..
طول عمري ما أحب عيد الأضحى..لأن عيد الحجاج
.
ما أواطن منظر الذبايح..و تصير ريحة الهواء..دم
.
و حمسة كبود..فصار عندنا تقليد أنا و زوجي..كل
.
عيد أضحى نسافر..و عادة ما نروح مكان صاد..كل
.
واحد و كتابه و هدوء..و مع أني أحتاج هالسفره السنه
.
هذي وايد..الا أني راح أضحي..و أصير حالي حال
.
خرفان العيد..وراح أنتقل الى بيتي..شعور وايد غريب
.
لأول مرّه من تزوجنا..راح نعيش في بيتنا..و لازم أتحمل
.
مسئولياتي كامله كربّة منزل..و اللي يعرفني و يعرف
.
موديلي راح يدري أن مالي شغل بهالأشياء ولا عندي
.
مقاقه..شنو الغدا؟..شنو العشا؟..مشاكل الشغالين
.
و لويتهم..و الماجله..الصج شعوري
.
حدّي متدودهه
.
.
عموما عيدكم مبارك..و تقبل الله طاعتكم
.
و أرجو السموحه..لأني راح أحتجب فترة العيد
.
.
لأني ما أعرف شلون راح يكون برنامجي مع
.
لوية البيت اليديد..بس هذا مو معناته..أني ما راح
.
أسيّر على مدوناتكم و ألقّط عياديي
.
.
.
مود العيد
.
عبدالله رويشد..لمني بشوق
.
.
91 comments:
عساه بيت عامر باهله ان شاء الله
ويعطيكم خيره وقلي امين
وكل سنة وانتي طيبة
ترا انا ما اعطي عيادي
انا أخذ
مثلج
;p
بيتٍ مبروك
وعيدك مبارك
عساه منزل مبارك انشاء الله
وعيدج مبارك مقدما ;)
وهالله هالله بالعيادي ;p
أهــــــــــــا
عيدكم مبارك
و
عساه منزل مبارك انشاءالله
والسفرة ملحوقة
عيدج مبارك مقدما
و منزل مبارك ان شاء الله
:)
أودرى هيبورن كاشفة عن طلاسيمها بالصورة
معلش بس لا تحاتين وايد
الإنتقال لبيت جديد قد يكون فيه متعة
مثلا البحث عن كرتون الجواتى اليديدة.....كل الكراتين تتشابه و حطوه بالمطبخ
الخوف و الترقب قاعد يسويلج طلسوم خادع
حاجز ذهنى
لا تفكرين بعملية النقل بكل طلاسيمها
إخذى الموضوع خطوة خطوة
حطيلج أهداف محددة
و الهدف الرئيسى الأول...تناول أول وجبة بالبيت الجديد...بيتزا أو سندويتسات من كاسبر و غامبينى
على العموم منزل مبارك و وقت مناسب للإنتقال
و كل عام و طلاسيمكم بخير
لبسي اللي مبوبزه بالمطبخ
مريييووول ..من اللي شاريتهم حق نزلة البيت
الناس تتعبد في منى وعرفه
ما نقدر نعايد عليييج
انتي ما تحبين عيد الاضحى
بس تبين تلقطييين عياديه
فمالله
منزل مبارك
بس مطبخكم وايد صغير
كل عام وانتي بخير :*
انا قايل باخذ فريق الكوماندز عيالي و نمر على المدونات نلقط عيادي
من اولها بتنحاشين
عيدك مبارك خيتي انت و زوجك المصون
و عساكم تعودونه بخير و صحه و عافية
منزل مبارك
وعساج من عواده
متى حفلة الافتتاح ؟؟
منزل مبارك انشاء الله عسى الله يعطيج من خيره و يكافيج شره
هالله هالله في الذبايح بالبيت ترااااا زينه
بالحوووووووش بعد و في الكراج
ولانج هبه ريح في كل شي
اكيييد ادارتج للبيت راح تكون جدا بسيطه لج
انا بعد ابي عيادي
ترا موووحاله هذي من اشتغلنا مايعطوناااا
الحين وين سيقان أودري ووين عصاقيلج ؟ حرااااام اللي بتعمليه فينا ده لوووووول
مو إذا إنتي ما تشبهينها يبقى بنشك في ميولج لووول
" كل واحد وكتابه وهدوء "
ماكو شغل ؟ لوووووووووول
:)
ايامج سعيدة
وإنشاء الله يا رب يكةن بيت السعادة لكم
وتخقق كل امنية تمنيتوها في هذا البيت
ويكون لكم البيت سكن وسكنا للقلوب
وتفرحين فية يا رب وينولج كل اللي تبينة في هالايام المباركة
ولا تشوفين يوم حزن فية
مو بعيدة على رب العالمين
نون النساء:
عزيزتي بما أن الرجال قوامون على النساء
فالرياييل أهمه اللي يعايدونه
و أحنا معشر النساء نقبض
و أنتي طيبه
:-*
كويــتي لايــعه كبــده:
شكرا
و عساك من العايدين و الفايزين
:)))
SKY:
تهقين عقب هالمصاريف كلها فيني شدّة عيادي؟
و أيامج سعيده..مقدما
abu eldestor:
مشكور
كل شي ملحوق عليه..بس خل أعدي هالأمتحان..والله فيني عقصه مالت أيام أمتحان قبل
عثماني:
شكرا..شكرا..شكرا
:))))
Bo Jaij :
عاد أنت ركضه رحت حق طلسوم أودري؟؟!؟
المشكله أن الهدف الرئيسي الحين
.
.
.
.
ما أدري..ما أدري
أبتدي منين الحكايه
كل طلسومه و أنت بصحه و عافيه
اجار الدين كشمش:
يعني قلت بلقّط عياديه..اشدعوه شي بيصير صج؟..حتى الحجوه ماكلين قلبنا عليها..و ما راح ألبس أودري مريله..كيفها
في أمان الكريم
Shurouq:
شوشو ودّج هذا صج مطبخي؟
ودّج هذي صورتي الصجيه؟
جان والله ما أحاجيكم
أيامج سعيده..شوشو
:-*
Enter-Q8:
عاد أنحاش عن الدنيا كلها و ما أنحاش عنك
عاد كلشي و لا بوالوليد
ايامك سعيده
و عسى الله يعوده عليك و على العائله بصحه و عافيه و حب
Eng_Q8:
شكرا مهندسنا العزيز
لا تستعيل على رزقك
خل نلتقط أنفاسنا من مصاريف النزله
وعقب نسوي حفله
lawyer:
أنا قلت باسأل أذا يصير أذبح برّه و أوزعه بس ما أشوف و لا اشم..لأني من صجي ما اقدر أشم الريحه
عاد تصدقين أني هبّة ريح في كل شي الا أمور البيت..ما أتحمس لها كلش
بس عموما شكرا على الأطراء
سكتي أنا صار لي 14 سنه أشتغل و من 14 سنه هذي خبري بالعيديه..بتطلع بعيني خلاله عشان أحد يعايدني
عيدج مبارك
enjoy your new house :)
فطور في سوق المباركية:
عصاقيلج؟؟؟؟؟
من قال لك..أو قالج..أني عصاقيل
خطأ مو صحيح
:p
و بعدين ماله داعي للشكوك
أنا أودري أحبها لأن من صغري لما شفتها في فيلم سابرينا..و أهيه مثال للرُقيْ بالنسبه لي
لأ حدّه ماكو شغل
لوووووول
:)
حسافتج يا كويت:
اخوي حسافتج يا كويت
شكرا جزيلا على هالكلمات الحلوه
أحرجتني
:)))))
و خبرك أنا حياويه
Fashionista:
أيامج سعيده عزيزتي
thanx a lot
:-*
عيدج مبارك
MEAT!!!! <3
وفقكم الله وبارك لكم في بيتكم الجديد
وجعله مليئا بالذكر والإيمان وطاعة الرحمن
والله يتمم عليكِ بالخير ويبعد عنك الحسد وأهله امييييييين ياااارب
عيدكم مبارك
okhtaaaaaaaaaah cheers !
كل عام وانتي بخير
ومنزل مبارك انشالله
عساه منزل مبارك
و عيدج مبارك
ما حسيتي روحج كبرتي لما تصيرين مسؤولة عن بيت
عاد تبدي أطباع الام اللي إنعيب عليها تطلع فينا و حطوا و شيلوا و رتبوا
عساه بيت عامر عزيزتي
وجيربالج على نفسج من زلق
:)
ألف مبرووووك البيت اليديد وعساه منزل مبارك إن شاء الله
اول كنا كله نسافر في اي عيد او عطلة بس من تزوجت تغير هالبرنامج وصرت اقعد بالكويت ادور احد يطلعني او يطلع معاي سو لا تحاتين لما يتغير البرنامج يصير الوضع سخيف بس مع الأيام راح تتعودون انشالله
وبالنسبة للماجلة واللوية هذي تراها تخصصي تبيني اعلمج ماعندي مانع :)
عيدج مبارك وعساكم من العايدين والفايزين يارب :)
سوري على الإطالة
هيهيهيهيههي الله يعطيييج العافية ;)
عساه منزل مبارك وتشوفين الخير فيه ومنه
تحياتي
عساه المنزل المبارك انشالله
و الله تستاهلين هدية حق البيت
مانتوفاني
نتمنى لكم طيب الاقامه في منزلكم الجديد..
I'm sure it's a masterpiece!
عيدج وعيد المدونين مبارك
وان شاء الله السنة اليايه تروحين الحجاز
وتحجين
Neoark :
أيامج سعيده
آسفه أنا من الجيل القديم..ما فهمت ردّة فعلج على اللحم..عموما أنا كلش مو ربع مع اللحم
100 fils :
أيّامك سعيده عزيزي
آميــــــــــــــــن
أحب الدعوى لما تطلع من القلب
و أنا متأكده أن منك راح تكون طالعه من القلب
شكرا
العاصي:
العاصـــــــــــــــــــــــي!!!!!!!!!!؟
عيديتي منك
أنت بالذات
ساعه ألماس من نوع
كلاسيه دي مو ديفويه
من محلات قحافه ابن أطفق
Ghadoor :
و أنتي بصحه و سلامه غدّور
شكرا جزيلا
shahad :
ويــــــــــه
لا أتييبين طاري الكبر
والله أنج فاهمتني مضبوط
عاد الحين تعالي حق العزايم و عبالة المنيو..حق كل عزيمه غير
Mok :
عامر بوجود المدونين ربع صاحبته
;)
لا تحاتيني
Sara :
يا هلا و مسهلا
عزيزتي مدونتي مدونتج..فما له داعي للأعتذار
أخذي راحتج
عيل يبيلنا قعده مطوله على أمور الماجله و دروس مكثفه
لأني ميح
اليوم رحت أشتري شوية أغراض..لا يطوفج شكلي و أنا أستشير السايق
SKY:
والله هذا الصج
الله يعافيج
bo_sale7 :
ما تتخيل شلون أستانس لما أشوف تعليق من مدوّن قديم مثلك و شرواك
شكرا جزيلا
mantovani :
شكرا
مانتوفاني..هديتك واصله..ما تقصّر
تمنيك حقي بالخير
أحلى هديّه
Miznah:
don't be so sure dear
it's a small house
but was done with love
:)
7amee elDyar:
شكرا جزيلا
حامي عاد تصدق أن كل سنه أنوي أروح الحج..و كل سنه أتلدد
موضوع الحجاب..هذا موضوع ثاني..راح نتناقش فيه و أنا أروئ مزاج من الحين
أيامك سعيده
ايامج سعيده ياخيتي
ومبروك البيت اليديد
تدرين
يمكن ما تصدقين
رجعتيلي كل احاسيس السنة اللي طافت
نقلنا بيتنا هذا يشهر 12
كنا تونا بانينه
الله لا يوريج البرد
كنت احس عظامي برد صاروخ
عاد اخيتج مو مالت لبسي شتوي بالبيت
ما يدور عندي مو كافي مشتين صيف اشتا اجباري بملابسنا بالطلعه لوووووول
ما اوصيج دلاغات اليهال
هههههههههههههههه
زووز بدعتي بالوصيه
عسى ربي يباركلكم فيه
اكيد بيكون عامر بوجودكم
هالشهر دارت علينا سنه بالبيت بلون المانجا المطعم بالكرز
وانشاالله بتدور عليكم سنين تبدونها الحين بالعش الذهبي
In countries that separate church & state, Christmas, Hanukkah, easter .. you name it .. these occasions are honored & celebrated.
Lose your Eid & you lose who you are & what you represent. If only we would appreciate ourselves as others do.
Since yer outta the country for Eid .. Merry Christmas.
عساه منزل مبارك وعامر باصحابه
وناصية قدم زينه عليكم
ويبعد الحساد عنكم يارب
وكل عام وانتي بخير وصحه وسلامه
عساه منزل مبارك ... وعامر بأهله إنشاءالله وكل عام وأنت بخير ... لا تنسين الجيران ترا ماكو أحسن من الجار الطيب والرسول (صلعم ) وصي عليهم
:)
عيدج مبارك
ومنزل مبارك الله يعطيكم خيره ويكاقيكم شره
ومع الايام كل شيئ يصير عادي وسهل ..بس كل شيئ باوله صعب
عزيمة البيت ان شاء الله متى
ههههههه
الله يعطيج العافيه
أيامك أعياد
وبيتك سعيد..دافيء دوماً
لا أخفي سعادتي /شماتتي لانضمامك لمعشر ربات البيوت بجيش من الخدم
وأسمحي لي أن أختلف مع بنت الشامية..لا تراهني على الوقت...أعمال شاقة مؤبدة وحياتك
وبسك ربادة ..بس احنا طايح حيلنا
:*
ما رأيك أن نؤسس رابطة لربات البيوت وأول مشروع مطبخ مركزي -للشامية وكيفان- يطبخ للبيوت المشاركة..وهذا يخفف الحمل بنسبة 50% إذا مو أكثر
منزل مبارك
ZooZ ZaibG :
عسى فال بيتي مثل فال بيتج عزيزتي
و شكرا جزيلا على النصيحه بس باطبقها على روحي لأني حدي مبراد و لأن ما عندنا عيال
مشكـــــــــــــــوره
:*
الزين:
و أنتي بصحه و سلامه عزيزتي
آميـــــــــــن
مشكوره
nikon 8:
لا أن شاء الله ما أنسا جيرانا..و بعدين شكل جيرانا حليوين..فحدي متحمسه
شكرا عزيزتي
بنت الشاميه:
الله يعافيج..عزيمة البيت أن شاءالله من أستقر و أرتب أموري..و بعدين أنتي من سكان المنطقه ما تحتاجين عزيمه..أنتي تعزمين
آآآآآآآه على طاري العزيمه..أشسالفة عزيمة الغدا ثاني العيد؟
ولاّدة:
يا كرهج..خو أنتي عارفتني أذا تعسرت شنو يصير فيني..الحين قمة العساره و بعدين خل أقول لج شي،،تدرين شنو معناة تلقطين أغراضج من ٤ بيوت؟
شي في بيتي..شي في بيت أختي مخزنته..شي في بيت أبوي..غير اللي لي الحين بالمحلات
أعتقد على ما أخلص تلقط أغراضي راح أكون متنحره وباسكن بأوتيل
Mother Courage :
شكرا جزيلا
الله يجعله منزل مبارك إن شاء الله
وعيدج مبارك وكل عام وانتي بخير :)
منزل عامر باهله انشاء الله
بس مو تنسين اجتماع البلوغرز اليوم
عيدكم مبارك ..
وعساه يكون منزل مبارك إن شاء الله :)
عساه منزل مبارك
وبالتوفييج في حياتكم اليديدة :)
كل عام وأنت ومن تحب بخير
فرناس
حبيبتي نانو
انتي وغاليج
عيدكم مبارك
كل عام وانتوا بألف خير
وعساكم من عواده
:")
العزيزة نانونانو
الله يبارك لكم في منزلكم الجديد ونسأل الله أن يكون عامرا بالأفراح وأن يحفظكم وأحبابكم
عيدك مبارك
وكل عام وأنت والأهل بألف خير وصحة وعافية
مع وافر التحايا الطيبة
السلام عليكم
كل عام و انت بخير
صح لسانج هالعيد يمثل عيد حق الحجاج
اكثر من ان عيد حقنا
بس هم الواحد يفرح لهم
بصراحة وصفتي العيد بشكل اول مرة اتخيله !!
خرفان و طباخ و دم
شكلي انا بعد بسافر !
عالبركة البيت
Snow White:
مشكوره عزيزتي..تسلمين
و أنتي بصحه و سلامه
:))
EXzombie:
شكــــــــــــــــرا
والله ما كان قصدي أكشت..بس من صجي منثوله
والحين بعد عقب ما نقلت و الظاهر من العيز بلشت صخونه
مستعدة:
أيامج سعيده..و أنا بعد سعيده بمرورج علي
شكرا
حـمد:
مشكور حمد..بس شعور غريب جدا..الحلو بالموضوع أن شعور أيجابي
fernas :
العزيز فرناس..أجمعين
:)))
ZooZ ZaibG :
ما نتحرمش...طال عمرج
;)
شـقـــــران:
أهلا و سهلا
شكرا جزيلا
ولو أني عندي شرهه صغيره على موضوع التعاليقات بمدونتك..بس أنا أحترم رغبتك..و أنا على فكره معجبه أعجاب شديد بطرحك
لي الشرف أني أكون من الناس اللي تمر عليهم
و كل سنه و أنت طيب
a7mad Nabeel :
على فكره أنا شعوري بس حق عيد الأضحى..بس أنا من أشد المحبين حق عيد الفطر
بس حسافه الجو بالكويت هالحزه أينن ليش تسافر..أستمتع بهالجو
و خش فليساتك حق الصيف
العزيزة نانونانو
صبحك الله بالخير
يعلم الله يا أختي الكريمة بأن الشرف لنا في تواصلنا مع من هو في مثلكم وقدركم
وكلامك بحقنا والذي أخجلنا اشد الخجل هو شهادة أعتز بها من مدوِّنة لها تاريخها الطويل في عالم التدوين...وهو شرف لا ادعيه وإنما قول صادق من رجل لايماري
تقبلي مني خالص التحايا العطرة
عيدج مبارك
ومنزل مبارك
منزل عامر بأهله انشالله :)
كل عام وانتي بالف خير
ولو انها متأخره
لكن لازم اعايدج :)
كل عام وانتي بخير ان شاء الله
ومنزل مبارك بأذن الله
بالتوفيق
وتردين بالسلامة :)
عساه منزل مبارك و ان شاء الله اتهنون فيه
عيدج مبارك باثر رجعي
كل هذا قاعده تشتغلين بالبيت
منزل مبارك
وشغل البيت والالتزام العائلي فيج وبلياج
بمعنى خلاص انت ام البيت الحين
شدي الحيل
هي هي هي عساه بيت عامر انشالله
:)
وعيدكم مبارك متأخره
Post a Comment