Saturday, August 05, 2006

طبعا من بدت الحرب الأسرائيليه على لبنان...و الكل ماله سالفه الاّ التلفزيون و متابعة الأخبار....بس تبون الصج...الأحداث كلها بصوب....و ريما مكتبي بصوب....يا جماعه البنت ما شاء الله عليها....الشباب كلهم زايغه قلوبهم عليها....و أنا ما ألومهم...الوجه و اهوه محتقن من الحر هالوجنه..تسقي هالوجنه....والكشه ما أتحالونها الاّ عليها...و طلاقة اللسان...تشوّق...مسكينه البارحه خفت عليها من كثر ما نزّت من الضرب في صور...تصدقون خفت لا تقلب تصير مثل سعد بمسلسل درب الزلق لمّا طاح فيه الخال تخرّع...يعطيها و يعطي جميع المراسلين ألف عافيه


24 comments:

Mother Courage said...

قطوه ماشاءالله

Shurouq said...

نانو.. وين رشيد الخطار عنج :)


ريما قمر

cozy said...

mashallah 3omrech a6wal men 3omri yesterday i was searching for her pics to post it ,you are absolutely right she is cute,practical,smart and she knows what she's doing god allah ehani her b.friend or husband :P

Fuzzy said...

هاهاهاها الحين هادين الحرب وتتحلون على ريما مكتبي جنكم اول مره تشوفونها ! صحيح لي حبتك عيني ما ضامك الدهر :)

Alia said...

ريما تهبل

رفيجة ريلي من زمان
وعلى قولتج بكشتها والوجه المحتقن بس جميلة

nanonano said...

Mother Courage:
حــــــــــــــرام عليج...تدرين أني ما أواطن القطاوه

قنده...أضبط
;)

nanonano said...

Shurouq:
ويــــــــــــــه طلع الكل يدري عن رشيد الخطّار....المشكله مو بو بس رشيد

nanonano said...

cozy:
أنا أعتقد البوي فرند الحين بيموت من الخوف عليها...و بيني و بينكم ما ينلام

nanonano said...

Fuzzy:
ويـــــه...الله جميل يحب الجمال...ذابت قلوبنا من المناظر بلبنان...فلازم الواحد بعد يشير حق المجهودات الجباره للمراسلين هناك...وخاصة أذا مراسله قنده مثل ريمو

nanonano said...

Alia:
صح كلامج أهيه من زمان حلوه...بس الحين عقب مع الحرب صار فيها مسحة نضج...أضافت رونق على جمالها

KuwaitVoice said...
This comment has been removed by a blog administrator.
KuwaitVoice said...

انا نسيت شكلها والله آخر مره شفتها قبل فتره ..

السؤال هل هي الآن اجمل من هيفاء وهبي ؟؟

عشان اذا اجمل .. اتشجع واحاول اني اشوفها :)

Fuzzy said...

ليش محد مدح مراسلتنا في الصومال على جهودها ؟ هاهاها

nanonano said...

KuwaitVoice:
فـــــــراغه...اشياب ريما حق هيفاء

Reema much more decent

nanonano said...

Hitman1:
عيل أنت حدّك ما تدري عن التلفزيون و قناة العربيه

nanonano said...

Fuzzy:
ولّين....أهوه أصلا أكو مراسله أو مراسل بالصومال؟!؟...عموما أذا أكو...هم مشكورين على مجهوداتهم بالصومال
;p

Unknown said...

كتبت عنها سطرين ضمن موضوع مصور في بلوقي عن طريقة القنوات الفضائية في تغطية الاحداث
انت مدعوة لمشاهدته وكل من تهمه قضية ريما

White Wings said...

جميلة وشخصيتها تزيد من جمالها
وانتي ليش تشجعين الشباب على زواغة العيون، اهم ناقصين؟ :)

nanonano said...

White Wings:
هاهاهاها
صدقيني مو متعطلين علي

cozy said...

NanoNano If i may add ba3ad Reema No.2 new face fel 3arabeeya Reema sal7ah el ghogha !! :P

Chai-7aleeb said...

و علية عليها

عقب الحرب،صارت تشابية و مغبره

الله يرحم أيام الستديو

لكنها لما الحين تتنغمش

wakee7 said...
This comment has been removed by a blog administrator.
wakee7 said...

والله فراغه
الناس وين وانتو وين

بس تبين الصج قبل احلى من الحين

:)

Mohammad Al-Yousifi said...

ريما مكبي ملكة جمال

بس هم هيفاء وهبي حلوة و ما نرضى عليها

أذكر قبل لا اروح لبنان وايد بنات كانوا يقولولي اللبنانيات جكر بس مكياج و عمليات تجميل, ديرة جياكر بس اللي بالتلفزيون

و ليلحين اذكر أول مرة رحت هناك شلون انصدمت ان الديرة كلها حلوين, حتى العيايز حلوين, حتى الروووم سيرفس قطعة

الله كريم بس

و عشان لا يتهموني بالعنصرية, حتى شبابهم مزايين

يبيلهم موضوع ثاني:)

شفتوا اخو نانسي ؟

 
template by Purplecious