Tuesday, February 08, 2005

الحريم الكبار

على طاري العروس في مدونات البلوغرز اللآخرين..أنا عندي ملاحظه..حرص الحريم الكبار في السن العيايز
على الحضور..الصج أنهم الخير و البركه والماضي لا ما نتركه..بس الله يهداهم ضيج و عيج..أنا ما أدري شلون فيهم حيل يقعدون لي نصايف لليول ابهالصيحه و اللويه..المهم أمس وحده من البنات صديقاتي قالت لنا هالسالفه فتنغصت لكم أياها..اهيه صاحبتي متعافيه حبتين و شويه..المهم تقول في عرس من العروس..لما كانت تروح عروس..قامت ترقص..و في الميد مكان الزوليه منشفسه..تقول ما وعيت الا و أنا متكوده بحضن و حده من هالعيايز اللي متسمتين على القنفات..تقول شان أسمع العيوز تصارخ...ويي..ويي..ويي..اركبي عما بعينش..تقول أنا من الفشله أبي أقوم ماني قادره شان أقولها سوري..سوري خالتي.. و أحاول أهمز لها أركبها و أقوم..عاد أهيه تكمل تقول لي الحين ما أدري شنو مصير هالعيوز ما أدري راحت ألمانيا تتعالج و لاّ صليبيخات..ما أدري

16 comments:

bo_ghazi said...

ما ادري انتوا يالحريم شلون تتحملون الازعاج و اللوية في عروسكم. انا اذا دشيت ازف واحد من ربعي ما أبي الا عمري و السبب هالموسيقى العالية اللي من تصك الراس صك!!! والله ماكو على عروس الرياييل ، دش سلم و بارك ، ابلعلك لقمة عالسريع ، اشربلك استكانة شاي و في أمان الله!

Unknown said...

Bo ghazi
men's wedding is the same as men's 3aza.. same structure without food

nanonano said...

bo_ghazi:
الله يهداك انتو بكل شئ أريح منا

bo_ghazi said...

Mosan, eeey... sahaalaaa o bidoon ta3qeedat :)

bo_ghazi said...

nano, true bs still... kaidokom 3atheem :P

nanonano said...

bo_ghazi:
موضوع كيدكم عظيم ما راح أختلف معاك عليه..بس مع هالكيد يالله الواحد يلحق راس معاكم يا الرياييل

Jewaira said...

Nano
That is so funny.
Shetsawi ba3d ham el 3ayoozah tabi itwas3 9aderha :P ma ye9eer?

nanonano said...

Juwaira:
الله يهداك.. خل توسع صدرها بشاي الضحى

nanonano said...

bora bora:
أنا ما اقصد هالفئه السنيه أنا أقصد الكسر اللي ما فيهم حيل يمشون

أبو جيج يدور نعاله said...

Nano

You didnt finish the story, did it work? Is she married now ?

"Chafsat zooliya" can decide the fate of girls in Q8

nanonano said...

Bo_Jaij:
هو.. لأ ...أقولك العيوز تحرولت

أبو جيج يدور نعاله said...

Nano

Maybe the old lady has a son who likes it rough

nanonano said...

Bo_Jaij: it has nothing to do with roughness...it has to do with flexibility..the moves darling the old lady wont think such a fat girl would b such a grat performer

nanonano said...

PinkSuedeShoes:
I have nothing against elmetan..bel 3aks
موضوعي عن العيايز اللي مشاغبين البنات المتان و الضعاف في العروس

و بعدين بيني و بينك عصاقل مصاقل حبك في القلب صاقل

Purgatory said...

What is wrong with chubby women? chubby women are the best, skinny women are bones, skeletons mo nagseeen tekhr3 :P

(joins PSS and look at nano with that look that makes her run, the nisra look :P)

Zaydoun said...

فتحتي على نفسج باب يا العصلة :-)

 
template by Purplecious