طريق الشاليهات

* دعمت ضب...الأخ واقف و لا هامّته السيارات في الطريق السريع..و أنا قاعده أسوق أشوف شئ بيج من بعيد..علي بالي كرتون...لمّا تقريبا وصلت حق الكرتون أكتشفت أن ضب...شان أحاول أني لمّا أمر عليه يكون بنص السياره عشان ما أفرمه...يا حليله.... دفففففففف....حسيت بالطقه من تحت السياره..شان أطالع بالمنظره..الحبيب أنسدح و رد قعد شنّه ما صار شئ...وهم ما تحرّك من مكانه..حليو

**الظهر يوم الجمعه كان وايد حروأنا أسوق مرّيت على وانيت...المسكينه الشّغاله حاطها ورا أبهالقايله و أهوه الرجال متسمت يسوق داخل الوانيت بروحه...يعني أكو وايد مكان بالسياره...يعني الظلم أشلون صاير..تحسفت يا ليت شايفينه حقوق الأنسان

*** و أنا حادره بالليل الطريق يونس لأن نوعا ما هادي...فيه مجال عشان الواحد يستمتع بسرعة السياره...شفت من بعيد لايتات دوريتين...شان أبطأ...يعني خفت...يحليلهم لمّا مريت عليهم ألاّ الدوريتين فارشين الأرض..و حاطّين مطارة الشاي و الأستكانات...و مستمتعين بالجو و بالقعده...أنزين عليكم بالعافيه بس يوم أنكم بتريحون شذي أشخانة الفلشر اللي شابينه

وايد أحسد اللي يقدرون يعبرون عن أحاسيسهم بالكتابه...أنا ودّي أن تكون عندي هالقدره...بس لمّا أحاول أكتب...ما أقدر أعبّر..و على فكره عندي نفس المشكله لمّا أتكلم...كلّه أقول أشياء غلط....وايد يخوني التعبير...يكون ودّي اقول أشياء زينه بس ينتهي فيني الموضوع خايرته..أول كنت أتفاعل مع كل شئ و أقدر أني أعبر عن وايد أشياء...بس قبل فترة طويله نسبيا..تحجّرت مشاعري...ما أقدر أتفاعل مع شئ..و هالشئ وايد ضايقني..مو حلو هالشعور أنك ما تتفاعلين مع محيطك...بس مؤخرا بديت أتفاعل مع وايد مدوّنات...و بدا يرجع لي أحساسي اللي تحجر...و الحين ودّي أني أعبر بس ماني عارفه شلون

أحبـــــــــــه و أموت علــــــــــيه.......بـــــــــــــــــــس ينرفزنـــــــــــــي

متى تقدرون تقولون هالمرأه قويه و لاّ ضعيفه...و أنا هني ما أقصد سعلوّه و لا دودهو...لو سمحتو يا معشر الرجال تصيرون موضوعيين في طرحكم

;-)

يوم 7/4/2005 كان يوم خميس...يوم جمعتنا الأسبوعيه أنا و يا البنات..وصلتني مسج مكتوب فيها تلفزيون الكويت...شان نحول القناة..الاّ تكريم شادي الخليج...يا جماعه...أحنا سمعنا سدرة العشاق... غيّبنا...الأغنية تجنن..كلمات د.مبارك الحديبي و ألحان غنام الديكان..الأغنيه على الرغم من قدمها الا أنها ما فقدت حلاوتها..و مقطع...قـــــاعد و أنا أتريى... كل لحظه و شويا....أدري حبيب الروح ناوي على الجيا...بساطة الكلمات و جمال اللحن أتخليك ما تنساها...و بعدين لما أبدع عبدالله رويشد في لي خليل حسين....استانسنا وهم اندمجنا....و الصج كانت خوش سهره...الخميس اللي فات رحت بيت أختي الاّ أهيه مسجله حفل التكريم..شــــــــان أحط الحفله و أرد أشوفها و أندمج فيها من أول و جديد...الله يخليكم اللي يقدر يقول لي وين أحصّل هالأغنيتين خل يقول لي....شكرا

أنا اليوم راح أطرح موضوع مو قصدي فيه أنتهاك حريات الاخريات....بس يا جماعه صرنا محتاجين

FASHION POLICE

الله يهداهم البنات صاروا مزعجين و يسببون تلوث بصري من كثر العفيسه اللي لابسينها...ما يبقى لون مو لابسينه..و الوجه ما ينشاف من طبقات المكياج..و الحدايد اللي متشكشكين فيهم...أدري الناس أذواق و أنا أحترم كل الأذواق..بس مؤخرا...صايرين بزوده..و كلشي كوم و تطلع البطن و السر بكوم..يا جماعه اللي بطنها حلو عليها بألف و ستمية عافيه خل أتطلعه..بس الكرش أسود و السر محوح و مصرين يطلعونه..ترا بطن الأجنبيات غير...البطن يالله من فضلك لاصق بالظهر..و أبيض..و بعدين لمّا تلبسون شئ حق الظهر لازم يكون غير عن الليل....يا حافظ ما كو تفريق بين لبس النهاري و اللبس حق بالليل..لبس حق مطعم و لا لبس حق عرس

محكّه

جريدة القبس اليوم الأثنين 11/04/05

المبارك لاجتماع البلديه

المقصود رأس شرار و بو عيد و المخالفات في الزراعه أكثر

أنا أبي أعرف شئ واحد محمد عبدالله مبارك قبل لا يجتمع مع من أجتمع فيه في البلديه ما قرا القبس...يعني ما أعتقد أن ديوان المحاسبه راح يتبلى على النابغه وزير الدوله محمد شرار...ولاّ أشرايكم مو شئ يبط الكبد من الصبح.......محكّه

الثلاجه

من الأشياء اللي تمللني..لمّا أفتح الثلاجه و ألاقيها فايضه من الأغراض..مو معقول قدرة الكويتيين على ترسة الثلاجه..كأنهم داخلين تحدي مع الجمعيات..مهما كبر حجم الثلاجه..يترسونها..ليش؟؟ ماني عارفه..بالنسبه لي الثلاجه دليل على مدى تحضر أصحاب البيت..أنا ذاك اليوم رايحه بيت أبوي و ما أدري شنو أبي من الثلاجه..فتحتها أبتهرت من الأغراض..هونت ما خذيت منها شئ..الأسبوع اللي فات رايحه مع أصدقائنا الشاليه هم فتحت الثلاجه..لقيت مركز سلطان كلّه فيها..و أنا ثلاجتي مافيها غير 3 أنواع جبنه من ضمنهم جبنه بيضاء طبعا.. و حليب خالي الدسم...و نوعين خس حق السلطه..وروبة فواكه..و فواكه...و لحوم بارده..وبس..و أيدامنا يوم بيوم نشتريه...ليش العفيسه ما أدري

اليوم شنو الجو؟؟؟

لا هو غبار على وجه..لا هو مطر...كوس..تدخل الدوام ودك تلوص وجهك بصابون من الغبار و الدبق

منو يعتقد أن مجلس الأمه راح ينحل.....وليش؟

وعلّل الأجابه

رحلتي للرياض

الأربعاء: وصلنا مطار الرياض..صديقتنا أستقبلتنا و وصلتنا الفندق الفور سيزن..طبعا الجو هناك وايد أحر من هني..وصلنا الفندق..و قعدنا نسنع أغراضنا و بعدين يونا البنات..رحنا تعشينا في مطعم أيطالي أسمه سبازيو..طبعا المطعم ما يعطيك أحساس أنك بالرياض..بالدور 77 من مجمع المملكه..الأجنبيات قاعدين من غير العبي و اللفات و شفت كذا وحده لابسه حفر..طبعا أبتهرت لأن أنا خبري بالرياض في الغزو..والله استانسنا مع البنات في المطعم

الخميس: قمت الصبح..طبعا أنا فزّاعه..طلبت الريوق و قعدت أشوف فيلم على ما يقومون اللي رايحين معاي..بدلت..ونزلت مجمع المملكه..عندهم طابق كامل للنساء فقط..البنات نزلولي و رحنا تغدينا في مطعم صغير في المجمع..و الله مملوح..و بعدين بدت التجهيزات حق العرس..يتنا مالت الشعر و بعدين مالت المكياج..على الساعه 8 صرنا زاهبين..بس ها العرس يبدي الساعه 12..بيني و بينكم تمرمرت..بموت من العيز..ما أدري شلون طار الوقت..و رحنا العرس..العرس كان خيال..والعروس من أجمل العرايس اللي شفتهم في حياتي..أنا طلعت من العرس الساعه 6 و هذا عندهم مبكر

الجمعه: قعدت من النوم لاني حوضي و لا ني روضي...يعني مالي موديل..راسي كأنه بيضه ماريه..ما سوينا شئ طول اليوم..لي العزيمه..اللي أهيه حفلة العرس اللي يسوونها أهل المعرس..يسمونها تحوال..أستانست في هالحفله لأن طول اليوم كنت مريحه

السبت: كان يوم التسوق...خبّوني سوق الرياض و سوق الرياض ما شفت شئ يسوى..هارفي نيكلز وايد حلو..و بعدين رحنا تغدينا...طبعا على هالهيله..طبيعي يعفر فيني راسي..صداع نصفي..و يصكني راسي صكّه..اللي اندعست بالفراش و مستعسره..بس أنطر يصير الصبح وارجع الكويت

الأحد: رجعت الكويت

:-)

رورو

لازم أسولف لكم عن صديقي رورو...رورو من أصدقاء الطفوله...كان يتميز بالشطانـــــــــــــــــــــه كنّا نخاف منّه...و بعدين كبرنا..و أهوه راح أمريكا يدرس.. و كل واحد راح في طريجه...ليش ما تدور الأيام..و نشتغل أنا ويّاه في نفس المكان..و نفس الأداره...عنده قدره أن يثير دهشتي بطرافاته..و مغامراته..و ما شاءالله عنده اقبال على الدنيا و يستطيع أن يخلي المكان كلّه مفعم بالحياة...شخصيه جدا محبوبه..عاد صار لي فتره ما أدري عنّه..اليوم دقيت عليه..أول ما سمعت صوته صرخت رورو...ما تتخيلون مكالمتنا ما طولت أكثر من عشر دقايق..بس عطتني طاقه ايجابيه بطريقه مو طبيعيه..لمّا أكلمه أستــــــــــــانس.ببساطه رورو..يظل رورو

أول مره..أرد و أنا في الطياره أغني أنا رديت لعيونك... أنا رديت....واااااااااااي...أنتكيــــــــت تكّه....مساكين البنات هناك ما قصروا...طاروا فينا طيره..والعرس كان خيالي..بس يتني فتره ياني أحساس ما أقدر أتنفس...كان شعوري لما وصلت الكويت

Home sweet Home

يا جماعه راح أحرمكم من طلتي البهيّه هالأسبوع..راح أسافرو أنشاءالله لمّا ارجع راح أقولكم عن مغامرتي في الريــــــــــــــــــــــــــــــــــــــــــاض...

الخلطه السريّه

يا جماعه أنا طايحه بخلطه مو سريّه وايد...بس خلطه عجيبه..رهش و خبز أيراني..أنا أول ما كنت زود مع الرهش..بس هالشتويه يانا برد قوي..و تعرفت زياده بالرهشه..و الله لو أجدعها طباخ في أوربا يطيح عليها..راح تضرب معاه ضربه..الخلطه بين حلاة الرهش و الخبز الأيراني الحارالطازج..ما صار..كنت أحرص كل يوم أحد عقب العشاء بيت جدتي..أخلي مكان حق الرهش..بس حسافه أمس كان آخر يوم في البراد و يخلص موسم الرهش و الخبز الأيراني..بس يا جماعه اللي ما جرّب لا زم يجرب هالخلطه

ناصر 56

أمس توفى الممثل القدير أحمد زكي..الله يرحمه..وكنت حزينه لفقدان ممثل قدير مثله..بس اليوم لمّا قريت أن توفى بنفس تاريخ وفاة عبدالحليم حافظ...ما قدرت أمسك نفسي من البكي...وايد حز في نفسي..لأن أثنيناتهم وايد أحبهم...منو ينسى أدائه الرائع في ناصر 56..أنا لي الحين بس أسمع الموسيقى التصويريه أبكي...جسّد الشخصيه بكل صعوبتها و أنا أعتقد أن تفوق على نفسه فيها...تذكرون مسلسل الأيام..لمّا مثّل شخصية طه حسين...أبدع

في توافق غريب بين حياة عبدالحليم و أحمد نفس الحزن..نفس اليتم...ببساطه فنانين...و أنا أموت فيهم..و اليوم وايد حزينه

أمس قاعده أسولف مع صاحبتي...و مستنّه عليها بالسوالف..و أقولها...حدّي متليشه..من كثر ما أنا متليشه دخلت القوري..و شان يزيد الطين بالله..و انلشم لشمه خلتني أنا قز بمكاني..و أنا قاعده أكلمها عينها أتبقق زياده..شان تقول لي أنتي شنو قاعده تقولين؟؟ ما فهمت و لا شئ من اللي قلتيه..رديت عليها شنو اللي ما فهمتيه؟؟؟ متليشه يعني عيزانه..دخلت بالقوري يعني أستعسرت..لشمه معناتها صبع ريلي ضرب بالعتبه...شنو الصعوبه؟؟

بس أعتقد كان المفروض أقولها

I was too tired.. that's why i was in a bad mood..then to make it worse my toe got hitt with the step..

GOT IT DARLING..

أنا وايد مستغربه من اللي صاير الحين... لمّا أسولف باللهجه الكويتيه وايد ناس ما يفهموني..في أنقراض للهجه الكويتيه و هذا يضيق الخلق..لأني أموت على لهجتنا

صباح الخير...اليوم بسولف لكم عن موقف صار لي أمس..قاعده الصبح بالحديقه..سمعت منبّه المسج يرن..فتحت المسج....ولاّ رساله قصيره من صديقه مقربه...قاعده تحش فيني..و دازتها بالغلط حقي...أمممممممممممم..قعدت أفكر..شسوّي..شسوّي..شسوّي..أنا في أوضاعي العاديه أعفر فيها عفره..بس أمس راسي وايد يعورني و ماكله كمية مهدئات تنوم بعير..فنازل علي هدوء مو طبيعي..اللي سويته..أني رديت عليها بمسج.. قلت لها ترا أنتي دازّه مسج بالغلط حقي..عقب 5 دقايق ردت بمسج ثاني.. تحاول تعتذر و تبرر اللي سوته..رديت لها بابتسامه:-)...أنا وايد مستانسه لأني قدرت أتحكم بردّة فعلي لأول مره في حياتي..و المسج و صلتها من غير ما أقول شئ.....صح؟

ديرتكم

أدري أن موضوع اليوم وايد منكم ما راح تتفقون معاي..بس أنا هذه وجهة نظري و أنتوا كيفكم..الحين وايد قاعده أسمع كلمة ديرتكم..و المشكلة أن اللي قاعدين يقولونها الشباب و الشابات اللي راحوا يدرسون برّه..و رجعوا شايفين نفسهم على الكويت..لعن الله خيركم..طول عمركم عايشين في الكويت و ماكلين و شاربين من خيرها و الحين لمّا صار دوركم في رد الجميل تنكرتوا لها..أنا ما أشوف الكويت جنّه بل بالعكس فيها وايد منغصات..بس الفخر هني شلون نتغلب على هالمنغصات..شلون نوقف بوجه قوى التخلف..قوى التخلف وايد منظمين و عندهم هدف أساسي..تعويض اللي فاتهم من فترة التثمينات و فترة الطفره النفطيه في السبعينات..بكل طريقه ممكنه..شرعيه و غير شرعيه..فأحنا ليش نسهل لهم الطريق؟ ونتنعّز و بس نراقبهم و نتحسّف على روحنا..لازم نتغلب على الروح الأنهزاميه اللي تملكتنا..و نحاول..على الأقل نحاول

طاير من الفرحه طاير

اليوم عقب ما سكّر السوق..و أنا اهني أقصد سوق الكويت للأوراق الماليه..و صار وقت أعداد الأعمال المكتبيه للتداول اللي تم..أكره جزء من اليوم..المهم و أنا قاعده أستعد حق هالجزء الممل..رن تليفوني و أشوف أسم زيدون..ها بو الزي أشعندك؟؟ شـــــــــان يزف لي بشرى..أسمك طلع بالمحضر..جاوبته أي محضر؟؟..قال لي دخلي ساحة الصفاة وراح تعرفين..

http://kuwaitjunior.blogspot.com/

المهم دخلت...هـــــــــــــــــــــــــــــــــا(المقصود هني شهقه) بو راكان يقرا مدونتي!!!!!ما أقدر أوصف لكم السعاده اللي أنا فيها..بالضبط..بالضبط شعوري الحين طاير من الفرحه طاير..لأن ما أقدر أوصف شلون أنا معجبه بو راكان و أيام الجامعه كذا مرّه أشوفه بس ما أجرؤ أني أكلمه.

ألي أبي و أمّي مع التحيه

أمس كان يوم الأسره..بس أحلى شئ في الموضوع كان أذاعة 103.7 طول اليوم كانت تذيع أغنية الى أبي و أمّي مع التحيه..تذكرون هالمسلسل..ما أعتقد في طفل أو طفله..مراهق أو مراهقه ما تابعوه..والغريب أني أمس من سمعت أغنية المقدمه قمت أغني معاها..ما نسيت الكلمات..وكلمات المقدمه على بساطتها حلوه..يا أبونا و أمّنا يا سند بيت الهنا..أحنا ما ننسى فضلكم

أول شئ فكرت فيه كان أني أتصل على أختي و هذا اللي سويته..قلت لها ليش ما تشترين حلقات الى أبي و أمّي مع التحيه عشان بنتها تشوفه منها المسلسل يقوي لغتها لأنها تعودت و للأسف ما تشوف ألا كرتون للأطفال بالأنجليزي و بنفس الوقت مسلسل يونّس..وكلنا راسخ في ذاكرتنا هالمسلسل..مو صح؟

الدنيا ربيع

بناء على أستفسار من العزيزه جويره عن مزاجي اليوم..أحب أقولكم من الصبح و أنا أسمع الدنيا ربيع..والجو بديع.. أقفلّي على كل الماضيع..أقفل..أقفل..أقفل...سعاد حسني..أموت على سعاد حسني..أعتقد السينما المصريه ما راح تقدر تطلع ممثله شامله مثل سعاد حسني..ممثله ممتازه..صوتها حلو..خفة دمها..طلّتها اللي جامعه بين الجمال و الملح..سعاد حسني غير

الجدر المقلوب

يا جماعة أنا بس و لاّ حتى أنتو لاحظتوا تسريحة الجدر المقلوب اللي هابين فيها الشباب..كل ما أروح مجمع و لاّ سوق أشوفهم..أنا ودي أعرف من قص عليهم و قالهم هالتسريحه حلوه..و بعدين ماشاءالله شعورهم كثيره..خلف الله على شباب جيلنا أغلبيتهم صلّعوا الحين..آخر واحد شفته اليوم الصبح و أنا بالطريق حق الدوام..شلون له خلق يوقف شعره شذي من الصبح؟؟..وايد معجبيني هالشباب

ظبي اليمن

اليوم مزاجي فوق النخل.. ما أدري ليش!!..ما أدري من الجو.. ولاّ يمكن وايد شبعانه نوم..و لاّ عايشة حالة حب..ما أدري..المهم مزاجي ياي على أبوبكر سالم..و خاصة ظبي اليمن..أوووه..من الصبح أنا قاعده أسمعها..و المشكله كل ما حاولت أوطي على الصوت أحتراما لمشاعر اللي معاي بالمكتب ..يصرخون الشباب لأ..لأ..عليّ..عليّّ ..والمقطع اللي أمسكـت اللي سلطنّه عليه.. يعجبني الكبرياء و الذّل في المحبوب..والشيطنه في البراء و الوعد و الموعود...وااااو مزاج عجيب

;-)

أشرايكم بمحمود المليجي؟؟

أنا أعتقد محّد مثل و جسّد شخصية الزغل مثله

زائد أن دمّه شربات..أنتو أشرايكم فيه

HAPPY BIRTHDAY MOSAN

سؤال بسيط..لي يتكم الغيمه السوده شتقولون؟؟

To.......

http://songs.6arab.com/fadhel-shaker_gowaya.ram

It might cheer YOU up eshwayya

I'll always be there for YOU

Smile...

You have the most beautiful smile
;-)))

يا الله صباح خير

الجو اينن..و الواحد غاصب روحه عشان يروح الدوام..طبعا غير الزحمه اللي تطلع الروح و ما توصل الدوام الاّ و أنت مفوّر..أنا بس أبي أعرف موظفين الحكومه دواماتهم تبدي الساعه 7.30 ليش الشوارع زحمه ما يداومون حضرتهم..بس هذا كلّه يهون الحين ما بغيت أوصل بس بقالي لفّه صغيره الاّ الشرطي بسلامة عمره و بكل نفس خايسه يحول الطريق..أييييي ليش؟؟..ماكو سبب..عسّرني..

يعل عمرك طويل

اليوم و صلتني نقصه من زيدون..و الله ما قصر متنقصلي تي شيرت أنا و موسان ما تتخيلون شلون فرحنا فيها..والصوره اللي على التي شيرت هذي

http://zaydoun.blogspot.com/2005/02/blogger-horror.html#comments

Thank U Bu Zee

المصير

أنا من عشاق أفلام المخرج يوسف شاهين..بكل بساطه أموت على أفلامه..بس للأسف فيلمه الأخير أسكندريه..نيويورك ما شفته لي الحين..

فيلم المصير من الأفلام المميزه.. وايد يذكرني بوضعنا الحالي في الكويت..شلون قوى الظلام حاربت أبن رشد..ما راحأقدر أشرح وايد لأني ما راح أعطي الفيلم حقه يا ريت أتشوفونه لأن يسوى..بس حبيت أهديكم هالأغنيه

علّي صوتك..علّي صوتك بالغنا

لسّه الأغاني ممكنه..ممكنه

و لا في يوم راح ننهزم..لازم نكون نجم ساطع بالسما

و لا أنهزام

و لا أنكسار

و لا خوف

و لا حزن

ساكن في الخلا

أنشاءالله قدرت أوصل لكم شنو أبي أقول

كتالوج حيتان

معاي زميل في المكتب..وايد دمّه شربات.. و كلّه يطلع طلعات..مواليد أوائل الثمانينات..بس عنده طموح أن يصير بليونير خلال سنتين..المهم ياني اليوم..شان يقول لي: تبين حوت!!! طبعا أنا مت من الضحك..هو.. اشطرا عليك؟؟ قال لي أن صاحبه مكلمه أمس وقل له عندي بضاعه..حيتان..

الحوت اللي فيه خط أبيض ب 1000د.ك

و الحوت الساده ب 750 د.ك

طبعا ما أدري مدا جدية السالفه..بس أذا صج..الكويتيين أنهبلوا..و لاّ أشرايكم؟

such a small world

أمس كان عندي باربيكيو في البيت..وكنا قاعدين نسولف عن موضوع معين..شان تقول وحده من الموجودين أيييي أنا وحده صاحبتي كيت..و كيت..وكيت..شان نتطالع أنا و زيدون..شان أسألها و هذي منو صاحبتك؟ طبعا ردة الفعل الأوليه مو شغلكم..بس قلنا لها لأ وايد مهم نعرف..لأنها بلوجر..طلع أن هذي البنت البلوجر أبوها تربطه علاقه قويه بأبوي..طبعا أنا و زيدون لما عرفناها ما أستغربنا من طرحها..والنعم و ألف نعم.....طبعا و النعم فيكم كلكم..بس أنا وايد سعيده لأني من صجي أحب طرح هالبلوغر

:-)

Why?

some time i sit to myself and think why do people behave in such way?

they are too greedy..
they are full of hate..
they are full of sorrow..
they are sad..
they are mean..

Where is the LOVE?

قضت

اصباحكم الخير..أشلونكم..الحمدالله الأجازه قضت على ما سهّل الله..تصدقون مرت من غير ما أحس فيها..و حتى الليله اللي ما كان عندنا فيها شئ..تجمعنا أنا ويا البنات..لا و سهرنا ..ونطرح موضوع وايد

At 16مهم..كيفيه تربية الأبناء..طبعا اللي فتح الموضوع كان مدونة جويره

غالبيتنا عندهم بنات..و دائما الخوف على البنت أكثر من الولد..هذا مو معناته أن طريقة التربيه تختلف و لا نوعيه الضوابط ..لأ كلش..بس عادة الأم تخاف على البنت أكثر..فنرجع حق موضوعنا..اشلون نقدر نراقب العيال من غير ما نحسسهم أن في عدم ثقة فيهم..طبعا وحده قالت نغرس فيهم التربيه الدينيه (طبعا ما أقدر أوصف لكم الصيحه اللي صارت علي هالنقطه) و بهالطريقه أهمه راح يراقبون نفسهم..وحده ثانيه قالت صداقة عيالي.. وكل من اييب من راسه صوت..شان تقول لي وحده ..نانو سألي أصدقائك البلوغرز شلون نقدر نراقب عيالنا من غير ما نهز ثقتهم بنفسهم؟؟

يهمن أسمع جوابكم

سعد الحريري

صباح الخير..أنا أ دري الموضوع اليوم مو وايد مهم حق فئه كبيره منكم..بس يا جماعه من طلع سعد الحريري بالتلفزيون..و الحرمّه مالهم سالفه ألا سعد..وايد وسيم..تنطبق عليه كل المواصفات الجماليه للرجل الشرقي..أدري بتقولون نقاصة عقل و لاّ نقاصة أي شئ تبون..بس سعد وسيم..المهم أنا على بالي أن بس البنات اللي بفئتنا السنيه معجبات فيه..طلع..لأ..الكويتيات كلهم منثولين فيه..الكبار و النصوف و اللي مالهم أسم اللي منطقتنا اللي لا هم كبار و لا هم صغار..أمس وصلتني مسج من وحده كبيره نوعا ما وايد عجبتني..تقول المسج

زوجة ضيعت زوجها

و بلغت الشرطه

قالوا لها: عطينا مواصفاته

قالت: شاب حلو طويل له شنب و سكسوكه

شان يتليقف ولدها: لا يمه

قالت له: أص خلهم يعطونا سعد الحريري

أبي أسافر

أبي أسافر..راح أموت عشان أسافر..آخر مره ركبت الطياره رحت العمره..لا و برمضان بعد..يعني كلش ما تنحسب سفرة وناسه..زوجي وايد مشغول..و البنات صديقاتي مو راضيه تضبط سفرتنا مع بعض..و لما زوجي فرغ نفسه شويه عشان نسافر مع أصدقائنا المشتركين و نروح لبنان..صار اللي صار..فكنسلنا..أنا أبي أغير..أبي أطخ..وايد عيزانه..السنه الشغل أمتص كل طاقتي..ما أدري شنو الحل

:-(

Jelly Belly

عظم الله أجرك..احنا كلنا راح نكون معاك نساعدك انك اتخطين هالوقت الصعب..حطي بالك على نفسك

سؤال بسيط..الجو اليوم مال شنو؟

inspired by CrappyNappy

كملت

صباح الخير..أشلونكم..اليوم من بدايته مو عاجبني..أول شئ اليوم عيد الحب و ما عندي أحد أحتفل معاه فيه لأن ببساطه زوجي سافر اليوم..يحليله وايد حليو..مو هذا الموضوع فيه مشكله بالكويتيات..ما أدري ليش ما يصفون النيه..كلشي يكبرونه و يخلونه قصه..يموتون على التشره و ينسون كل شئ بس.. على شئ سخيف يوقفون بالبلعوم..أنتي فعلتك من تركتك..كل واحد عنده ظروف..أنا ما راح أخلي حياتي كلها على الرف أنطر أشاره منك..المهم كلمت صاحبتي المقربه وايد مني وقلت لها السالفه كلها ..شان تقول لي حقريها عيل يعني أكثر من اللي سويتيه كيفها..بس أنا داخلي شعور مضايقني..ما أحب أن يكون في أحد شايل على خاطره مني....واااااااااااااااااااااااي باطه كبدي..لا تقولون لي دقي عليها لأني دقيت واحقرتني..ما أدري شنو أسوي

تبغى الصدق

أول أمس سمعت بالصدفه أغنية نوال.. تبغى الصدق..وايد عجبتني و عجبني نبرة الحب و الحزن في

الأغنيه

Sheba

Hi ladies Sheba has a very intresting question at her blog:

http://plushness.blogspot.com/2005/02/ouch.html

ودي أسمع اجاباتكم

Cheers

الحريم الكبار

على طاري العروس في مدونات البلوغرز اللآخرين..أنا عندي ملاحظه..حرص الحريم الكبار في السن العيايز

على الحضور..الصج أنهم الخير و البركه والماضي لا ما نتركه..بس الله يهداهم ضيج و عيج..أنا ما أدري شلون فيهم حيل يقعدون لي نصايف لليول ابهالصيحه و اللويه..المهم أمس وحده من البنات صديقاتي قالت لنا هالسالفه فتنغصت لكم أياها..اهيه صاحبتي متعافيه حبتين و شويه..المهم تقول في عرس من العروس..لما كانت تروح عروس..قامت ترقص..و في الميد مكان الزوليه منشفسه..تقول ما وعيت الا و أنا متكوده بحضن و حده من هالعيايز اللي متسمتين على القنفات..تقول شان أسمع العيوز تصارخ...ويي..ويي..ويي..اركبي عما بعينش..تقول أنا من الفشله أبي أقوم ماني قادره شان أقولها سوري..سوري خالتي.. و أحاول أهمز لها أركبها و أقوم..عاد أهيه تكمل تقول لي الحين ما أدري شنو مصير هالعيوز ما أدري راحت ألمانيا تتعالج و لاّ صليبيخات..ما أدري

المجنونه

أنا ما قلت لكم عن تجربتي مع وحده مختله عقليا..في بداية مشوار العمل أشتغلت في بنك ..المهم صار تعييني في فرع منطقه مشهوره بالمينن..و كنت مسئوله عن القروض ..في يوم من الأيام و الفرع كان حده زحمه تفاجئت بزملائي الموظفين كلهم يتركون الكاونتر و يخلوني بوجه المدفع..يتني وحده محجبه ماسكه كيس الجمعيه..شان تقولي سحبيني فلوس..أنا بمنتهى البراءه شان أقولها: أنا ما عندي كاش..ما وعيت الا وهي سايقنتي بتفله!!..و تقول لي: ألعن أبوك قلت لك عطيني فلوس..ما أوصف لكم الضحك اللي نزل علي ..اهوه ما يضحك لأن وحده شذي ممكن تطقني.. بس هالموقف كان من المواقف اللي عمري ما أنساها

الصفنه

وحده من صديقاتي المقربات جدا فيها مشكله...مشكلتها الصفنه..يعني تسرح..لو مهما كان أهمية الموضوع و لو مهما كان النقاش حامي تلاقيها صفنت.. مو معناتها أن أهيه مو مهتمه بالموضوع أو قلة احترام..بس تعودنا عليها شذي أكون قاعده أسولف و مستنه أشوف عيونها أعرف أن أهيه مو معاي.. و المشكله معاها مو اذا احنا قاعدين متجمعين المشكله اذا الواحد قاعد يكلمها بالتليفون..حلني..بس مو هذي المشكله..المشكله أن من عاب أبتلى..صايره أنا من أروح حق تجمع و ما عجبني الموضوع أسرح ...و المشكله تلاقيني أسأل سؤال و بعدين أسرح..آخر مره حسيت باحراج كنت قاعده أزور وحده بالمستشفى و من سوء حظي قعدت يم وحده قراقه.. و أنا أطفر من الكلام الوايد.. أنا عادتي أجاوب على قد السؤال.. ما أدري ليش تليقفت و سألتها سؤال...الصج يتني دوره و كبدي قامت تقلب من القرقه .. فسرحت أو صفنت و فجأه انتبهت أن الكل قاعد يطالعني.. عرفت أن أهيه قاعد تسند علي...الله يا الفشله وايد كنت محرجه

Killing Me Softly

This song means a lot to me..it has lots of nice memories to me..today i heared it by chance..i found out myself smiling...so i want to dedicate it for all of U...

Struming my pain with his fingers
Singing my life with his words
killing me softy with his song
killing me softly with his song
telling my whole life
with his words
killing me softly with his song

I don't want to go back

أمس كنت قاعده أتعشى في مطعم...و كنا مجموعه من النساء و الرجال..بس أنا زوجي ما كان معاي..فمرت علينا وحده نعرفها و سلمت علينا كلنا..و بعدين التفتت علي و سألتني: وينو زوجك؟

فجاوبتها: في البيت

شان تسألني: في بيتك و لا بيت أهله؟

طبعا سرعة بديهتها ضحكتني..شان تستدرك و تقولي: أنا قلت لزوجي أذا بدك تطلقني أنا بقعد في البيت و أنت اللي تطلع..أنا مابدي أرجع بيت أهلي

هني جاوبناها كلنا..محد يبي يرجع بيت أهله

ترا هذي مشكلة غالبية الشباب و الشابات في مجتمع محافظ مثل مجتمعنا...يعني غير مقبول اجتماعيا أن الشاب أو الشابه يستقلون في بيوت خاصه لهم مع أن أنا ما أشوف أي مشكله اذا كان الشخص محترم نفسه..بس لأ منكريكون عنده شقة حق الأشياء البطاله مو مشكله بس المهم جدام الناس ساكن في البيت مع أهله..تناقض رهيب..وايد حريم ساكتين عن ضيم رياييلهم بسب أن أهمه ما يبون يردون بيوت أهلهم..و كل واحده لديها أسبابها الخاصه..و الشباب تلاقيهم نفس الشئ متمللين من تحكم أبهاتهم فيهم و أنا الصج كلش ما ألومهم.. يعني أعتقد أن الشخص لما يوصل الى سن معين راح يكون قادر على التمييزو ما يبي أحد يتدخل في حياته بكل صغيره و كبيره مو صح؟

Message

يوم الخميس و صلتني رساله قصيره دمها وايد خفيف..فحبيت أشارك معشر البلوغر الأناث فيها

علاج الأحباط

قعدي بالصاله

و لبسي دراعه خضرا و مشجره بأصفر

و مرخي شعرك بسدر

و لفي راسك بكيس جمعيه

و دهني أركبك بفازلين الأصلي

ثم شربي كوب دارسين

و أبتسمي

أنا مقطعين وايد عجبوني..لبسي دراعه( قمة ضيقة الخلق)...صايره ما أواطن الدراعه..ما أدري ليش أذا مو رمضان ما أحبها وايد تذكرني بالغزو...ما أدري شنو العلاقه بس أذكر الغزو...و المقطع الثاني مرخي شعرك بسدر..و هالنقطه عشان تصير واقعيه أكثر دهني شعرك بدهن حل و عقب غسليه بشامبو سدر من الحواي

I miss U

I'm crying everyone's tears
I have already paid for all my future sins
There's nothing anyone
Can say to take this away
It's just another day and nothing's any good

Sade

فشله

دقيت اليوم على زوجي...مابي شئ عندي شكوى سخيفه...المهم دقيت على خطه المباشر...ردت علي السكرتيره...ما قال لي أن وظف سكرتيره!!!طبعا ما عجبني الموضوع...بس مسكينه السكرتيره صارت الصكه فيها...والله العظيم أني وايد حليوه مع الصغار قبل الكبارالصغار( أهني أعني صغار الموظفين) ...كلمتها بتعالي زايد عن اللزوم لي الحين مستغربه من نفسي..أحس أن ودي أدق عليها واعتذر منها ..وايد فشلت من روحي..أهيه مو ذنبها أن زوجي ما قال لي..وهم مو ذنبها أن أنا سعلوه..فشله

النسره

اليوم الأخ العزيز بو غازي ذكرني بصديقتي النسره...طبعا أهيه حامل..وأهيه فوق 35..فما أقدر أوصف لكم جمالها و دلالها..فأنا أمس أعلنت حق البنات أن راح أصورها و راح أكبر الصوره و نعلقها كمثال حي للي تحمل فوق ال35

المهم أمس..كانت ضايقه خلوقنا على صديقتنااللي بالمستشفى.. و التفكير بالموضوع كان شغلنا الشاغل...فشئ طبيعي أن محسوبتكم تنسى نفسها و تبتدي تفقد التركيز..و ردت ريما لعادتها القديمه...و بديت أعيد الكلام و راهم..و حياتكم صرخه واحده منها(النسره) كانت تكفي أنها تردني لوعيي...هالصرخه كانت كافيه لكسر حالة الوجوم اللي أحنا فيها...وردت المياه الى مجاريها وبدأ فاصل القشمره و الضحك مره ثانيه في الشلّه

الدنيا ما تسوى

عندي صديقه وايد عزيزه..وايد أحبها.. أحنا شلة البنات وايد نحبها.. و كانت وايد قريبه منا كلنا..صارت ظروف أبتعدت اهيه عنا بس شعورنا تجاها ما تغير لي الحين نحبها...اليوم من الصبح دقوا علي و قالوا لي أنها في المستشفى..من عرفت و أنا مو مصدقه أن كان ممكن يصير فيها شئ و أحنا مومعاهاوايد بكيت وايد تضايقت ابي اروح لها بس قاعده أنطر أخلص شغلي اللي مو راضي يخلص ...أشلون؟ليش؟أهيه صغيره...أستغفر الله بس أهيه ما تستاهل.. بس الحمدالله على كل حال..الله يقومها بالسلامه أنشاءالله

THE WAY YOU LOOK TONIGHT

This song is dedicated to .......
welcome back
;-)

Someday when I'm awfully low
When the world is coldI will feel a glow
Just thinking of you
And the way you look tonight
O but you're lovely
With your smile so warm
And your cheeks so soft
There is nothing for me to love you
Just the way you look tonight

Tony Bennet

حدي معصبه..حدي حمقانه..ودي بس أروح البيت.. و أدخل غرفة النوم.. و أقفل الباب علي.. مابي أشوف ولاّ أحد

يا ماشي

اليوم قعدت من النوم و أنا أدندن أغنية عبدالله رويشد..يا ماشي درب الزلق لا تآمن الطيحه..حب يرفعك سما و حب يقطك قاع..مع أن أنا مو هذا ذوقي بالأغاني بس "حب يقطك قاع" بديت أفهمها ..لأن تأثير الشخص اللي تحبه على مسار حياتك وايد قوي فاذا كان هالحبيب أنسان غير مسئول.. و ماله أي هويه..آسفه مو قصدي هويه كل انسان عنده هويه..ماله أي خط سير.. هوائي..فبأمكانه أن يسحب الشخص الآخر الى الحضيض معاه..ما أدري فهمتوا شنو قصدي و لأ!!؟؟

روايه

أنا من محبين القراءه و هوايتي قراءة الروايات العربيه..بس من فتره طويله ما قريت شئ جيد..فلو سمحتوا اذا عندكم أي توصيات على رواية عربيه حديثه كتبوا لي أسمها..شكرا

جويره..جويره..جويره

ما أملك ألا أن أنحني اعجابا لجويره...طبعا غالبيتكم تعرفون

jewairasboudoir.blogspot

كتاباتها استحوذت على اهتمام الجميع..يوم الأثنين يوم الجمعه الأسبوعيه أنا مع البنات ما كان لنا سالفه الا جويره..على اختلاف اهتماماتنا كلنا اجمعنا انها موهوبه..و طبعا ما أقولكم على الصيحه اللي صارت على

Red Ribbon 1&2

و كل وحده تقول عن مقطعها المفضل بالقصه..المشكله الحين صار أدمان..و قمنا نتباشر جويره كتبت..جويره كتبت

عموما جويره أشكرك على أضفاء لمساتك المميزه في عالم البلوغ

يا صغر الفرح في قلبي

الله ما يطق بعصى

اليوم و أنا في الدوام وايد كان فيني النوم...شربت قهوه عربيه لي الحين قلبي يرقع..بس كأنه قلبي كان حاس يتني مسج من منو؟؟من صديقتنا النسره الحامل العسره تسألني

What's your blog address?

طبعا أنا مت و حييت من صجي خفت...رديت عليها

Why?

اهيه مو حول البلوغنغ بس حسيت أن فيه خيانه بالموضوع..دقيت على البنات اللي أدري أنهم يقرون البلوغ مالي باسألهم منو اللي فتن؟ لقيتهم نايمين ...واي شاسوي بعمري ما أمداني أثني كلمتي.. الا اهيه داقه...أحب أقولكم أن الحوار ما كان زين...أستاهل

يا ربي شنو أسوي

تذكرون صاحبتي اللي كانت تزفني لما أعيد وراها الكلام..الحين طالعتلي بموديل جديد أذا كنت بقول سالفه و السالفه تضحكني لازم ما أضحك الا لما أخلص السالفه..أنزين شنو أسوي بعمري عشان أرضيها.. اهيه تحمل و تستعسر واحنا لازم نتحمل عسارتها..فعشان شذي أنا قلت حق البنات أمس مابي أشوف و لا وحده حامل فيكم لوعتو كبدنا وحده تولد و الثانيه تحمل شاحنا فيه؟؟انخلص من نساتهم ندخل في ثقلهم و متمللين من نفسهم و بعدين نقعد انحاتي ولاداتهم و عقب مالنا سالفه الا البيبي و يا طلابة البيبي

resulotion

من يوم الجمعه و أنا قاعده أفكر...شنو

2005 RESULOTION

مالي؟؟و طبعا لي الحين ما عندي...ما أدري ليش..فكرت بأشياء وايد بس مثلا

1). أحاول أصير الزوجه المثاليه..أدري زيدون وايد راح يضحكه الموضوع..مش حينفع..كلش مو أنا

2). أبتدي مشوار الدراسات العليا..ما أحب الدراسه

3). أسمن 3 كيلو..هذي مقدور عليها

4). أعالج نفسي من أدمان شراء الملابس..كل سنه أقول هالكلام.. و ماكو فايده

فقررت أني أبتدي سنتي الجديده بنيه صافيه..و راح أصير حليوه مع كل الناس..و راح أقلل من عسارتي قدر الأمكان ..وانشاءالله ما أزعل مني أحد..هذا أهم شئ

كل عام و أنتو بخير
..

وفاة الزوجه

أمس جمعتنا الاسبوعيه أنا و صديقاتي...فوحده من البنات طق كوعها بحافة الطاوله طبعا عورها..فنطرح موضوع أن الطقه هذي تساوي حرة الزوج لما تتوفى زوجته...يعني ألمها ما تتعدى ثواني و بعدين كل شئ يصير زين..فبدينا نناقش أزواجنا أذا متنا شنو يسوون..أنا شخصيا زوجي قال لي بمنتهى الصراحه :أنا راح أزعل كم يوم و بعدين راح أمارس حياتي بمنتهى الحريه..لأني أدري أن أفتك مني..بس الطامه الكبرى لما صديقتي قالت لا أنا سألت زوجي اذا راح يزعل لما أموت و لأ؟ و ما تتخيلون أشلون وجهها كان بمنتهى البراءه لما قالت أن أهوه قال لها: أنا ما راح ألاقي مثلك و كله راح أذكرك بالخير و اهيه تقول خنقتني العبره ..كسر خاطري..ما أقولكم عن الصرخه اللي يتها..منا أحنا صدقتييييييييييه؟

شان تقول ايه صدقته!!طبعا يعني أنا ما أعتقد أن فيه رجال ممكن يزعل و يظل طول عمره وفي لزوجته..

ليش؟؟؟

اليوم أنا متلخبطه..عندي وايد تساؤلات..سامحوني اذا ما كان لهم معنى بس أنا حبيت أني أشارككم فيها

*ليش صار فيه خلط رهيب بالمفاهيم

*ليش كلشي صار عادي ماكو نتفة أحترام للنفس

*ليش صارت الوناسه أهم شئ

*ليش الاحترام صار صفه نادره

الصداقه

الصداقه بالنسبة لي شئ وايد كبير..أصدقائي و صديقاتي يعنون لي الكثير..و من حسن حظي أهمه يبادلوني نفس الشعور بالنسبه للصداقه..عندي أصدقاء من مختلف الأنواع ..أمس كنت تعبانه ورحت المستشفى بروحي..لأن أمس الجمعه ما حبيت أزعج أحد.. وحده من صديقاتي عرفت بالصدفه أني بالمستشفى و أهيه كانت بالشاليه و الله العظيم على ما طلعت من المستشفى الا أهيه في موقف المستشفى تنطرني ما تتخيلون شنو عنى لي اللي سوته ..على ما وصلت البيت الا صديقتي الثانيه قاعده تنطرني في البيت..بالنسبه لي أهمه مو مطالبين بالتواجد معاي بس أحساس حلو لما الواحد يحس أن في أحد يهتم فيه
في أصدقاء الشخص ما يملك الا أنه يكون فخور فيهم.. و في فيه أصدقاء مع الوقت يكتشف أنه قاعدين يسحبونه للحضيض معاهم..متأسفه هالنوعيه المفروض الواحد ما يسميهم أصدقاء بل رفاق لأنه الصديق اهوه اللي يهمه مصلحتك قبل كل شئ ..وهني أنا أركز على المصلحه موووووووووووو الوناسه بس
خلاص أعتقد أن المعلومه وصلت

this is my mood today

http://song4.6rob.com/egypt/abdelhaleem/abdelhaleem-ya_qalbi_khabbi.ram

أشتبي بعد؟

اليوم من الصبح دق تليفوني..شفت الرقم اخترعت ..هذي صديقتي اللي ما تقوم من النوم قبل الساعه 11 قلت أكيد فيه شئ..جاوبت التليفون الا ماكو شئ بس موديه عيالها ركوب خيل من الصبح..مو هذا موضوعنا اهيه أمس راحت أوشن تويلف ..فقعدنا نتناقش عن جمال كاثرين و أن اهيه من أكثر النساء حظا في العالم..يالله من فضلك زوجها مايكل دوغلاس..وأ مثله مع جورج كلوني و براد بت و بأول الفيلم نايمه يم براد بت..يعني أشتبي أحسن من شذي..أتصدقون يا بختها..لا و بعدين واثقه من نفسها ..شفتوها لما خذت الاوسكار امتوله بالشهر التاسع و الاسعاف تنطرها بره و هم طالعه اتجنن..هذا كله قلناه من الصبح أنا و صديقتي بس ما تهقون أن صح؟؟أشتبي بعد؟؟؟
بس يا جماعه أنا معقدني شئ واحد بس تقول أهيه مواليد 1969 أنا أعتقد ان أهيه أكبر من شذي

الشاثح

الشاثح مصطلح كويتي يطلق على ماء المطر اللي يدخل على البيوت من فتحات البيبان و الدرايش..بس هذا المصطلح ما ينطبق على شلتنا احنا البنات..الشاثح عندنا هو ردة الفعل الطبيعيه لي اذا قالوا شئ يضحكني و أنا قاعده أشرب شئ..
أمس في ماكي و حياتكم سبحتهم بالشاي الاخضر مرتين ..اصلا اهمه مفروض يحمدون ربهم اني ما اشرب غير الماي يعني ما أشرب عصير و لا مشروبات غازيه شان الدبق ماله والي

Oceans Twelve

أمس رحت الفيلم...خير اللهم اجعله خير..أنا شخصيا وايد عجبني الفيلم..بالنسبه لي فيه كل مقومات الفيلم الناجح من قصه وممثلات ما أقدر اوصف لكم جمال كاثرين زيتا جونز, وبعدين يالله من فضلك براد بت و جورج كلوني...وسامة براد بت غنيه عن التعريف و ملح جورج كلوني ما صار, و بعدين نييكم حق المناظر بجيرة كومو الشراحيه اللي في البحيره و منظرها و جمال الجو والرواق...الرواق..الرواق...أنا القميص الستان ما أواطنه بس ما حلا الا على براد و اللي بيروح الفيلم الله يخليكم ثبتوا كاثرين بالبالطو الابيض..بس مسكينه اللي ما توفقت بهالفيلم جوليا مسكينه مبين عليها التنسى

ضايق خلقي

غريب شعوري اليوم..قمت من النوم و شعور بضيقة الخلق مسيطر علي..ماكو و لا مبرر لهذا الشعور..الحمدالله ماكو شئ يعورني..جدولي هالاسبوع حافل..و الجو ياخذ العقل..يعني مالها سالفه هالقمته..بس أحس كأنه أحد حاط صخره على قلبي..يمكن أحتاج أسافر أغير جو..بس هم مو حل بلا سافرت و ما استشرحت شنو أسوي..وايد بايخ الشعور لما الواحد يحاول ياخذ نسم و ما يقدر

welcome back

I'm happy to say:
hathra.blogspot.com
is back

welcome back walhana 3alaik ;-)

samry

http://www.zeryab.com/samri/otheres/ya_ali_zewayed.ram

بابا طاهر

أنا و يا الشباب اللي معاي بالدوام رحنا تغدينا في مطعم بابا طاهر...أكلنا شلو كباب و شبزي...و طبعا خبز ايراني و جبنه بيضاء و خضره...والله لو ماكلين مخدرات شان ما صار فينا ربع الحاله اللي احنا فيها الحين..بنموت من الدوخه اعتقد اني بحياتي ما سطلت مثل السطله اللي أنا فيها الحين...و خبركم غيم و مطر ما يبي له..نومة الظهر الحين مسكته

سهيل الجنوب

يا جماعة قاعدة أدور على سامريه أسمها سهيل الجنوب...بس ما أدري من يغنيها و لا أدري وين أحصلها...لو سمحتوا اللي يعرف أي شئ عنها يقول لي...أشكركم

have a nice weekend guys ;-)

رشدي أباظه

البارحه خير الهم اجعله خير ...حلمانه برشدي أباظه...تصدقون على حبي لرشدي عمري ما حلمت فيه..حلمانه اني رجعت حق القاهره في الستينات أيام عز رشدي...و ما تتخيلون أشلون كنت قاعده أتمشى معاه و أنا متشيحطه فيه و أهوه قاعد يعرفني على الممثلين...واااي يجنن...تدرون ان لو فيه واحد مثل رشدي أيام عزه بوقتنا الحالي شان و حياتكم ما تقرون الا مغامرات نانونانو مع رشدي في الموعد...عندي صوره تجمع الفوارس الثلاث عمر الشريف..رشدي أباظه و أحمد رمزي مبروزتها بس لي الحين ما حطيتها في أي مكان ما لقيت لي مكان مناسب حق الفرسان الثلاثه

الكبر شين

ما أدري شنو اللي يايني...بس حاسه أني وايد كبرت...و المشكله ان البنات صديقاتي كلهم عندهم نفس الاحساس...
أدري بتقولون ان شباب القلب و الحشى اللي ما خوذ خيره بس يا جماعه كلشي قل...اللياقه قلت نروح حفله على ما انخلص رقصه الا منقطعه قلوبنا...النظر قل ..كمية النظارات بالشله كل ما لها و تزيد..المعجبين قلوا....يا حافظ كلشى قل..انزين شنو الحل لا تقولون نلجأ لعمليات التجميل ...لأن الشباب الحين وايد تبلتعوا و يعرفون و بعدين بيني و بينكم خاشين العمليات كخطه خمسيه....لأ والأتعس اذا رحنا محل وقعدنا و دخلوا بنات صغار خلينا كلشي ابايدنا و قعدنا نخزهم...أول و انا صغيره ما أواطن هالحركه..قمت اسويها...اتهغون شنو أسوي؟؟

fun

http://clip.6rob.com/funny/a4.smi

http://clip.6rob.com/funny/a21.smi

http://clip.6rob.com/funny/a13.smi


enjoy guys

الجامعه

اليوم أول يوم أروح جامعة الكويت (كلية العلوم الاداريه) و لأول مره احس اني كبرت...فارق السنين وايد بين بيني و بين الشباب و الشابات قعدت أتذكر أيام الصبا...أيام الوسط الديمقراطي...الانتخابات...الرابطه..دراستنا في المكتبه وقتها كانت كلية التجاره...أدري راح تقولون الللللللله هاذي وايد كبيره كنا في العديليه...ما اتخبلون وناستنا و ضحكنا أنا أعتقد أحلى فتره في حياتي كانت أيام الجامعه...كان هرمون النشاط و الحب والوناسه حدهم ضاربين ما كان يهمنا لا دكتور لا محاضره لا معيد..كان عندنا دكتور تميل الله يذكره بالخير د.أحمد دشتي كانوا الطلاب كلهم يخافون منه و من لسانه الطويل بس الصج ينقال انا في دراستي كلها ما استفدت من أي احد كثر ما استفدت من د.أحمد... .وفي النهاية لغبائي الشديد تخرجت في ثلاث سنين ونص تمويل على بالي زين...واشتغلت.....و بعدين ابتدى ابتدى ابتدى المشوار وآه يا خوفي من آخر المشوار آه ياخوفي

البخور

وصل الشتاء و وصل معاه وقت البخور....الله أموت على البخور...ولا بالشتاء و مر عليكم بنت ولا ولد متبخرين...واوأنا شخصيا أنا ما أدري شنو يصير فيني...غريب البخور فيه قدره غريبه ان يغير نفسيتي يخليني مقبله على الحياة

مثل اليوم

والله أنا اعتقد ان هالمثل وااااااااااااااااااايد يعكس الحقيقه
اصخلة الفريج ما اتحب الا التيس الغريب
هاليومين هابين الشباب و الشابات بالاعجاب بغير الكويتيات و الكويتيين...أنا موعنصريه بس يا جماعة خلو
زيتنا في دقيقنا
و
واللي ما له أول ماله تالي

ورده

اليوم قعدت من النوم و أنا أغني....ما أدري ليش هالاغنيه بس صج احبها

وبحبك..والله بحبك..والله والله بحبك..قد العيون السود بحبك
وأنت عارف..والله عارف..أد ايه كتيره و جميله العيون السود في بلادنا
ياحبيبي

للنساء فقط

أدري بلاغت شفكم بتخليكم تقرون هالموضوع...الزبده أمس انا و يا صديقتي رحنا مجمع الايوب (مجمع تخصص للملابس الداخليه المبتذله) حلوه المبتذله صح...رحنا و خير اللهم اجعله خير اما شخصيا بقيت اموت من الضحك..شفت اشياء بحياتي ما هقيت راح اشوفها بالكويت والمشكله ان الجمهور لك عليه...الريش بكل الوانه و انواعه موجود الحمدالله مو مخلين على احد قاصر ابتداءا من قميص النوم وانتهاءا بالشحاطه..وبعدين نشوف الملابس الداخليه و ملابس الاغراء اللي تبون انا عجبني موديل الشيطان بو بطاريه اللي يشب بالليل لا و فيه ذيل بعد والله بقيت اشتريه بس خفت زوجي يطلقني...والملابس التنكريه على كيف كيفكم الممرضه, والكاوبوي اللي في الدبدبه, والارنوبه الورديه يعني كيوت واخيرا و ليس اخرا الكريمات اللي تزيد من احتداد كلا الجنسين...عموما راح ارتب رحله ميدانيه عشان تشوفون اللي يبي ينضم من الحين يقول لي عشان بأجر باص......

الحيوانات الاليفه

أنا وايد خوافه...يعني مهما اوصف لكم ما راح اتصدقون..نظريه المجرم اللي راح يقتلني على طول في بالى..بس خوفي الاكبر و اللي يفشل اخاف من كل الحيوانات الاليفه...ما ادري ليش بس كل الحيوانات تدري اني اخاف منها فتهاجمني..مره لاحقني خروف ابينطحني..المره الثانيه المطارده الرهيبه اللي صارت بيني و بين القطوه طبعا اهي اللي لاحقتني و في النهايه الشغالين اللي في البيت الحمدالله هبوا لمساعدتي..اخر مره الاسبوع اللي فات في سوق الجمعه (طبعا اول و اخر مره اروح) حاصروني دجاجتين طبعا بقى يزر عقلي و صديقاتي قاعدين يطالعوني ويضحكون (يا لوقاحتهن) طبعا الجمهور هناك حده راقي...واحد من اللي مارين قالي: يوم انش تخافين اشيايبش بقيت اقوله:شب بروحه اللي فيني كافيني...اتهقون شنو اسوي برستيجي صار زفت جدام الكل.....

Friday

Today so far is a perfect Friday..The weather amazing (allah eytammemah 3alaina)…
I cleaned my closet I got rid of lots of clothes before winter comes…then heading to Marina Crescent to have lunch with my lovely sister and her hubby I really enjoy their company…then I’ll meet my friends and go to the new movie for Ashwaria..Then I’ll my other group of friends these r the couples group some where we didn’t decide yet..We ba3dain back home and get ready to sleep because tomorrow is a hectic working days….
I always wonder why they say Q8 boring if you are with the right crowd you won’t have time to breathe….

الاستهتار

امس انا ويا البنات كالعاده متجمعين.. مو شئ غريب علينا مثل ما استنتجوا الى الان..المهم تناقشنا اشلون استهتار الكويتيين ضرب اطنابه محد أمس و لا اليوم داوم غير الموظفين اللي في القطاع الخاص..قريت اليوم في جريدة الوطن تحقيق مع بعض الموظفين اللي ما داوموا..واحده تقول ما راح اداوم لانهم خربوا السفره علي اراهنكم انها بتسافر باقساط مو معقولين ما كو شئ صار له هيبه عندهم ..الطلاب ما راحوا المدارس ليش عشان يحوسون في البران و الشاليهات و المجمعات التجاريه.. لي متى روح اللامبالاة اللي احنا فيه؟؟ انا اتمنى شئ واحد بس ان الحكومه هالمرة تكون جديه في تهديداتها و تعاقبهم كلهم.. ودي ولو مرة واحده تكون الحكومه جاده عشان تفرض هيبتها

ما هي مواصفات الرجل المثالي؟؟؟

اليوم وانا ويا صديقتي قاعدين نمارس هوايتنا الصباحيه اللي اهيه نحش في أزواجنا

استدركت شغله احنا معشر النساء شنو يرضينا؟؟

فحاولت اعرف من صديقاتي المتزوجات شنو اهيه مواصفات الرجل المثالي؟؟..

...انا بالنسبه لي

Mr. Big in Sex & The City

بكل غموضه و رهاته

رهاته تذبحني

صح انا اموت على الريال الراهي

صديقاتي

كانت اجاباتهم:

واحده قالت كريم و رومانسي..مسكينه مبين انها صريفه ماديا و جنسيا

الثانيه قالت يحبني..هذي حدها بريئه

الثالثه (مالت عليها حدها سطحيه) قالت وسيم.. يعني بالله عليك وسيم وثقيل طينه شنو اسوي فيه؟؟

الرابعه قالت مطيع..مبين هذي ريلها لاعن خيرها اوامر

انتو يا معشر البلوغرز شنو رايكم هل النساء عوبات و صعبين الارضاء؟؟

ولا انتو الرياييل عويان؟؟

على قولت صديقة الطفوله: دام انك منت ريلي و لاني على ذمتك يا حلوك و يا زينك

عدنيه

الام..الام..زماني الام؟

صدودا و هجرا و حزنا الام؟

اما ان يا دهر تصفو لصب؟

يرى الهجر يوما كالفين عاما

اناهيك يا دهر من حرب لحظ

يوجه لقلبي دواما سهاما

ايا دهر رفقا ايا دهر عطفا

و يا دهرا فضلا تفضي الخصاما

على غير ذنب صروف الليالي

تزدني عذابا تزدني هياما

حبيبي ترفق بمضنى هواك

تعشق فيك جمالا تساما

my favorite song for the time being

http://songs1.6arab.com/3abdelmajeed_gellah.ram

عندي مشكله

من فترة قصيرة نبهني صديق عزيز الى شئ.. قالي فلانه ليش تعيدين وراي الكلام؟انا وايد استغربت!! انا ما احس في نفسي.. المهم قلت له انا؟؟؟؟ و بس نسيت الموضوع.. وتمر الايام ونتجمع انا وصديقاتي عندي صديقه انا شخصيا اخاف منها لانها اكبر مني سنا + انها اشويه عصبيه.. المهم قاعدين نسولف شان تلتفت علي.. شان تصرخ علي: فلانه بطلي ها الطبع كل ما قلنا شئ عدتيه ورانا.. طبعا انا اصابني الذهول مو معقوله اني لها الدرجه ما احس في نفسي..فطلبت منها انها تنبهني..لي الحين زين.. ذاك اليوم طالعه انا مع صاحبتي نفسها طول الطريق ما تكلمت عشان مابي افتح موضوع لاني قمت اخاف من زفتها..قبل لا نوصل مشوارنا قلت لها: انتي مالاحظتي اني ما تكلمت معاش لاني خايفه اعيد وراش الكلام؟ ضحكت اهيه شان نبتدي نسولف شان اعيد وراها 4 مرات شان نتهاوش..المشكله الحين اني قمت التزم الصمت في اي مكان اروح له و ما اتكلم لاني اخاف انرفزهم لما اعيد وراهم و انا ما اعرف اسكت على قولت البنات بلعي ريجك ما اقدر فما ادري شنو اسوي؟؟؟
دكتور عالجني اذا عندك اعلاج
انا مريض و علتي داخليه

one of the best acheivement of Q8

to me this is one of the most acheivments in Q8 history:

http://www.6arab.com/singers/5aleeji/kuwaiti-tv-band/index.htm


Enjoy....

Nina Simone

If I should lose you
The stars would fall from the skies
If I should lose you
The leaves would wither and die
The birds in maytime
Would sing a lonely refrain
And I would wander around
Hating the sound of rain
With you beside me
No wind in winter would blow
With you beside me
A rose would bloom in the snow
I gave you my love
But I was living a dream
And living would seem in vain
If I lost you

دعاء بمناسبة ليلة القدر

سبحان الله وبحمده... سبحان الله العظيم

اللّهم اهدِنا فيمَن هَديْت و عافِنا فيمَن عافيْت و تَوَلَّنا فيمَن تَوَلَّيْت و بارِك لَنا فيما أَعْطَيْت و قِنا واصْرِف عَنَّا شَرَّ ما قَضَيت سُبحانَك تَقضي ولا يُقضى عَليك
انَّهُ لا يَذِّلُّ مَن والَيت وَلا يَعِزُّ من عادَيت تَبارَكْتَ رَبَّنا وَتَعالَيْت فَلَكَ الحَمدُ يا الله عَلى ما قَضَيْت
وَلَكَ الشُّكرُ عَلى ما أَنْعَمتَ بِهِ عَلَينا وَأَوْلَيت نَستَغفِرُكَ يا رَبَّنا مِن جمَيعِ الذُّنوبِ والخَطايا ونَتوبُ اليك
وَنُؤمِنُ بِكَ ونَتَوَكَّلُ عَليك
و نُثني عَليكَ الخَيرَ كُلَّه
أَنتَ الغَنِيُّ ونحَنُ الفُقَراءُ اليك أَنتَ الوَكيلُ ونحَنُ المُتَوَكِّلونَ عَلَيْك أَنتَ القَوِيُّ ونحَنُ الضُّعفاءُ اليك أَنتَ العَزيزُ ونحَنُ الأَذِلاَّءُ اليك
اللّهم يا واصِل المُنقَطِعين أَوصِلنا اليك اللّهم هَب لنا مِنك عملا صالحاً يُقربُنا اليك
اللّهم استُرنا فوق اللأرضِ وتحت الأرضِ و يوم العرضِ عليك أحسِن وُقوفَنا بين يديك لا تُخزِنا يوم العرضِ عليك اللّهم أَحسِن عاقِبتَنا في الأُمورِكُلها و أجِرْنا من خِزيِ الدنيا وعذابِ الآخرة يا حنَّان .. يا منَّان .. يا ذا الجلال و الاكرام
اجعَل في قُلوبِنا نورا و في قُبورِنا نورا و في أسماعِنا نورا و في أبْصارِنا نورا و عن يميننا نورا و عن شِمالِنا نورا ومن فَوقِنا نورا ومن تحَتِنا نورا وفي عَظمِنا نورا و في لحَمِنا نورا وفي أَنْفُسِنا نورا و في أَهْلِنا نورا وفي آبائِنا نورا و في أُمَّهاتِنا نورا
وفي أَزواجِنا/زَوجاتِنا نورا
وفي ذُرِّيَتِنا نوراوأَعطِنا نورا وأَعظِم لنا نورا
واجعَل لنا نورا مِن نورِكَ فَأَنتَ نورُ السّماواتِ وَالأرضِ
يا ربَّ العالمين يا أَرحَمَ الرَّاحِمين
اللّهم بِرحمَتِك الواسِعَةِ عمّنا واكفِنا شرّ ما أهمّنا وغمّنا و على الايمانِ الكاملِ والكتابِ والسُّنةِ جَمْعاً توفَّنا و أنت راضٍ عنّا وأنت راضٍ عنّا وأنت راضٍ عنّا
يا خيرَ الرازقين يا خيرَ الرازقين يا خيرَ الرازقين
اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين برحمتكَ يا أرحمَ الراحمين
داوِنا اللّهمَّ بدوائِك واشفِنا بشفائِك وأغْنِنا بفضلِك عمّن سِواك يا كاسيَ العظامِ لحماً بعد الموت ارحمنا اذا أتانا اليقين وعرق منا الجبين و بكى علينا الحبيب والغريب اللّهم ارحمنا اذا وُورينا التراب وغُلِّقَتِ من القبورِ الأبواب فاذا الوحشةُ و الوحدةُ
وهوّنِ الحساب
اللّهم ارحمنا اذا حُمِلنا على الأعناقِ وبلغتِ التراقِ وقيل من راق
وظن أنه الفراقُ والتفَّتِ السَّاقُ بالسَّاقِ اليك يا ربَّنا يومئذٍ المساق
اللّهم ارحمْنا يومَ تُبَدَّلُ الأرضُ غيرَ الأرضِ والسَّماوات اللّهم ارحمنا يومَ تمورُ السّماءُ موراً و تسيرُ الجبالُ سيراً اللّهم ارحمنا فانَّك بِنا رحيم و لا تُعذِّبنا فأنتَ علينا قدير
و الْطُف بنا يا مَولانا فيما جَرَت بِهِ المَقادير اللّهم خُذْ بأَيدينا اليك أَخْذَ الكِرامِ عَليك
يا قاضِيَ الحاجات و يا مُجيب الدَّعوات نَسأَلُكَ يا رَبَّنا رَحمَْةً تَهْدي بِها قُلُوبَنا اللّهم انصُرِ الاسْلام وَأَعِزَّ المُسلمين و دَمِّر أَعداءَ الدّين اللّهم خُذْهُم أَخْذَ عَزيزٍ مُقْتَدِر انَّهم لا يُعجِزُونَك أَرِنا فِيهِم يَوماً أَسوداً أَرِنا فيهِم عَجائِبَ قُدرَتِك أَرِنا بِهم بَأْسَك الذي لا يُرَدُّ عَنِ القَومِ المُجرِمين
انزَعِ الوَهَنَ وَحُبَّ الدُّنيا مِن قُلوبِنا وأَبدِل بِه يا رَبَّنا حُبَّ الآخِرَة
يا مُغيثُ أَغِثْنا يا رَحمنُ ارحمنا يا كَريمُ أَكرِمنا يا لَطيفُ الطُف بِنا
اللّهم الطُف بِنا في قضائِكَ وقَدَرِكَ لُطْفاً يليقُ بِكَرَمِكَ يا أَكرَمَ الأَكرَمين يا سمَيعَ الدُّعاء يا ذا المَنِّ والعَطاء يا مَن لا يُعجِزْهُ شيءٌ في الأَرضِ ولا في السَّماء اللّهم ارزُق شبابَ المُسلمينَ عِفَّةَ يوسف عليه السلام و بَناتَ المسلمينَ طهارةَ مريم عليها السلام و احفظ نِساءَ المسلمين من شرِّ خَلقِكَ أجمَعين اللّهم ارزُقنا فأَنتَ خَيرُ الرَّازِقين و أَعتِق رِقابَنا يا أرحَمَ الرَّاحِمين ورِقابَ آبائِنا وأُمَّهاتِنا وَمَن كان لَهُ حَقٌ عَلينا
و جميع المُسلِمين والمُسلِماتِ.. المُؤمِنينَ والمُؤمِناتِ.. الأَحياءِ مِنهُم وَالأَموات انَّكَ يا مَولانا سَميعٌ قَريبٌ مُجيبُ الدَّعَوات يا أرحَمَ الرَّاحمين اللّهم صلِّ وسلِّم وبارك على سَيِّدِنا مُحمَّدٍ في الأوَّلين
وصلِّ وسلِّم وبارك عَليهِ في الآخِرين
وصلِّ وسلِّم وبارك عليهِ في كلٍ وقتٍ وكلٍ حين
وفي المَلأِ الأَعلى الى يومِ الدِّين

نَسأَلُكَ يا رَحمنُ أَنْ تَرْزُقَنا شَفَاعَتَهُ وَأَورِدْنا حَوْضَهُ وَاسْقِنا مِن يَدَيْهِ الشَّريفَتينِ شَرْبَةً هَنيئَةً مَريئَةً لا نَظْمَأُ بَعدَها أَبَداً اللَّهم كما آمَنَّا بِهِ وَلم نَرَه.. فَلا تُفَرِّق بَيْنَنا وَبَينَهُ حتى تُدخِلَنا مُدخَلَه بِرحمَتِكَ يا أَرحَمَ الرَّاحِمين واشْفِ مَرضانا وَمَرضى المُسلِمين و ارْحَم مَوتانا وَمَوتى المُسلمين و لا تُخَيِّب رَجائَنا يا أَكرَمَ الأَكرَمين وتَقَبَّل دُعاءَنا وصِيامَنا وقِيامَنا ورُكوعَنا وسُجودَنا كما نَسأَلُكَ الدَّرَجاتِ العُلا مِنَ الجَنَّة

آمين.. آمين.. آمين
وصلى اللهُ على سيِّدِنا مُحمَّد وَعلى آلِهِ وصَحْبِهِ وَسلّم

احتاج تفسير

فيه مثل كويتي يقول: لي سرقتي سرقي الدر و لي زنيتي أزني بحر
ببساطه انا شخصيا لما اسمع هذا المثل افهم ان هناك موافقه ضمنيه على اني اسوي اي شئ بس مع اللي يسوى في نظر المجتمع مو مهم شنو نظرتك انت مو مهم شنو حجم الخطأ المهم شنو تقييمهم للشئ... در و لا فالصو؟ حر و لا ؟؟؟؟؟؟؟؟؟؟

الأمثال الكويتيه

البيئه الكويتيه بيئه صحراويه جافه.. عشان شذي لما نلجأ للأمثال الكويتيه للتعبير نجد أن الالفاظ المستخدمه نابيه نوعا ما بس وايد معبره فانا حبيت اني اشارككم بعضها ولو سمحتوا اذا عندكم اي اضافات كتبوا لي
1). يا بعد من راحت تزق و تاهت
2). حتى البق يفسي
3). قاعده اقلب خصاوي ابليس
4). لا وجه في المقعد و لا طيز في المرقد
5). من استرخص اللحمه خانت فيه المرقه
6). تموت الدجاجه و عينها في السبوس
7). لو الماي يروب القحبه ما تتوب
8). عقب ما طقعت صمت فخوذها
9). عاند مرته و قص خصيانه
10). العوره تعيب على أم زر
11).ما اردا من المربوط الا المفتلت
12). حيا مرخه تنام تحت الديك و تستحي من الفرخه

sorry for using such words but these sayings r from our culture if u have more please let me know

new

in the episode that i;'m watching wa ba3d the carector Loaey has driven my attention to smothing new and for the first time this subject was discussed on a t.v e the episode the young Q8y guy who just came back from Afghanestan because here in Q8 we r always in deniel that there r no true Q8y went there and helped the rebels out there but i think there r lots of Q8y's who lost thier identity and went there trying to achieve somthing but to thier disappointment what they found there is completly diffrent than what they expected so when they came back they couldn't fit here in Q8 because the Q8y community has had dramatic changes in the past 10 years i don't know if i was clear in my idea or not please correct me..

misunderstanding

Master Zaydoun asked me not to blogg something personal, so I wouldn’t be misunderstood, but the problem is I want to get some answers: what’s best in Q8 to stay single or to get married and do what ever you want to do because you are married and use your status as a cover…
(No hidden agenda in my question)

dedication

this song is dedicated for somone very special:
He's laughing with another girl And playing with another heart Placing high stakes, making hearts ache He's loved in seven languages Jewel box life diamond nights and ruby lights, high in the sky Heaven help him, when he falls Diamond life, lover boy He move in space with minimum waste and maximum joy City lights and business nights When you require street car desire for higher heights No place for beginners or sensitive hearts When sentiment is left to chance No place to be ending but some where to start No need to ask He's a smooth operator Smooth operator, smooth operator Smooth operator Coast to coast, LA to Chicago, western male Across the north and south, to Key Largo, love for sale Face to face, each classic case We shadow box and double cross Yet need the chase A license to love, insurance to hold Melts all your memories and change into gold His eyes are like angels but his heart is cold No need to ask He's a smooth operator Smooth operator, smooth operator Smooth operator Coast to coast, LA to Chicago, western male Across the north and south, to Key Largo, love for sale Smooth operator, smooth operator Smooth operator, smooth operator Smooth operator, smooth operator Smooth operator, smooth operator Smooth operator, smooth operator

i will survive

First I was afraidI was petrifiedKept thinking I could never livewithout you by my side But then I spent so many nights thinking how you did me wrong I grew strong I learned how to get along and so you're backfrom outer spaceI just walked in to find you here with that sad look upon your face I should have changed that stupid lock I should have made you leave your key If I had known for just one second you'd be back to bother me Go on now go walk out the door just turn around now'cause you're not welcome anymore weren't you the one who tried to hurt me with goodbye you think I'd crumble you think I'd lay down and die Oh no, not II will survive as long as i know how to love I know I will stay alive I've got all my life to liveI've got all my love to give and I'll survive I will survive (hey hey)It took all the strength I had not to fall apart kept trying hard to mend the pieces of my broken heart and I spent oh so many nights just feeling sorry for myself I used to cry Now I hold my head up high and you see me somebody new I'm not that chained up little girl who fell in love with you and so you felt like dropping in and just expect me to be free now I'm saving all my loving for someone who's loving me Go on now go walk out the door just turn around now'cause you're not welcome anymore weren't you the one who tried to break me with goodbye you think I'd crumble you think I'd lay down and die Oh no, not II will survive as long as i know how to loveI know I will stay alive I've got all my life to liveI've got all my love to give and I'll survive I will survive (oh)Go on now go walk out the door just turn around now'cause you're not welcome anymore weren't you the one who tried to break me with goodbye you think I'd crumble you think I'd lay down and die Oh no, not II will survive as long as i know how to loveI know I will stay alive I've got all my life to live I've got all my love to give and I'll survive I will survive I will survive...!

الحمدالله

what's wrong?

i don't know what happened? but all of a sudden nothing wants to go right i thought i had such a grat life but this greatness started to disolve...i don't why????