أبي أفهم...ليش بهالديره كل شي بأيد الزوج
.
تجديد جواز الزوجه..الزوج لازم يجدد
.
تجديد أقامة السايق...الزوج لازم يجدد
.
ألغاء أقامة الشغاله...الزوج لازم يلغي
.
واللي زوجها 24 ساعه مسافر
.
تنشل حياتها؟؟؟؟
.
اليوم ٣١٩: أذواق؟ تسويق؟ مبالغة؟ حقد؟
7 hours ago
86 comments:
حمدي ربك
احسن ما تراجعين و تشوفين اشكال موظفين و اهم كلهم دراء حتى الكتاب
و بعدين في حل
توكيل طال لعمرك
:) رب ضارة نافعه
لان مجتمعنا ذكوري
تخلف
;p
Enter-Q8:
هاهاهاهاها
خل الطّابئ مستور
يخاف يعطيني وكاله
لأن يخاف أتهاوش مع الدنيا كلها..و ما يمشي شي
موليه
Mok:
شلون نافعه؟؟
و أنا حدي متعطله
why me:
ما عندي مانع..بس خل يقعدون بالديره
مو طيري و أطير
100 fils:
تخلّف..يشل
علشان ترتاحون يالحريم
:)
اهو اذا موجود
فهذه قمة الراحة
ياحبنا حق الدلال
بس اذا كله مسافر خليه يسوي لج وكاله
وفكي عمرج
ببساطة
لو ان الاقامات بسمج تقدرين تلغينها اما عن جوازك فالموضوع يسمونه تخلف
و الي زوجها 24 ساعة مسافر الله يعين اخوانها
KQ8:
صدّقني ما فيها راحه
فيها زود لبحه من قبلنا
esTeKaNa:
مو مسكين يخاف يسوي وكاله
يدري أني عصبيه..و راح أتهاوش
Diver:
الأقامات مو بأسمي لأني مو ربّة بيت
و ما عندي الا أخو أصغر مني ب18 سنه
يعني شاسوي؟؟
بذمتك هذا وضع طبيعي؟؟
و تقول لي ليش التحلطمين..مره أشكبري ما أقدر أجدد جوازي؟
روحي ادارة الجوازات
قعدي ربع ساعة راقبي الجو
راح تلقين بنغالي شقردي
عطيه المقسوم و لوراق و تساهيل
مجربة
و الله يخلي الحكومة الالكترونية ماخلت شي سهالات
لا وأزيدج من الشعر بيت ..
اذا راحت الزوجة تسجل عيالها بالمدرسة الحكومية ردوها من عند الباب وقالولها بس الأب اهو إللي يسجلهم!!
Diver:
واااااااااااااي
يعني هم أضطر أني أرشي بنغالي اللي أهوه ريّال عشان يمشي معاملتي؟؟؟؟
ليش؟؟؟؟؟
سبمبوت:
أنا بافهم منو مسئول عن وضع مثل هالقوانين؟؟
نوابنا السنعين وينهم عن هالقرارت المتخلفه اللي قاعده تردنا للوراء
اللي ريلها اقشر و زي إلته الله يكون بعونها
بس الوحدة "النسرة" تخليه مثل "بو خماس" يكنس و يهرس و يرفس.... وتفك عمرها... اعرف وحدة مسميتها "واي ما اعرف و ما ادل وين!" مسوية روحها داداغو... كل شي ما تدله واهيا خـــــــاتمة... بس سايقة الهبل عل شيطنة... والريل يطالع ويها مطالع بالطلعة و الدخلة... الله يهني سعيد بسعيدة
شلنا بالشقا!!! الأعمال اللي ذكرتيها يبيلها رياييل... بس اذا كان منتج كويتي كـــــــامل الدسم... فقبضي من دبش
7anna7inno العزيزة
بصراحة شديدة أفضل ومثل ما قال اخوي العزيز حاكي عقالي .. احسن بدال التبهذل والتعب وغير تسمعين لج كلمة مني ولا مناك
وبيني وبينج خلي الريال يتحرك شوي:P
دمت بخير وسلام
يعني ما تدرين
انه عالم الرجال
و لا عزاء للمرأة
chandal/danchal!!:
أنا مشكلتي أني حارّه
و أبي شغلي يخلص بالسرعه الممكنه
فما أقدر أمثل الأستهبال
لأن زوجي عايني و خابزني زين
لو أقدر أمثل جان شفتي هذي حالي
مقزرتها حمقانه
و أهوه أسم الله عليه..كل شي بالهدوء و الركاده
من لا تحب الإنتظار:
ليش أفتض سوء النيه بالموظفين الحكوميين؟
و لا المراجعين؟
ماكو أنسان تيينه بأدب و أحترام يرد بقلة أدب
أحنا مو عايشين في مجتمع همجي لها الدرجه
Diver:
ردّي حقّك راح يكون
أريــــــد حلاً
بالنسبة للخدم كإلغاء وتجديد الإقامات ممكن تطلعين إستثناء من إدارة الهجرة وطبعا بموافقة الزوج وهذا يصير حق اللي حالتهم مثلك
:))
nanonano shlich bil looya w 3awar il ras ! 5alai railich isawihum w eftakay !
3-0
عجب عجب عجب
دام انك مصرقعة عيل صفي يمي لاني ماحب امثل دور الهبلة
بزري عيونج عليه و قوليله "انا المخ وانت العضلات"... شكلج عندج نظرة "اف لوكس كولد كيل" ... يعني مو معقولة كلشي علينا يا نانو... والله في حريم يكسرون خاطري بس اهما اللي مدلعين رياييلهم
انتي بس طبقي هالنظرة و قوليله هالجملة وراح يصير من ايدج هذي لي ايدج هذي.... و ياليت تحطين حمرة فوشيا عشان تكسرين حدة الكلام لووووووووول
ولا تنسيني بصالح الدعاء
:)
أنا مع استكانة
تاخذ وكالة عامة، ويصير كل شي بيدها حتى حسابه بالبنك، لا وتقدر بعد إذا ما ياز لها الوضع تطلق نفسها منه، بنفس الوكالة
يا تنطرين او وكالة عامه ... او واسطه ...عاد انتي اختاري
عذر عشان ينثبر و اخلص الشغل
يعني بروحها الزوجة اهيا اللي ادرس اتربي اطلع اتروح الجمعية بعد اتروح هالأماكن عزت الله جان انتحروا الوزجات
إلا عندنا الزوج اسوي كل ما سبق مع مجابل الأوراق الحكوميةالطايح حظها بالفوضة الله اعينه هالريل
وده لو احد يقرا بوستج و يقط هالأمور عالزوجة
لان الزوجة لازم تصير بعيوننا
ونخدمها
ونسويلها يدهينة لا تنكتين
عرفتي ليش يا نانو اقصد يا دهينة؟؟
علشان ما تيي المواطنة للجهة الحكومية
اعوذ بالله
ما تبي توقف بطابور
" واي انا اوقف مع باكستانيين و انا مثل امك "
الزفة ببيزة
" شنو ما يصير انا مثل اختك "
الموطفيين نصهم يخاف يزف مرة
و الي يزفها يشوفونه الباقي انة بربرى
غير متحضر مع انهم توهم نايميين بـ 3 بنغالية
انا مو باط جبدي الا سالفة
الجواز , شنو بتنحاش الزوجة مثلا ؟؟
انا واثق تماما ان لو يخلون الزوجة تسوي الجواز ... زوجتي راح تسويلي توكيل
مانتوفاني
واي نانو من صجج
أريح
لا تخافين على إلي ماعندها زوج آنا قاطة كل شي على أبوي الله يخليه
لا تتسببين على عمرج...سكتي
تدرين بالعكس اريح للزوجة انها تفتك من الامور هذى وكافى على الزوجة مجابل الياهال مع المدارس والجمعية
وشكرا للموضوع
male dominate society
هذا احنا
و ما اعتقد بس هذا عيبنا
anyways
ان يت علي انا دوم اعتمد عل غيري و ما احب الزحمة ولا الوقفه بالدور
ولا التمشور روحه و ييه
صداااع !!
سو .. هالشي من صالحي
بس انتي الله يعينج
يعني يا يعطيج توكيل وهو مكره يا قبل لا يسافر تسوين له لسته بالاشيا المعلقه المحتاجه وجوده عشان تخلص
ماعتقد عندج غير هالحل
اي والله صاجة الله ارحم اللي يذلها زوجها ويقول لها مالي خلق اسويلج والا كيفج !! وعلييه عليها
بعد شتبون شايلينكم على كفوف الراحه
loooooooooooooooool
eeee
ele zojha 24 sa3a emsafer etrooo7 tmooot el'9aher 3la ma yrja3
شلكم بالزواج؟
يلا اكلوها
ان شاء الله بالمستقبل ما تروحين الطبيب الا باذن زوجك
عوار الراس الواحد ما يحسد عليه
لو يصير كان حتى حنا ما رحنا
المراجعات الحكومية عاد !؟
I totally understand what you are saying, but I don't agree with first point that the husband must renew the wives passport, this point is a reflection on the mentality that we have to endure on daily bases. people with dark ages mentality with no justification or logic behind these type of stupid rules.
nikon 8:
ليش هالعباله كلها؟
المفروض يتساوون بالمعامله
Bin3agul:
يعني مو خابرني شلون أمــوت على اللويه
الوزير الإصلاحى الشاب الدكتور أبو جـيـج:
هاهاهاها
1-0 عمان
لا وبعد حتى محمد أبراهيم عافهم
chandal/danchal!!:
هاهاهاها
راح أصف يمّج
و هم راح أدعي لج
بس خل أشوف ويهه
كلّه مسافر
Fahad Al Askr:
تصّدق أني ما أدري عن موضوع الوكاله
خل يرجع..و أخليه يسوي وكالة رهن عن النفس
هاهاهاهاها
تصدق راح يكون سعيد لأن راح يفتك من لبحتي
bof-10:
السؤال...ليش؟
ليش مو من حقّي أني أسوي شغلي بروحي
shahad:
اللي مو متزوجه..و أبوها متوفي..و ساكنه في بيت ورثه..و عمرها 50 سنه..لازم تنطر الأخو يسوي أوراقها؟؟
مو معقول
حسافتج:
ذكائي ما أسعفني هالمره..ما فهمت ليش
يا دهينه!!!؟
forzaq8:
أسمح لي..مو صحيح التعميم هذا
mantovani:
شكرا..ليش صار سوء النيه بالزوجه أهو اللي يمشون عليه في حال أقرار اي قانون
mellow:
والله مو موضوع أريح و لا مو أريح
الموضوع ليش يعاملون الجنس النسائي كأن ناقصين أهليه
قانونى كويتي:
أعيد سؤالي..ليش تتم معالتنا كناقصات أهليه؟؟؟؟
a7ibich yl KWT:
الظاهر التوكيل هو الحل الأمثل لحياتي
Kaadi:
أحنا ليش نرضى نصير تحت رحمتهم..مع أن الوضع ما كان جذي
abu eldestor:
ما تقصرون و يعل عمركم طويل
بس ليش نعطيكم فرصه تحملونا جميله؟
Cat:
الظاهر مؤامره..عشان يحكرونا في البيت على ما يرجع الزوج
maqhor:
ظل راجل و لا ظل حيطه
فريج سعود:
والله العظيم..حاسه أن بنصير جذي
كويــتي لايــعه كبــده:
لأن نحبكم و نخاف عليكم..فما ودنا التكدرون
و نبي نسوي شغلنا برووووحنا
mosan mosan:
ترا تجديد الجواز أبسط شي
والله في أشياء ثانيه بالحكومه
قمّه بالتخلف
nano
روحاي سواي جوازج
واكتباي بوست يديد
بشوف شتقولين عن الروايح
ماقدر اعلق
شي مضحك ومبكي بنفس الوقت
اتمنى لج اجازة نهايه اسبوع سعيده
chandal
واي ما أعرف وما أدل وين
لوووول
ظنيت إني أنا بس اللي الله باليني بهالشكولة من البنات اللي يرفعون الضغط
وإذا شيفة بعد ألعن!!! يعني حلوة ما تدل أهون على قلبي...خاصة إني من صغري عنصرية واحب الحلوين
بس شيفة قيفة وتتدلع وما تعرف شي واتسبل بعيونها
وااااااااااي
نانو
أنتِ مارة عليك هالنوعية أفتكر؟؟؟
وبالنسبة للرياييل
أحسن خل يخلون كل معاملات الدولة عن طريقهم...وأشتغلي حنّة وبس
سو لي وحط لي ..وتبطحي وشربي شاي حلبيك وإقري قصتك وبردي قلبك
الله اييبه بالسلامة يا نانو
ولادة:) مو يقولون الرسول دعا للشينة:) اشوف حظوظهم وايد احسن من المزايين ... وانا اشوف بهالزمن ماكو شينة... الله يعافي عمليات التجميل... صايرين كلهم نفس السحنة
وبالنسبة للمجهود العضلي فانا معاج قلبا و قالبا... خل يسوون من عمرهم فايدة... كافي مجهودي الذهني مع اليهال و كافي اني مجابلتهم من يصبحون لي يمسون... بعد اقعد امحت بالمصالح الحكومية!! عزت الله ما ربحت!! اجازة سعيدة لك و لنانو و للكل
:)
كله مسافر
ومسويه الشششققق هه بالبيت ابروحج
لا حنه ولا رنه ووين ذي ووين ذاك
حطى شبه و حرمل
صاجة والله ..
الحقوق الاجتماعية ما تقل عن السياسية ..
إلى الأمام دائما ..
ليش ؟ لأن ليلحين محد بطل حلجة :\ ـ ـ
حبوبة إتصدقين يحسبون الكويت ألف ومادري جم حطبة .. بس خلاص هذي الأشياء بالمجتمع لازم تتغير يعني لايقولون لي لا مايجوز ولايجوز ترا مصخت السالفة :@ السالفة مافي لا عيب ولا هم يحزنون
ومايدرون والله لو يخلون المرا بروحه تسوي شغلها والله يصير عيد الرياييل عيدين :) من صجج في وااايد نقاط في مجتمعنا يبيلها تعديل وأحسه ترجع لنقطة أزلية :\ بس وين إلي بيفهم أقصد يبفعل لأن أعتقد الكل فاهم
حبوبة سعدت في زيارة مدونتج الحلوة والراقية مثلج :)
al :)
مو أنا قلتلج إنا حنا نسوي للمرأة يا دهينة لا تنكتين؟؟؟
فا معناتة أن حنا نعامل الحريم مثل الدهينة
عشان ما تنكت ونراعيها
وبما انك أنثى فأنتي دهينة
فهمتي يا دهينة ولا بعد؟؟؟
زين ابى اعرف وين ريلج
اللى انتى متوهقة لى الدرجة هذى
احمد سالم:
أذا يت على الروايح..سهاله
ديتول وايبس
bent el deera :
شي ينرفز طال عمرج
و أجازه أسعد لج عزيزتي
ولاّدة:
بذمّتج أنتي عارفتني زين
أنا أعبر على الحنّه؟
أهوه من أول مره سؤال شنو صار على الموضوع الفلاني
ثاني مره..نزره
ثالث مره محارب
chandal/danchal!! :
الله يسلمج يا الجندل
أنا ماكو يهّال..فماكو الا أهوه آكل قلبه..مسكين
almaqwa3 alsharqy :
من غير شر..أذا سافر..ما عندي أحد أمارس عليه هواية الطّحنه على قلبه
يعني مو معقوله راح أطحن على السايق
أحمد الحيدر:
يعل عمرك طويـــــــــــل
أخيرا أحد فهمني
مشكلتي ما أعرف أعبر
بالضبط الحقوق الأجتماعيه قاعده تسلب منا
║▌M!$$ al's ║▌ s:
شكرا..بالضبط لأن محد بطل حلجه
هالجمعيات النسائيه اللي خابينا كل يوم مسوين أمسيه شاي و لا أصبوحة قهوه..لو يركزون على هالأشياء و يبتدون نشاط حقيقي و فعلي..جان أبرك لنا مليون مره
بس زاهبين حق المجلات و الجرايد و التلفزيون
يا شين حريمنا
يموتون على الترزز..و لما تيي الصجيه تلاقين و لا وحده عندها سالفه
حسافتج:
الدهينه لما شويه تزيد النار عليها أتطيش و تبتدي تلسّع
فلا تخلونا نطيش
و عقب أذا بلشنا تلسع..ترا ما ننلام
قانونى كويتي:
أنا مو متوهقه
أنا محتره..مره أشكبري..كاملة الأهليه..ما أقدر أطلع جواز حق روحي؟؟؟
و بعدين أهوه بالنرويـــــــــــــــــــج
تعال فجّج الحين
هاهاهاهاهاها
شهالدهينة العسرة
خلاص يبا يا كريمة ما تنكبين
حسافتج:
هاهاهاهاهاهاهاها
هاهاهاهاهاهاهاها
هاهاهاهاهاهاهاها
قمّة العساره
ما تشوف الريّال هج
كريــــمه..يازت لي
ياسلام ع شي جميل اجد هنا والاجمل والاروع ما وجدت هنا تسلم يمينك ع هذا الجهد الرائع والاحساس الاروع
شوفي اذا شفنا الحريم يصبون بانزين حق نفسهم ساعتها خل كل شي بيدهم
إذا شفنا المره تدش الوزارة وتصف بالدور حالها حال الرجل ذيك الساعه بنخلي كل شي بيدها
انا مو ضد ان العامل يصب البنزين للحريم ولاني ضد ان المره في الكويت تتجنب الوقوف بالدور بس علينا نتذكر ان هناك حقوق وواجبات عاد انتوت تبون كله حقوق ... خلوها شوي واجبات
Post a Comment