ذاك اليوم قاعده أفكّر...شلون ممكن يكون وضعنا أحنا كدوله و كشعب و كخليج ككل...لو أن السيارات تمشي على ماي...ما تحتاج بنزين...بأسلوب ثاني سؤالي...ماذا لو كان المصدر الرئيسي للطاقه في العالم هو الماء بدلا من النفط....شلون راح يكون موديلنا...بيني و بينكم...لما تخيّلت المنظر كلش ما ياز لي...لأن جان صرنا من أفقر الدول...و دّي لو أسمع خيالكم في هذا الموضوع....بس قبل لا تبتدون...الحمدالله و الشكرلله ألف مره على نعمة النفط... |
اليوم ٣٢٠: ماذا نفعل يوم الجمعة؟
2 hours ago
14 comments:
مسرحية "دفاشة" لعبدالعزيز الحداد أوائل الثمانينات
تجيب عن كثير من الأسئلة وتعطي بعض السيناريوهات
جنديف: ولاتنسى "الكويت سنة ٢٠٠٠". ولكن لاداعي للتخيل، هذا هو حالنا بعد كم سنة، وليس بالضرورة عند نفاذ النفط
لو ما النفط، جان الحين قاعدين بحوطة ونلعب تيل ولا عندنا كمبيوتر ولا مدونات ولا عوار راس
I say take cars back and give people mules.
و آنا بعد أقول ليش ما نمشى مفاصيخ
شنو راح يكون وضعنا لو الموضة فى ميلان و باريس و نيويورك ولندن و طوكيو للخمس سنوات القادمة عبارة عن التفصخ صلط ملط
يمكن مع ساعة كشخة يمشى بالكويت هالستايل
بس أخاف على فيلا مودا و بقية محلات الموضة الراقية
كيف ستستمر ...على الإكسسوارات فقط؟
أوووه نسيت...هى شغالة من الحين على الإكسسوارات ...يعنى ماكو مشكلة
Bring it on
والله انا ساعات احس ان النفط هو اللي عفسنا..
السناريو الاول :
كلاكيت اول مرة
..ضاحي بالحوش ...يما !! ..ابي طاسة ماي بترس السيكل
الام....والله ياوليدي ابوك الشهر مقصر علينا بالمصروف وقافل الجليب
تدخل البنت ....وضحة ....ماماتي !! ..ابي قلاص ماي بروح عند رفيجتي مضاوي علشان بنروح نشتري تي شيرتات من عند محلات مرزوق ولد بو جاسم ولد بو عبد المحسن
كلاكيت ثاني مرة
...
الاب ...توه قاعد من نومة عقب الغدا .... سبيجة !! ....هاج مفتاح الجليب عطي ضاحي نص طاسة ماي خل اييبلي تتن ... الزوجة : بو ضاحي ...انت واعدني تعطيني طاستين ماي هالشهر علشان بسوي عزيمة حق اختي توها رادة من الحج .....بوضاحي : ولليين لمتا التبذير !! طاسة وحدة ومو لزوم تعزمين كل الحريم .....الا بقول ...بجم طاسة الماي اليوم عند الصراف بو عبد المحسن ؟؟!!
السيناريو الثاني ...المقهى
عبدالله ...الا بقول يا بوجاسم ...يدك الله يرحمه يقولون كان ماكل الديرة اول ..يوم النفط ....بوجاسم : الله يداه كان متولع بالسياسة والرياسة ...بس اشوة ترك لنا جم جليب ماي منهم فتحنا هالمحلات وقمنا نضمن مستقبل عيالنا ...
انتهى
المشكلة ان راح ايي وقت ويخلص نفط الكويت واحنا للحين معتمدين على النفط كمصدر اساسي للدخل .. بينما الاستثمارات الغير نفطيه بعد ان كانت في طريقها للنهوض في السبعينات على يد هيئة الاستثمار و المجموعة الاستثمارية الكويتية .. اصبحت بعد الغزو مصدر للنهب والسلب
لازم نشتغل من الحين ونحول الكويت من دولة نفطيه الى دولة متعددة مصادر الدخل .. وبعدها لو السيارات تمشي على الرطوبة ماراح يهمنا ان شاء الله
chan zain etred nafs ayam gabel mithel ma yadty etsoolef lena .. 7u6at ebooha w freej ahlha .. kanaw base6en w 3alla neyat'hum .. 7eta mghazlhum ewanis w etha7ik :P.. kanat 7athfa yady eb 9khara 3ashan etnady ayam il 5e6ba :P .. i think it would be much easier w arya7 3alla aymhum men al7en ..
nice post
تصدقون كلكم خيالكم متفائل أكثر مني...أنا تخيلت روحي قاعده بالحوش دار مداري قوقش يهّال...و حر موت...و النفنوف ململ...و قاعده أنقي العيش...لأن خبركم عيش أوّل كلّه وصخ...مو وناسه..كلّش
Nanonano
صحيح عيش أول كان وصخ و متروس دويبه و حصم و يحتاج تنقية يدوية و صبر و معاناة بس ماعدا العيش كان كل شى نظيف يمكن و أهم شى نظافة النفوس
الحين بالعكس
كل شى الحين وصخ و خاصة أنفس الناس ماعدا العيش ...العيش هالأيام يطلع من الخياش أنظف من ويه شيماء على عقب جلسة ليزر....و جاهز للطبخ فورا مثل توصيات رئيس مجلس الأمة للحكومة
جان انا الحين خدامه
في بومباي
عند اسرة هنديه متوسطة الدخل
خو ما عندهم غرفه حق الخدام
النوم بالمطبخ
و كل اول شهر
اطرش الروبيات حق بو العيال
هني
اللي يصرفهم على السيجاير
و يسرح باليهال بهالفرجان
يطرون
و عندي احساس انه و لدي العود حرامي
و احتمال
احتمال
بنتي راح يكون لها مستقبل وااااعد
راح تكون رقاصه بشارع الهرم
بكاباريه درجه عاشره
أشوة ان الكباب رخيص
لوول
لو مصدر الطاقة كان الماء ... وبما إن المياه مصدر سهل ومتوفر يبقي الناس كلها هاتستخدم المياه بدلا من النفط .. وماحدش هايستخدم النفط خالص إذا ما كانش خلص اساسا
بعد كده المنطقى جدا ان المياه تغلى بدورها هي كمان .. لان الزيادة في الطلب ترفع من السعر ( ده اللي انا درسته في الاقتصاد)
بعد كده لما المياه تغلى
هاتصبح هي كمان شيء نادر زي النفط بالظبط
والإنسان يموت من العطش وينقررررررض
زي الديناصورات بتاعة العصور البدائية دي
ههههههههههههههههههههههههههههه
Post a Comment