Tuesday, August 05, 2008

حلم...يبا حلم

قبل جم يوم حلمت بالمرحوم الدكتور أحمد الربعي...حلمت قاعد يناديني..و يقول لي تعالي سولفي لي شنو أخبار الكويت...و أنا بالحلم اخترعت و فشلت..أبّيه شنو أقول له...أقول له عن النواب اللي مالهم سالفه الاّ الفساد الأخلاقي اللي في كبّر..و هادين الفساد الأداري المتفشي في غالبية الجهات الحكوميه بالكويت هني مو بجزيره محّد يروح لها الا بالويكند...و لا أقول له عن سوق النخاسه و ثورة الجياع البنغال...و لا أقول له عن قصّتنا مع الفيفا...و محاولات كويتيين وضيعين لتشويه سمعة الكويت في سبيل مصالح شخصيه...ما قدرت أتكلّم بالحلم..وانربط لساني...و قعدت من النوم...قلت دكتور أحمد هذا وضعنا

7 comments:

nanonano said...

والله العظيم هذا حلمي

عاجـل said...

لو كنت بكتب عن احلامي معه لقلت الكثير

لكن اعتقد انه صار بالمكان الطبيعي له لانه حتى وهو على قيد الحياة كان ياتي ويذهب مثل الحلم

الله يرحمه

nanonano said...

عاجل: الله يرحمه هذي أول مره أحلم فيه...أعتقد أن بلغ السيل الزبى عندي.

ولاّدة سابقاً ... رانيا السعد ...رانية المنيفي حسب الأوراق الرسمية said...

welcome back

أهلاً وسهلاً بك من جديد


إذا حلمتي بالمعلم مرة ثانية سلمي لي عليه

عثماني said...

اي و الله ... شتقولين له!!؟

الشكوى لله

:(

nanonano said...

العزيزه ولاّده: شكرا جزيلا...أفا عليج..ما طلبتي شي...بس أنتي متخيله..أن حتى بالحلم قاعده أفكر جذي...آه ليت من يوقّف مخوخنا عن التفكير شويه

nanonano said...

عثماني: حيّاك الله في مدونتي المتواضعه شكلا و أسلوبا...مقارنة مع الآخرين...

:)
و بعدين ما نبي نشوف الوجه الحزين...لا تنسى أنا من ربع التفاؤل

 
template by Purplecious