Thursday, August 05, 2010

أيهو أحسن؟

.
.
.
.
أي نوع من النساء أحسن
.
المرأه..هبّت الريح..المعتمده على روحها أعتماد كلي
.
اللي تصرّف أمور البيت كلها من غير الرجوع 
.
الى رجل البيت
.
و لا اللي معتمده أعتماد كلي على الرجل
.
اللي حتى أغراض الجمعيه لازم يروح
.
يشتريها معاها
.
.
كل وضع له مميزاته
.
بس اللي تبي تشتري دماغها
.
شنو تسوي؟؟؟؟
.
لحّد يقول لي 
.
خير الأمور الوسط
.
لأن الرياييل عندنا
.
يا يخلون القرعه ترعى
.
يا ياكلون القلب

44 comments:

Deema said...

على حسب الظروف

بس أهم شي إن ما ينوخذ الشي كأنه واجب، يعني يروحون الجمعية من باب التمشي مثلا، بس إذا أثنينهم كل واحد منضك بشي شحقه العبالة

و بعدين هو يمكن إيي معاها يوم يومين تالي تتعلم على الماجلة، ما يبيلها شي

panadool said...

حسن نوع الريال
علشان يصير التجانس

ma6goog said...

النوع الأول

why me said...

صبحج الله بالخير


انا اقول انا اهي اللي تخلص شغلها بنفسها لان الريال دمه بااااارد في شغل البيت



ف الوحده تخلص شغلها وايد أحسن


:)


ولهت عليج :**

violinist_q8 said...

اهو فعلا الوسط !!

اعتماد المرأه على نفسها بكل شي بيولد لها ضغوط وسلبيات ممكن تكره العيشه مع الرجل

واعتمادها عليه بكل شي (لوكان موكفو)بيحسسها ببروده ونقصه وهم بتحس بضغط

ليش تطلعون نفسكم غلطانين يابنات حواء اقولها لكم كرجل وواثق فيها الي تعدل بزوجها ومايتعدل لاتضغط على نفسها وتكتم كلامها بصدرها قولوا له الي تبونه بهدوء وسووا الي تبونه بعد ماتقولون له الي بقلبكم.

تعدل كان بها والف الحمدلله ماتعدل هذي مشكلته اهو دوروا لها حل

فلا تجبرونكم نفسكم بخيارين يا ابيض يا اسود

bent el deera said...

صباحج ورد

انا برايي المتواضع
تشتري راسها وتسوي شغلها وما تعتمد على روحها
اسرع واحسن واضبط
فيها عوار قلب ولويه بس على الاقل الشي اللي تبيه يخلص بسرعه

Najmah said...

لا انا اسوي اللي عليه ولا اهو يشيل اللي علي
كل واحد وله واجباته
وعشان المركب تمشي
ايد وحده ما تصفق

هذا اللي يقوله العقل

اللي اقوله انا
اهو يشيل كل شي
وانا ادلع نفسي على الآخر
:)

ANGEL HEART said...

صباحج جوري وياسمين


كنت بقول حسب الريال وحسب التفاهم بينهم بس الصج والواقع غير
فعشان جذي

تبين الصج اشوف اللي تسوي كل شي تتعب ومع الايام يبين عليها الكبر والتعب والارهاق ويمكن بعد جم سنه تنسى روحها وتعطينه ااكبر من عمرها بوايد امي اقرب مثا حي اشوفه


بس اللي تخلي كل شي عالريال غير ماتكبر ماتعرف المحاتاة والهم سعيده شاريه راحتها

mtfa2el said...

هههه
و الله مساكين هالرياييل

بس صراحة .. مع نمونة وايد من الرياييل الكويتيين اللي يفشلون الواحد
أنا اقول النوع الأول لأنه ما يتجى عليهم

أما إذا كان ولد أوادم فلاجذي و لا جذي
كل واحد و مسؤوليته ولا يصير يغربل بنت الناس عالأولي و التالي

Girls and Kuwait City said...

Hiiiiiii
المفروض الريال يتحمل المسؤليه و لازم اتعلمينه بتتعبين بالبدايه بس بترتاحين بالاخير... و اذا مالج مقاقه و شاريه دماغج صيري هبت ريح و خلصي شغلج مو شغله :)

nanonano said...

Deema :

يعني بكلمات أخرى..تعتمد على روحها
;)

nanonano said...

panadool:

ليش لازم الزوجه أهيه اللي تكيف حالها مع الزوج..ليش مو العكس؟؟!؟

nanonano said...

ma6goog :

حلو أنك واضح و صريح..على الأقل عارف شنو تبي

nanonano said...

why me:

أهــلا و ســهلا

حلو..بس لا أيي أيتشرّه..أذا صار في فتفوته من شغل البيت ناقصه

nanonano said...

violinist_q8:

في حيثيه أنا أتفق معاك فيها قلبا و قالبا

قولوا اللي تبونه بهدوء و خل توصل المعلومه..على قولتك تعدل كان بها..ما تعدل..بعد شنو نسوي..موضوع الكلام أنا أشوفه وايد مهم..و للأسف وايد من الأزواج ما يقدرون أهمية هالكلام في العلاقات الزوجيه الصحيه

nanonano said...

bent el deera:

صباح العسل

أنا أتفق معاج..لأن أحنا حارين نبي شغلنا يخلص..بس ما تهقين لو نحاول أن نكون أبرد أحسن حق صحتنا و جمالنا
هاهاهاهاها
:)))))))

nanonano said...

Najmah :

بـــــــــــرافـــــــو

قرار حكيم جدا

nanonano said...

ANGEL HEART :

صباح الفل

يعني وصلنا حق النتيجه النهائيه..صحتي و جمالي و لا بيتي و زوجي و عيالي

ترا بالنهايه..الزوج ممكن يتزوج وحده ثانيه..و العيال من يكبرون..ما يدرون عن هوا دار أمهم

ف...جمالي و صحتي

مو؟

nanonano said...

mtfa2el:

مساكين الرياييل!!!!؟؟؟ بذمتك..بذمتك الرياييل مساكين

النوع الأول وايد أحسن بس مدته ١٠ عقبها المره تفتخ..بس النوع الثاني تطلع مميزاته بعد ال ١٠ سنين
;)

nanonano said...

Girls and Kuwait City :

Helllllllllllllllllo

صــــــــــــــح..تصدقين و لا مره طرا على هالموضوع

شكرا..شكرا جزيلا على هالفكره النيره

u made my day

Girls and Kuwait City said...

glad :) .... at your service :)

جبريت said...

تعبي على الريال الي ينظم جدول متكامل من روحة جمعيه الى طلعه عائليه ينتهي بسفره سفرتين في العطل الرسميه

وفوق هذا جدول غير متعارض مع دوانياته وطلعاته

nanonano said...

جبريت:

لي الحين أكو هالنوع من الرياييل؟؟؟

على بالي أنقرضوا

esTeKaNa said...

اعتقد:
الحل بيد المرأ وحسب الرجل
اذا الرجل من نوع القرعه ترع لا من البداية تعال يا ولد الناس سو كذا وكذا وكذا..لازم يعرف ان هذا الشي من اختصاصه واذا ما سويته ما راح يصير
!!
ما رحت الجمعيه
بتبقى الثلاجه فاضيه
لما يظطر اهو يروح
:))
اذا كان الريال ياكل القلب،ممكن انها تسوي اشيا وايد بروحها بس تخليه بالاطار وتوهمه ان كل شي صار حسب ما اهو يبي وشوي شوي بيخف من نفسه ويعتمد شوي عليها واهي بتريح نفسها من كراف القلب
:))
الموضوع يعتمد على:
ذكاء المرأه اولا واخيرا
نوعيه الريال
:))
شخصيا:
افضل ابقى هبه ريح كما عرفتيها لأن هذي شخصيتي مع وضع خطين من ضرورة توزيع المسؤوليات والمشاركة

panadool said...

صباح النور

لأن الريال أهو الريال
أقصد هو رب الأسره
هو المعيل

هم قوامون على النساء
الزوجه أوكي تلقائيا راح تتكيف مع زوجها بحكم الفطره والحب


مافيها مشكله كلش

تحياتى

الزين said...

نانو

:)
ترى اللي علقت باسم نجمه اهي انا
واخزيااااه
داشه باكاونتها اغير اللوك مال مدونتها ونسيت اطلع وعلقت عندج

واللي يعافيج شيلي التعليق
وعديه مني

:)

صباحج عسل

جبريت said...

عشان جذي قلت تعبيي على ريال من تلك النوعيه

لأنه وجودهم كان فعل ماضي

Basees said...

الأفضل للمرأة هو إستقلاليتها وترسيخ ثقتها بنفسها حتى لاتضطر إلى الإعتماد على أحد، وعليه فالنوع الأول هو الأحسن للمرأة، وليس بالضرورة أن هذا النوع سوف يكون أحسن للرجل

والأفضل من هذا كله أن يكون هناك توافق بين الإثنين

أبو جيج يدور نعاله said...

على حسب فلسفتى (الفرويدية) تعود المسألة هذى لسرير الزوجية و من يأخذ بزمام المبادرة فيه

إذا كان الزوج ينتظر (المبادرة) من زوجته - دائما - فهذا يعنى بأن زوجته قادرة على تحمل كافة المسؤوليات بنفسها و ما تحتاج من (مستر زوج) أن يتفضل و يساعدها بشى

و العكس صحيح

و بكل الحالات هناك (توازن معين) بين الزوجين و هذا التوازن غير ثابت أو محدد و مختلف عند الأزواج...


لكن تبقى مسألة المبادرة بيد كل طرف و من يطمع (بشارة الكابتن) عليه أن يثبت (أحقيته) فيها

Nikon 8 said...

أفضل شي إن الزوجة تكون متستتة في بيتها
والريال قايم بكل شي
أريح بال لها
إنشاءالله يشترى اللي له لزمه واللي ما له

le Koweit said...

اكيد المرأة الشقردية هبت الريح احسن
تسوي كل شوي بروحها :>

انا احترم هالنوعية
لانها من نوعية امهاتنا وجداتنا
لكنها انقرضت الحين للاسف :>

Blog 3amty said...

السيادة في البيت للأقوى مع تجاهل نوع الجنس !

نمووول said...

الاولى بعد شهرين تحس ان الريال ماله قيمه :)

فريج سعود said...

انا اؤيد ان القرعة ترعى

Katkoota xD said...

على حسب الظروف

بس المفروض يعني الاثنين يتعاونون بشغل البيت

بس اذا الريال بااارد و يبييلة سنه على ما يسوي الشغل

طبعاً احسن البنت تخلص شغلها اول باول

تحياتي

كويــتي لايــعه كبــده said...

يا طخه يا طلع مخه!؟
المرأة اللي بس لازقه في الرجل تعل. واللي تسوي كل شيء بدون حتى الرجوع للزوج شحقة متزوجه؟ كان قعدت في بيت ابوها وما كان بالصورة رجل أصلا. عفوا اذا ما تبين تسمعينها لكن بالفعل خير الأمور أوسطها

حلاة المرأة سنعة فاهمة مقتدرة وسند للزوج بكل ما تعنيه الكلمة
والسنع نفسه يحتم عليها عدم تجاوزه وكل مشروك مبروك بما به الحياة الزوجية ان شاء الله

ونفس الوقت يا شين الرجل المتسلط اللي يتدخل بالأمور اللي المرأة أحسن فيها... عط الخباز خبزة وتمتع بالنتيجه. هي مو هوشة علشان أحد يثبت أنه الأقوى والا الأحسن. هذه مرتك شريكتك بكل ما هو انت الى يوم الدين وأم أغلى ما ربنا من عليك به

أهل شرق said...

تقبل الله طاعتكم
وعيدكم مبارك

reemas said...

عيدكم مبارك
و كل عام و انت بخير

تحياتي
:)

عثماني said...

عسى ما شر اخيتي

مختفية

:(

helpme said...

السلام عليكم

تحية طيبة اخواني وخواتي بالبلوق
الموضوع الي بقوله اكيد غريب والكل راح يستغرب منه
لان موضوع مساعدة شخص وتدرون بالديرة كلها واسطات بواسطات
الموضوع ومافيه شخص يدور واسطة (ولو بمقابل مادي) وارجو من صاحب المدونة لا تلغي الموضوع لان والله العظيم (في حياة وممات اكررها يا اخوان فيها حياة او ممات )هالشخص وامه وابوه كبار بالسن وماله احد يرعاهم ومرضى بالقلب والعظام
وياريت واتمنى من الجميع الي يقدر يتفاعل بالموضوع لانه اول شي في تفريج كرب انسان الي يقدر يساعد لوجه الله او بمقابل مادي يتفضل وارجو كل الرجاء لا تلغي الموضوع وياريت لو يسمحون لي اضيف الايميل للتواصل او طريقة تواصل للي يبي يساعد
او يعرف الموضوع وبشكل عام الموضوع للاشخاص الي لهم معارف بوزارة الداخلية واكررها يا اخوان والله العظيم ثم والله العظيم الموضوع في حياة وممات شخص لان كل الابواب والطرق سلكه اخونا ونشرته موضوعه بالجريدة بعد وللحين محد رد عليه وما لقينا الا الواسطة ندورها ولو بمقابل مادي لدرجة مستعد يقدم كليته للي يساعده بهالموضوع
كلي رجاء يا اخوان تهتمون وبأسرع وقت
شكرا

you-sif said...

انتو معاشر النساء .. ما يعجبكم العجب

ان صرنا زينين .. قلتوا سكانة مرته

وان صرنا ملعن .. قلتوا شوفوا اللعين

..
لازم نطالب بإجلاسكن في بيوتكن حتى تكونن ربات بيوتكن وتاخذون معاشكن وتصرفون فلوسكن اللي تعطيها لكم حكومتكن

..pen seldom said...

مساء الخير ..


والله إذا الامر علينا , ونقدر نخلص الأشغال بنفسنا , فأنا أفضل النوع الأول , ولا نجلس ننتظر الرجال .. أنا وحده ما أحب أحد يعطلني , ويوقف شغلي بأنتظاره متى ما كان فارغ لي خلص لي اللي أبي ..


=)


سعدت لزيارتي مدونتكِ ..

أرق تحية ..

DK said...

akeed ilnoo3 ilthani bs ma ynf3na damna 7ar :/

كويتي said...

اهو كله يعتمد على المرأة!!

اذا اهي ماخذة قلب زوجها وقايمة فيه فهذي تستاهل والله يهد الريموت كنترول عشانها ويقوم يتعنى يوديها الجمعية يشترون ماجلة.

أما اذا كانت من النوع الحنة والدعلة فيطبق عليها مبدأ "المساواة بين الرجل والمرأة" وخلها اهيا تييب الماجلة .. والا يعني ناقصها ايد أو ريل :)

 
template by Purplecious