أمس من الأيام البايخه..اللي قعدت من النوم مو مقرره شنو ألبس و قعدت مدّه على ما قررت و النتيجه كانت و صولي للدوام متأخره 6 دقايق...معناته خصم من الراتب..الله يقطعهم...و بعدين دخلت بكذا نقاش مع كذا صديق و صديقه ...تعسّرت عقبها...و بعدين مديرنا اجتمع فينا أنا و زملائي و وبّخنا...و أنا مالي شغل بس حاشني طشّار....و كان مفروض أني بروح السنما مع البنات فيلم زكي شان...فعلى ما رجعت البيت و ريّحت اشويه...بدت التليفونات أترانع....طلعتي؟
يلاّ...وين وصلتي؟
وين ننطرك؟
مساكين أهمه البنات من زود الحرص...بس تدودهت....و صلنا الفيلم...و صدقوني الفيلم كان يسوى العنوه...ساعتين من القهقه المتواصله..أحنا رحنا ثلاثه...أنا و أم صفنه و زليخه...أنا و أم صفنه نستمتع بروح الفكاهه المصريه زليخه...ما تلقط شئ...فأول خمس دقايق أنا و أم صفنه كنّا غشيانين من الضحك و زليخه راحت تصلي فلمّا أقبلت علينا قلنا ويه...هذي الحين شلون راح تفهم...و من قوّة الفيلم أهيه قامت تقهقه...يا جماعه لا يطوفكم و أشوه أني رحت و غسلت كبدي عقب يومي البايخ....و ختمناها الشلّه كلها في ماكي...يالـــــــــــــــــــــــــــــــــــــــــــــــــــــذّه
10 comments:
مشكلة التوبيخ من الصبح...
Kuwaiti_Man:
صدقني هذا الفيلم غير....يعني أنا عندي المسكت أذكياء لكن أغبياء بس و الله هالفيلم يضحك...لمّا طلعت من الفيلم دقيت على أمي أقولها اللي أهيه رايحه و مكيفه عليه مع أن أهيه وايد دقيقه بالأفلام
يالله ترى مشكله حتى انا لما كنت اروح المعهد
اول أيام المعهد كنت اكشخ بس اخر ايام ادور لي اي تي-شيرت وبنطرون خام اي شي وانتوا بكرامه نعال بو اصبع (:
وشكراً للمساحه
ودمتم سالمين .. (:
why do you write in different colors of the rainbow? does each color mean a certain thing?
And, laish you choose qahqaha instead of the7ek, intentional?
So you did go to maki, bel3afya :)
Purg, very valid questions !!
Purgatory72 & The Don:
ما شاءالله عليكم ما تخلون الواحد على راحته...ماكو سبب معين بس أحب هالألوان
Yeah but still, odd way of doing posts :)
الله يعينج على فرقى المحبين ...ز المهم انا ادعوكم حق البلوق مالي
متواضع جدا بس انشاء الله تعجبكم المواضيع
http://eagle-wings-q8.blogspot.com/
الله يعينج على فرقى المحبين ...ز المهم انا ادعوكم حق البلوق مالي
متواضع جدا بس انشاء الله تعجبكم المواضيع
http://eagle-wings-q8.blogspot.com/
Post a Comment