Sunday, August 28, 2005

أمس كنت قاعده أشوف فيلم أجنبي....صار فيه مقطع...ما أدري ليش بس وايد ركّزت عليه...أنا الحين بقولكم الحوار بين الزوج و الزوجه بس باللهجه العاميه

الزوجه: تأخّرت...قعدت أحاتيك

الزوج: آسف حبيبتي ما كان قصدي أني أخليش تحاتين

تعالوا خل نتخيل لو زوج كويتي قالت له زوجته هالجمله البسيطه شنو ممكن الرد يكون

الزوج: شنو أنا ياهل عشان تحاتيني

أو

الزوج: و أنتي مالش سالفه الاّ تحاتين

أو

الزوج: كاني....أشتبين

وفي حالات الزوج يكون مخمبق....و خايف ينكشف فردود أفعاله ممكن تكون أقوى

فقعدت بيني و بين نفسي أضحك على الفرق

22 comments:

q80_demon said...

بس طبعا سؤال الزوجه من الاصل راح يكون من نمونه: "انت وينك فيه لي هالحزه؟" او"تقدر تقولي ليش متاخر؟" او " الرياييل السنعين ما يهيتون ليما انصاص الليول!" او .... الخ، الخ

2 Second Club ® said...

نانو, انتي من صجك تنطره لين يرجع البيت؟؟ الزوجة الكويتية أصلا راح تلعن ابو خامسة تلفونات (وينك فيه؟ منو معاك؟ شقاعد اتسوي في هاللحظه هذي؟؟) حنه حنه حنه حنه

هالمثال اللي قلتيه ما ممكن اصير بالكويت

:P

Purgatory said...

It all depends on how she asks.

True Faith said...

You could not generalize.

True Faith said...
This comment has been removed by a blog administrator.
ولاّدة سابقاً ... رانيا السعد ...رانية المنيفي حسب الأوراق الرسمية said...

نانو

هنيئاً لها هذا الزوج

جملة :آسف حبيبتي ما كان قصدي

تجعلني أمحو كل أخطاءه وليس التأخير فقط
:(

أكره ما أكره حين يقول : آسف...اشلون الحين!!!

q80_demon said...
This comment has been removed by a blog administrator.
nanonano said...

q80_demon:
أنا مو قاعده أتكلّم عن مدى نسورة المرأه الكويتيه...هذي حقيقه الواحد لازم يقرها...بس المرأه الكويتيه ما صارت نسره الاّ من فعايلكم يا الرياييل الكويتيين....هيش ريّال هيش مره...و بعدين أنا كنت قاعده أتكلم عن مدى رقة الزوج...أن من كثر ما يخاف عليها و يحبها ما يبيها حتي أتعب نفسها و تحاتيه

q80_demon said...

خلنتخيل الحديث شلون بيكون:
الزوجه النسره: وينك في لي هالحزه؟
الزوج: آسف حبيبتي ما كان قصدي ...
الزوجه وبنفس واحد: شنو قصدك عيل وانت هايتلي ويه ربعك خمه هالبقعه لين هالوقت، ها ماتقوللي؟ وبعدين شقصدك انت آسف، شالعمله السوده الي تبي اتاسف عليها ها؟! ولاتقعد تقص علي وتساحلني تقول حبيبتي ما حبيبتي، ترى سوالفك هذي موعلي ...

ومثل حلبات الملاكمه تاخذه زاويه وتشتغل عليه بهالكلمات الحلوه الرقيقه، والله يستر ماتشتغل الاطباق الطائره!

q80_demon said...
This comment has been removed by a blog administrator.
esetch said...

nano

عطيتيني فكرة لرواية جديدة، عن زوجة نسرة وزوج ماشي على حل شعرة

بس بشرط انتي البطلة

8-P

nanonano said...

UmNaser:
أنا قصدي بالموضوع كلّه الرقّه في التعامل

nanonano said...

esetch:
أنا لي الشرف أني أوحيت بقصه....بس والله العظيم أنا مو نسره


Tareqish:
حياك الله في مدونتي المتواضعه...على فكره كلامك كلّه صح

esetch said...

Nano

من قالك إنك راح تكونين النسرة الله يهداك

إنتي راح تكونين صديقتها إللي دايما تحاتيها وترقع لها

أبو جيج يدور نعاله said...

la et7ateen wayed


sheftay shino 9aar eb Majda men kither el m7ataat.....ee wayed taja3eed o mayfeed ma3aha 3amaliyyat el shad


hathy awal marra adesh el net 3an 6areeq n3aal feeh GPRS.....inshallah tenja7 el mu7awala

nanonano said...

Bo Jaij:
نجحت
;)

جنة الحواس said...

والله صاجة .. احنا مشكلتنا بالريايل و الحريم ..كله ناشفين .. و ما يعرفون يعبرون ..كل من يمشي و ينزر

pazzle said...

نانو ..انا طبعتي احاتي وايد...
وجربت اني ما احاتي ... واكون بارده بس ماكو فايدة ... وادري محاتاتي تضايقه مني وايد ... بس جد انا اتمنى انه في احد (اقصد واحد) يحاتيني وايد ..

ii said...

والله الرجال كذا
سألتيه سؤال بطريقه زينه والا شينه
بينافخ ولا راح يقول الصدق
بس ياحظ الاجنبيات
:P

Mother Courage said...

رياييلنا ينحطون عالجرح يبرا

nanonano said...

mother courage:
LoooooooOOOOOoooooL
sorry
but this was funny

chatterbox said...

كلامج كله عدل بس مو الكل وبعدين تدرين ليش الاجانب يكونون رقيقين جذي؟
لان المرة كل ثلاث او خمس سنين لها ريل ( زوج)
يديد والريال نفس الشي, يعني الحريم بالكويت اول ثلاث سنين اشزينهم واشحلاتهم هالكلام الحلو والكشخة وبعدين يبدي الويه الثاني يطلع يعني احنا واهم نفس الشي بس احنا نظل على نفس الريل ( الزوج) طول العمر ......يا حلونا

 
template by Purplecious