..فتشتط..و تعابل..و تخطط

.

و بالنهايه هم ما راح تقدر على الريّال الكويتي

.

فنصيحتي للنوع الثاني..لا تضيعون صول شعابكم

.

لأنهم ما ينقضبون

.

لو ننقز

.

.

**********

.

وحده من صديقاتي قاعده تكمّل دراستها

.

في الجامعه الأمريكيه..فزميلاتها بالصف

.

كلّهم أمّهات الطعش سنه..مواليد الغزو

.

و كل يوم لازم تتحفني بقصّه من قصص

.

هاليهّالو..و مغامراتهم

.

المهم البارحه..عقب ما خلصنا العشا..صديقتي

.

هذي أشتهت آيسكريم 31..فأول ردّة فعل مني

.

لا يكون صدّقتي أن عمرج طعش سنه

.

أجسامنا ما قامت تحرق السعرات الحراريه

.

مثل قبل..ردّت علي و أهيه تضحك

.

تصدقين أن اليوم بالذات في الجامعه كانوا يسألون

.

عن نوعية الطعام المفضله عندنا

.

تقول أنا الوحيده اللي طلبت أكل دايت

.

و عموم الصف ما بقى ماكدونالدز..ما يبقى هارديز

.

أي ما يحاتون سكر و لا ضغط و لا كوليسترول مثلنا

.

القلوب بارده..عليهم بالعافيه

.

.

**********

.

.

.

المود هالأسبوع
.
عبدالله رويشد
.
من يدري

.

أحبابي اللي لهم داخل فؤادي محل

.
عطله سعيده للجميع

أذكياء لكن أغبياء

زميلاتي و زملائي المدونون

.

كلنا ضايقه خلوقنا

.

كلنا مستائين

.

كلنا معصبين

.

بس ليش نستبق الأحداث؟

.

خل ننطر و نشوف شنو بيصير

.

عندي طلب واحد

.

لا نخلّي هالتجربه اللي كلنا قاعدين نمر فيها

.

تكفرنا و تكرّهنا بالديمقراطيه و الدستور

.

شابات وشباب لا نعتقد أن الطريق سهل

.

فيه عثرات..و فيه خيبة أمل

.

بس ليش تهبط عزيمتنا من أدناة الدون؟

.

.

و على ما نعرف شنو راح يصير

.

أقترح عليكم مشاهدة فيلم أذكياء لكن أغبياء

.

و وسعوا صدوركم مع شهيره و بهيره

.

واللي بالجدرُ..يطلّعهُ الملاّسُ

.

.

تصبحون على خير و حب و تفاؤل

..

إيّاكَ..إيّاكَ..إيّاكَ

.

كيفي

متفرقات ويكنديه

أسبوع ما يعلمش فيه الاّ ربنا

.

كملت لما يقرر قاضي محكمه أداريه

.

بأيقاف السوق...شكو؟؟؟!!!؟

.

لو ياي الأيقاف من لجنة الأنقاذ أو من

.

اللجنه الفنيه في البورصه..نفهم..ناس

.

مختصين و شافوا من مصلحة السوق

.

أن يتم أيقافه

.

بس الحين..اي أحد ممكن يرفع

.

قضيه يمكن يكسب؟

.

هذي سابقه خطيره

.

ميخالف أنت يا سوق و يا وزير التجاره

.

ما تدرون أن أكو محكمه اليوم

.

و ممكن هالمحكمه تحكم بأيقاف السوق

.

مو مسوين خطّه لهالأحتمال؟

.

بس خلاص

.

كيفهم..ديرتهم و أهم أبخص فيها

.

قلبي قام يعورني منهم

.

.

**********

.

وصلني هالمسج توّه

.

النائب مرزوق الغانم موجها حديثه

.

لوزيرة الأسكان

.

أنا ما أقدر اشكرج يا وزيرة الأسكان

.

الاّ للون الغلاف لبرنامج عمل الحكومه

.

و أنج أكبر منفذة قص و لزق برتبة

.

وزيره

.

تدرون ليش قال لها هالكلام
.

لأن وزارة الأسكان قدمت عرض

.

مدينة الحرير المقترح من

.

شركة التمدين العقاريه..كخطه

.

خمسيه للحكومه..يعني..الحبايب

.

خذوا عرض شركه عقاريه مقدم للحكومه

.

و سووا شوية تعديلات عليه

.

و قدموه على أساس أنه الخطه الخمسيه

.

والله عيب

.

.

**********

.

اليوم و أنا يايه الدوام و قمة العساره

.

بالزحمه بالطريق السريع و طبعا السير واقف

.

جدامي سياره فيها ولد عمره 4 سنين رايح المدرسه

.

الولد ويهه شيطان..بس فيه ملح مو عادي

.

و كل ساعه طال من الدريشه..كانه قاعد يشيّك على الزحمه

.

ألتفت علي و عطاني أبتسامه..و أشر بأيده باي باي

.

ما تتخيلون شلون تغير مزاجي..لما شفت أبتسامته البريئه

.

و سعادته لما رديت أشرت له..الله يحفظه لأهله

.

.

**********

.

هالأسبوع البايخ..ماكو شي قزّره علي

.

غير سي دي نوال..السي دي مينون

.

وايد يطلعك من مزاج طريقك مسدود

.

اللي سائد هاليومين

.

أنصحكم فيه..مع حبتين بندول

.

ما يصير الأحد..الاّ ما فيكم الاّ العافيه

.

.

**********

.

.

.

بما أني ناويه نيه قشره هالويكند

.

فالمود هالأسبوع

.

عبدالله رويشد

.

أش غايظ الناس

.

عطله سعيده للجميع

أشفيكم؟؟

سعر النفط وصل اليوم ٥٥ دولار

.

أزمه أقتصاديه عالميه و محليه

.

وضع مبهم مع الجار في حال سحب أوباما لقواته

.

الخدمات الصحيه في أنحدار

.

و..و..و

.

والشي الوحيد اللي طلع فيه مجلس الأمه بجلسة اليوم

.

أقرار قانون الفحص قبل الزواج

.

مشكورين و ما قصرتوا..نوابنا الأعزاء

.

بس ترا كلش ماله داعي ترفع الجلسه

.

على صورة خمور

.

من صجكم؟؟؟!!!؟

.

أنا بافهم هالأستشراف اللي نزل عليكم من وين؟

.

أنا بافهم منو بتقصون عليه؟ 

.

في أحد ما يدري أن في خمور بالبلد؟

.

تعالوا خل أقول لكم..ترا المرتشي..الفاسد

.

أسوأ و أخطر على البلد

.

ليش صار عندكم خلط لها الدرجه؟

.

أشفيكم؟

.

أبي أعرف شنو أولوياتكم؟

.

الدقره

أبيخ شعور بالدنيا الدقره

.

يكون الواحد أو الوحده مشتطين

.

و على بالهم يايبين اليهده

.

و بعدين يندقر

.

المشكله أن أحنا في مجتمع لعبته التّدقر

.

سواء على الصعيد العائلي أو الأجتماعي أو المهني

.

من النادر تسمع كلمه حلوه في

.

مقابل أي عمل الواحد يسويه

.

و بالنهايه مع كثر التّدقر صرنا كلنا

.

مثل سعد في مسلسل درب الزلق عقب

.

ما طاح فيه الخال تدقر

.

الويه أشطوله..و الشعر يعد

.

.

شعب مدقور

خـــــــــــــوش صوره

من جريدة القبس..عدد اليوم

.

يا زينكم

أمس متعشيه مع جماعه

.

من زمــــــان ما ضحكت جذي

.

من الضحك و الوناسه اللي استانستها

.

قمت اليوم..ذاكره هالحلوين

.

.

صباحكم ورد