خطوة أخرى فى طريق زعزعة الفساد المعشش بالحكومة و المجلس
مو بس دوائر...هذى الكويت
إذا البعض يعتبر التجمع مضيعة للوقت فأهلا بضياع الوقت كله
فى شى أهم من مستقبل بلدك و أولادك و أهلك ؟
إذا فى شى أهم إجلس بالبيت و تابع الأخبار أو تجاهل الموضوع برمته أما إذا كنت حاس بسوء أحوال البلد و خايف على عيالك من إنهم سيعيشون بحالة أسوأ منك الآن...هذى فرصتك لترضى ضميرك أولا...و حتى تكسر حائط الإحباط الى إمجابله صارلك سنين
تشعر بأن صوتك غير مسموع و لا أحد يهتم بما تقوله أو تتمناه...تعال و شارك و عط روحك فرصة حاس إن الحياة لا تحتمل بالبلد و الفساد سيطر على كل شئ ...من مجلس الوزراء إلى إتحاد الكرة....طق سلف و تعال...إشناطرأخوانك و خواتك اللى راح إتلاقيهم يشاطرونك نفس الأمانى و نفس الرغبة بالتغييرتبى الكويت غير...تبيها مثل دبى و لا أحسن ؟؟عيل قوم إتحرك...قول حق ربعك دقت ساعة إصلاح البلد..و الديرة تناديكم و منو راح يصلحها غيركم؟
لا تستسلم و تقول ماكو فايدة....ماكو فايدة بالحكومة الموجودة الحين و مجلس الأمة مضروب و ما يقدر يسوى شى...بس بإيدك إنت تقدر تقلب المعادلة...بوقفتك مع أهلك جنب أخوانك و خواتك راح إتحس بأنك سويت شى صح...شى له مفعول و قاعد يغير من واقعنا....عطيت أمل حق عيالك....رجعت الروح الوطنية فيك....و كسرت قطعة من طوفة الفساد اللى قاعدة تهتز الحين من وقفة أهل الكويت الأحرار
لا نمثل حزب و لا لنا شغل بتجمع..و ما إنعرف منو السنى و منو الشيعى فينا...كلنا متوحدين بلبس البرتقالى و كلنا رافعين علم الكويت و كلنا راح إندز رسالة اليوم...رسالة مو بس حق أهل الفساد عندنا...رسالة من أهل الكويت الأحرار للعالم
نحن هنا...و سنغلب الفساد....و سنحمى الكويت .....و سنرفع بإسم الكويت لأعلى المراتب بعد أن إستباح المفسدون سمعتها و كرامة شعبها يالله قوم.....ناطرينك
7 comments:
لاهل الكويت الى هواهم لى شموع
لو تحترق ليلى نجوم يضونه
ام بيرق فى الاهوال مرفوع
من هيبته كل البيارق يحسدنه
من حبهم فصلت ضافى دروع
سليت سيفى والليالى يهابنه
هذا اللى اقدر اقوله لج لان فعلا الكويت تستاهل ان الواحد يوقف لها بهالموقف اللى نحطينه فيه وما ابى العن احد ولكن والله اكتب هالكلام وانا من صج معصب ليش يصير فينا جذى واحنا اكثر الدول انفتاح من الدول الخليجية
يمكن انا اليوم تحمست اكثر من الايام اللى طافت وخصوصا بعد تحركات خفافيش الليل
بس هالبلد طول ما فيها ناس نظيفة باذن الله راح الله يوفقها
هذا تعليق بوجيج في ساحه الصفاه يزاه الله خير
امس لما قريته
دقيت على وحده عبيطه من المتخلفات الي ما يهتمون الا بس في مسجات الخطب و المشاكل الاجتماعيه و رديت عليها بنفس رد بوجيج
احس برد قلبي
عسى الله يبرد قلبه
akeed hatha mo tathyee3 wagt hatha shay lazem ensaweeh lema9la7at el q8 awalaan wakheran o a7ayech enty o bo jaij 3ala hal kalemat ely ehy akthar mn ra2eya ya36ech 1000 3afya
Fellow bloggers/nabeeha5 fighters/ شباب الياسمين : Seeing your faces at those political gatherings has been part of the pleasure I derive from my meager political activism. I find myself insisting on attending in spite of my busy work schedule (semester nearing its end, exams not yet written) partly in excitement over meeting with you again. Our political struggle will hopefully continue beyond our struggle to approve the 5 constituencies. However, I would love for us to be able to meet on a more social ground. Are you interested? I wasn't able to contact all of you by email so I chose to spread my call here.
نانو والإخوة المدونين
تفضلوا إلى موقع قائمة الكويت
www.kuwait-list.com
وعطونا آراءكم رجاء
nice post, it's really interesting for me today, thx
Post a Comment