Wednesday, August 03, 2005

طبيعة عملي...تخلي عندي أحتكاك دائم مع عملائي...و الوسطاء في البورصه...و طبعا ما أقدر أعدد الألقاب اللي يعطوني أياها...اللي يسميني أم راشد..واللي يسميني أم شكري...طبعا لي الحين ما أدري ليشو اللي يسميني مديره و طبعا أنا مو مديره و لا قالها الله..لأني ما أواطن أكون مسئوله عن موظفين...المهم..اليوم واحد من عملائي المتحضرين جدا...من صجي ما قاعده أتقشمر...أتصل فيني و أطلق علي لقب حجيه...ما أدري ليش بس و قع هذا اللقب علي كان وايد حلو...لأني تخيلت نفسي بالمكتب...و يمي قوري شاي...واستكانات بو نقيطه و الصبنيه مالت أول الصين....شان يقول لي على بالي بتطفرين لمّا أقولك حجيه..شان أقوله ليش أطفر بالعكس...وايد عجبتني...فمن اليوم صار لقبي مع هالعميل حجيه

not bad


2 comments:

أبو جيج يدور نعاله said...

صورة الحجية فى مخيلتى تختلف كلية عن الصورة الكلاسيكية اللى عندج

nanonano said...

Kuwaiti_Man:
ممكنين

Bo Jaij:
شنو صورتك؟

 
template by Purplecious